BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

سەناتتا اسكەريلەردى باسپانامەن قامتۋ ماسەلەسى تالقىلاندى

استانا، baq.kz ٴتىلشىسى. سەناتتا حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەلەرى قر قورعانىس مينيسترلىگىنىڭ باسشىلىعىمەن كەزدەستى.

كەزدەسۋدە «كەيبىر زاڭنامالىق اكتىلەرگە تۇرعىن ٴۇي قاتىناستارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىنىڭ جۇزەگە اسۋ بارىسى قارالدى.

كوميتەت ٴتورايىمى داريعا نازاربايەۆا ەلىمىزدە العاش رەت اسكەري قىزمەتكەرلەردى تۇرعىن ٴۇي تولەمدەرى مەحانيزمى ارقىلى باسپانامەن قامتۋدىڭ جاڭا مودەلى پايدا بولعانىن ەسكە سالدى.

«وزدەرىڭىز بىلەسىزدەر، باسپانا الۋ پروبلەماسى، اسىرەسە اسكەري قىزمەتكەرلەر اراسىندا ٴاردايىم وزەكتى بولعان، ٴقازىر دە وزەكتىلىگىن جويعان جوق. ۇكىمەت اسكەري قىزمەتكەرلەردى تۇرعىن ۇيمەن قامتۋعا باعىتتالعان شارا قابىلدامايدى دەپ ايتۋعا كەلمەيدى. دەگەنمەن، قازىرگى باسپانانى پايدالانۋعا بەرۋ قارقىنى تۇرعىن ٴۇي ماسەلەسىن مىڭداعان وتباسى ٴۇشىن اشىق قالدىرىپ وتىرعانىن مويىنداۋ قاجەت. وسىلايشا، ولاردى ۇزاق جىلدار بويى كۇتتىرىپ قويادى. سوندىقتان، اسكەري قىزمەتكەرلەردى باسپانامەن قامتاماسىز ەتۋدىڭ جاڭا مەحانيزمى وتە ماڭىزدى. سەبەبى، ولارعا قىزمەت ەتكەن كەزىندە ٴوز ٴۇيىن الۋ مۇمكىندىگى بەرىلەدى. وسىلايشا، اسكەري قىزمەتكەرلەردىڭ مەملەكەتتىڭ ەرەكشە قورعاۋىنداعى ازاماتتار رەتىندەگى مارتەبەسى راستالادى»، - دەدى نازاربايەۆا.

داريعا نازاربايەۆا اسكەريلەردى باسپانامەن قامتاماسىز ەتۋگە باعىتتالعان زاڭنىڭ قانشالىقتى ٴتيىمدى جۇزەگە اسىپ جاتقانىن قورعانىس مينيسترلىگى باسشىلىعىنان سۇرادى.

اتاپ وتسەك، سەنات 2017 جىلعى قاراشادا اسكەريلەردى باسپانامەن قامتاماسىز ەتەتىن زاڭ جوباسىن قابىلداعان ەدى. وعان سايكەس، قىزمەتكەرلەرگە بولىنەتىن تۇرعىن ٴۇي تولەمدەرi بىردەن بانكتەردiڭ ارنايى شوتتارىنا اۋدارىلادى. وسىلايشا، باسپاناعا بولىنگەن اقشا ۇستالىپ كەتپەي، بىرتىندەپ جيناقتالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي