BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

سەناتورلار اقتوبەنىڭ شالعاي اۋداندارىندا بولدى

پارلامەنت سەناتىنىڭ دەپۋتاتتارى مارات تاعىموۆ پەن مۇحتار جۇماعازيەۆ اقتوبە وبلىسىنىڭ شالقار، ىرعىز جانە ايتەكە بي اۋداندارىندا بولىپ، اگروونەركاسىپ سەكتورىندا تىكەلەي جۇمىس جاساپ جۇرگەن شارۋا قوجالىقتارىنىڭ توراعالارىمەن، جەرگىلىكتى جەردەگى مەكەمە، كاسىپورىن باسشىلارىمەن، قۇقىق قورعاۋ ورگاندارىنىڭ وكىلدەرىمەن، وبلىستىق جانە اۋداندىق ٴماسليحاتتار دەپۋتاتتارىمەن كەزدەستى، دەپ حابارلايدى ۆaq.kz اقپارات اگەنتتىگى.

دەپۋتاتتار كەزدەسۋ بارىسىندا پارلامەنتتىڭ زاڭ شىعارۋ قىزمەتى تۋرالى سايلاۋشىلارعا اقپارات بەردى. سونىمەن بىرگە اۋىل شارۋاشىلىعىن، كاسىپكەرلىكتى دامىتۋ، شاعىن نەسيەلەۋ، تۇرعىن ۇيمەن، اۋىز سۋمەن، گازبەن قامتاماسىز ەتۋ، اۆتوجولداردى جوندەۋ، حالىقتى جۇمىسپەن قامتۋ، الەۋمەتتىك قامسىزداندىرۋ، دەنساۋلىق ساقتاۋ، ينتەرنەت بايلانىسىن دامىتۋ، كەيبىر سالالارداعى كادر جەتىسپەۋشىلىگى جانە الەۋمەتتىك نىسانداردى سالۋ سياقتى ماسەلەلەردىڭ ەلىمىزدە شەشىلۋ جايىن اڭگىمەلەدى.

كەزدەسۋگە قاتىسقان شالقارلىقتار اۋىل شارۋاشىلىعى سالاسىنان زەينەت دەمالىسىنا شىققان ارداگەرلەردىڭ زەينەتاقىسىنىڭ تومەن ەكەنى، وعان كوەففيسيەنتتىڭ دۇرىس قوسىلماي وتىرعانى، اۋىل شارۋاشىلىعىندا ەڭبەك ەتەتىن كادرلاردىڭ تاپشىلىعى تۋرالى جانە باسقا دا وزەكتى ماسەلەلەردى كوتەردى.

شالقار قالاسىنىڭ ميكروكليماتىن قالىپتاستىرىپ وتىرعان شالقار كولىنىڭ قازىرگى جاعدايىمەن، جەكە كاسىپكەر ساۋلە داۋلەتالينانىڭ مەملەكەتتىك-جەكەمەنشىك ارىپتەستىك اياسىندا سالىپ جاتقان كۇندىزگى ستاسيونار ەمحاناسىنىڭ قۇرىلىسىمەن تانىستى. جەتىسپەۋشىلىگىن قوزعادى.

دەپۋتاتتار قازاقستان رەسپۋبليكاسىنداعى جەر قاتىناستارىن رەتتەۋ، سونىمەن بىرگە اگروونەركاسىپ كەشەنىن دامىتۋ بويىنشا زاڭنامالارعا كەڭ كولەمدە توقتالىپ ٴوتتى. اۋىل شارۋاشىلىعى سالاسىنىڭ ماماندارى مەن شارۋاشىلىق قۇرىلىمدارىنىڭ وكىلدەرىن ناقتى جۇمىس بارىسىندا كەزدەسەتىن ماسەلەلەر بويىنشا ۇسىنىستار بەرۋگە شاقىردى، ولاردىڭ زاڭ قابىلداۋ بارىسىندا ەسكەرىلەتىنىن اتاپ ٴوتتى.

جيىن بارىسىندا دەپۋتاتتارعا بالىق اۋلاۋ تۋرالى زاڭناماعا وزگەرىستەر ەنگىزۋ، ىرعىز اۋدانىنىڭ اۋماعىنداعى جامانشىڭ مەتەوريت كراتەرىنىڭ مارتەبەسىن انىقتاۋ، ٴتاۋىپ، جايساڭباي ەلدى مەكەندەرىنە كوتەرمە جول تارتۋ ماسەلەلەرى جونىندە ساۋالدار قويدى.

كەزدەسۋدەن سوڭ حالىق قالاۋلىلارى ىرعىز اۋداندىق پروكۋراتۋراسىندا، اۋداندىق سوتتا، اۋداندىق ىشكى ىستەر بولىمىندە، ىرعىز-تورعاي مەملەكەتتىك تابيعي رەزەرۆاتىندا، سونداي-اق جۋىردا پايدالانۋعا بەرىلگەن «قامقور» ۇيىندە بولدى. ىرعىز اۋىلىنداعى اۋدان اكىمدىگىنىڭ، 300 ورىندىق مەكتەپتىڭ جانە دەنە شىنىقتىرۋ ساۋىقتىرۋ كەشەنىنىڭ قۇرىلىسىمەن تانىستى.

ال ايتەكە بي اۋدانىنىڭ قارابۇتاق اۋىلدىق وكرۋگى مەن قىزىلجۇلدىز اۋىلدىق وكرۋگتەرىندە بولعان سەناتورلار م. تاعىموۆ پەن م. جۇماعازيەۆ الەۋمەتتىك عيماراتتاردى ارالادى. «باتىس ەۋروپا – باتىس قىتاي» تاس جولىنىڭ بويىندا ورنالاسقان «ماياك» كەمپينگىندە بولدى. سونداي-اق قارابۇتاق اۋىلدىق وكرۋگىندەگى «جاستىق» ستاديونى مەن كاسىپكەر ق. قويلىبايەۆتىڭ دەمەۋشىلىگىمەن «تۋعان جەرگە تاعزىم» اكسياسى بويىنشا سالىنىپ جاتقان «اكەلەر» ساياباعىن ارالاپ، جاڭا قۇرىلىستارعا وڭ باعالارىن بەردى.

سەناتورلار قىزىلجۇلدىز اۋىلدىق وكرۋگىندە گاز قۇبىرلارىنىڭ تارتىلۋ جۇمىستارىمەن تانىستى.

بۇدان كەيىن سەنات دەپۋتاتتارى «كومسومول» جشس-نىڭ ەگىس القابىندا بولدى. ەگىن ورۋ ناۋقانىنا جۇمىلعان شارۋا قوجالىقتارىندا ديقاندارمەن اڭگىمەلەستى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي