BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

سەناتورلار «7-20-25» باعدارلاماسىن ىسكە اسىرۋ ماسەلەلەرىن تالقىلادى

استانا، baq.kz. پارلامەنت سەناتىنىڭ قارجى جانە بيۋدجەت كوميتەتى شىعىس قازاقستان وبلىسىندا قازاقستاننىڭ تەڭگە سارايى قىزمەتى مەن «7-20-25» تۇرعىن ٴۇي نەسيە باعدارلاماسىن ىسكە اسىرۋ ماسەلەلەرى بويىنشا كوشپەلى وتىرىس وتكىزدى.

سەناتتىڭ قارجى جانە بيۋدجەت كوميتەتىنىڭ ٴتوراعاسى ولگا پەرەپەچينا قازاقستاننىڭ تەڭگە سارايى وتاندىق قارجى جۇيەسىنىڭ عانا ەمەس، سونداي-اق قازاقستان مەملەكەتتىلىگىنىڭ ماڭىزدى بولىگى بولىپ تابىلاتىنىن اتاپ ٴوتتى.

«وزدەرىنىڭ ۇلتتىق اقشاسى مەن تيىندارىن شىعارۋعا بارلىق مەملەكەتتەردىڭ قاۋقارى جەتپەيدى. باسىم كوپشىلىگى ۆاليۋتاسىن شەت ەلدەردە وندىرۋگە ٴماجبۇر»، - دەدى سەناتور.

ۇلتتىق بانك ٴتوراعاسىنىڭ ورىنباسارى دينا گاليەۆا قاتىسۋشىلاردىڭ الدىندا ٴسوز سويلەدى.

قازاقستاننىڭ تەڭگە سارايىنىڭ قىزمەتى، سونداي-اق شەشۋىن تاپپاعان ماسەلەلەر تۋرالى قازاقستاننىڭ تەڭگە سارايىنىڭ ديرەكتورى الەكساندر ترانوۆ پارلامەنتشىلەرگە ەگجەي-تەگجەيلى حاباردار ەتتى.

«7-20-25. ٴاربىر وتباسىنىڭ تۇرعىن ۇيگە قول جەتكىزۋدىڭ جاڭا مۇمكىندىكتەرى» تۇرعىن ٴۇيدى نەسيەلەۋ باعدارلاماسىن تالقىلاماستان بۇرىن سەناتور و.پەرەپەچينا الەۋمەتتىك تۇرعىن ٴۇيدى ساتىپ الۋ كەزىندە ٴارتۇرلى ساناتتاعى تۇرعىندار ٴۇشىن بۇل باعدارلامانىڭ ۇسىناتىن جەڭىلدىك شارتتارى ىڭعايلى ەكەنىن اتاپ ٴوتتى. باعدارلامانى ىسكە اسىرۋ ەلىمىزدىڭ قۇرىلىس سالاسىنا عانا ەمەس، سونىمەن قاتار ەكونوميكانىڭ باسقا دا سالالارىنا وڭ اسەر بەرەدى.

و.پەرەپەچينا «7-20-25» باعدارلاماسىن ىسكە اسىرۋ ماسەلەلەرى بويىنشا 23 قازان كۇنى سەناتتا وتكىزگەن كەزدەسۋ اياسىندا جەرگىلىكتى بيۋدجەتتەن جەڭىلدىكپەن نەسيەلەۋ بويىنشا باستاپقى جارنانى جارتىلاي سۋبسيديالاۋ مۇمكىندىگىنە; بىلىكتى پەداگوگتەر، دارىگەرلەر، پوليسەيلەر جانە باسقا دا ماماندار ٴۇشىن تۇرعىن ٴۇي سەرتيفيكاتتارىن بەرۋ جانە ەكىنشى دەڭگەيلى بانكتەردىڭ نەسيە وتىنىمدەرىن قاراۋ ۇدەرىسىن جەڭىلدەتۋگە بايلانىستى شيەلەنىسكەن ماسەلەلەر كوتەرىلگەنىن ەسكە سالدى. ودان باسقا، سەناتورلار نەسيە وتىنىمدەرىن قاراستىرعان كەزدە بانكتەر نەسيە الۋشىلاردىڭ «نەسيە تاريحتارىنىڭ» ٴارتۇرلى مەرزىمدەرىن قاراستىرا وتىرىپ، الەۋەتتىك قارىز الۋشىلاردىڭ نەسيە تاريحتارىن باعالاۋدا ٴتۇرلى تاسىلدەردى قولداناتىنىن اتاپ كورسەتتى.

«باسپانا» يپوتەكالىق ۇيىمى» باسقارماسىنىڭ ٴتوراعاسى قايرات التىنبەكوۆ پەن شىعىس قازاقستان وبلىسى اكىمىنىڭ ورىنباسارى سەرىك اقتانوۆ «7-20-25» باعدارلاماسىن ىسكە اسىرۋ بارىسى تۋرالى سەناتورلاردى حاباردار ەتتى.

كوشپەلى وتىرىستى و.پەرەپەچينا قورىتىندىلادى. ونىڭ ايتۋىنشا، وسى كەزدەسۋ بويىنشا بەرىلگەن ۇسىنىستار ۇكىمەتكە جىبەرىلىپ، بۇدان بىلاي زاڭ شىعارۋ قىزمەتىندە ەسكەرىلەتىن بولادى.

ساپار اياسىندا دەپۋتاتتار «ازيا اۆتو» قوعامىندا بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي