BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

سەناتور قازاقستاندا بيۋدجەت اشىقتىعىنىڭ تومەن ەكەنىن ايتتى

فوتو: Хабар 24

قر پارلامەنت سەناتىنىڭ دەپۋتاتى مارات تاعىموۆ 109 كريتەريي بويىنشا بيۋدجەتتىڭ اشىقتىق دەڭگەيى انىقتايتىن open budjet ارنايى رەيتينگىسىندە قازاقستان كورسەتكىشى 100-دەن 53 باللدى قۇراعانىن ايتتى، دەپ حابارلايدى baq.kz ٴتىلشىسى.

«بيۋدجەتتىڭ اشىقتىعى جانە ەسەپ بەرۋى ٴتيىس ەكەنى ەلباسىنىڭ بەس ينستيتۋسيونالدىق رەفورماسىنىڭ ٴبىر باعىتىندا ايقىن ايتىلعان. وسىعان وراي ازاماتتىق قوعام وكىلدەرىنىڭ وڭىرلەردەگى بيۋدجەت قارجىسىن تالقىلاۋعا قاتىسۋى وزەكتى ماسلەلەردىڭ ٴبىرى بولىپ وتىر. بۇل بۇرىننان بەرى الەمدە كەڭىنەن قولدانىلاتىن پروسەسس. ٴتىپتى بيۋدجەتتىڭ اشىقتىق دەڭگەيى 109 كريتەريي بويىنشا انىقتايتىن open budjet ارنايى رەيتينگىسىندە 2017 جىلى قازاقستان كورسەتكىشى 100-دەن 53 بالدى قۇرادى. ول الەمنىڭ ورتا دەڭگەيىنەن ٴسال-اق جوعارى. بۇل ۇكىمەتتىڭ قوعامدا ەل بيۋدجەتى جايىندا اقپاراتتى ٴالى دە تولىققاندى ۇسىنبايتىنىن كورسەتەدى»، - دەدى سەناتور.

وسىعان بايلانىستى تاعىنوۆ قارجى مينيسترىنەن ازاماتتىق بيۋدجەتتىڭ ماڭىزدىلىعىن تۇسىنە وتىرىپ بيۋدجەتتى قالىپتاستىرۋ جانە ٴبولۋ اشىقتىعىن قامتاماسىز ەتۋ ماسەلەسى قالاي ىسكە اسىرىلىپ جاتقانىن جانە بيۋدجەتتىك پروسەسكە ازاماتتاردىڭ كەڭىنەن قاتىسۋىنا قانشالىقتى جاعداي جاسالىپ وتىرعانىن سۇرادى.

«بيۋدجەتتىڭ اشىقتىعى تۋرالى زاڭنامالىق تۇرعىدان بيۋدجەتتىك كودەكسكە وزگەرىستەر ەنگىزىپ، جۇمىس جاساپ كەلەمىز. قارجى مينيسترلىگىنىڭ سايتىندا تولىق اقپارات بەرىلەدى. ٴبىز قوعامدىق ۇيىمدارمەن ٴتيىستى جۇمىستاردى جاساپ جاتىرمىز. حالىقارالىق قارجىلىق ۇيىمدارمەن بىرىگىپ سولاردىڭ كومەگىمەن حالىقارالىق ستاندارتتاردى قولدانىپ وتىرمىز. بيىل كەلەسى ٴۇش جىلدىقتىڭ بيۋدجەتىن ازىرلەگەندە ٴبىز قازىرگى كۇنى ليميتتەردىڭ بارلىعىن مەملەكەتتىك ورگاندارعا جىبەردىك، سول ليميتتەردى دە سايتتا كورسەتىپ وتىرمىز. ٴسىز ايتقان بيۋدجەتتىك اشىقتىق رەيتينگىسىمەن جۇمىس ىستەپ جاتىرمىز. كەلەسى جىلدارى بۇل ەداۋىر كوتەرىلەدى دەپ سەندىرگىم كەلەدى. بۇعان دا بيۋدجەتتىك كودەكسكە ەنگىزىلگەن وزگەرىستەر ٴوزىنىڭ اسەرىن بەرەدى»، - دەپ جاۋاپ بەردى باقىت سۇلتانوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي