BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

سەنات ساقتاندىرۋ بويىنشا وزگەرىستەر تۋرالى زاڭ جوباسىن كەرى قايتاردى

فوتو: ашық дереккөзден

بۇگىن قر پارلامەنتى سەناتىنىڭ وتىرىسىندا «قر كەيبىر زاڭنامالىق اكتىلەرىنە ساقتاندىرۋ جانە ساقتاندىرۋ قىزمەتى، باعالى قاعازدار نارىعى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭ جوباسى تالقىلاندى، دەپ حابارلايدى baq.kz ٴتىلشىسى.

زاڭ جوباسىنا ساقتاندىرۋ بويىنشا تۇزەتۋلەر بەس نەگىزگى باعىتتان تۇرادى: ٴبىرىنشى – ونلاين ساقتاندىرۋدى ەنگىزۋ; ەكىنشى – شەتەلگە شىعاتىن تۇلعالاردى ساقتاندىرۋدىڭ تاسىلدەرىن وزگەرتۋ; ٴۇشىنشى – جۇكتەلگەن ساقتاندىرۋدى ەنگىزۋ; ٴتورتىنشى – ساقتاندىرۋ ومبۋدسمانىنىڭ فۋنكسيالارىن كەڭەيتۋ ارقىلى سوتقا دەيىنگى رەتتەۋ مەحانيزمىن جەتىلدىرۋ; بەسىنشى – ٴومىردى ساقتاندىرۋدىڭ الەۋمەتتىك ماڭىزدى تۇرلەرى بويىنشا قوسىمشا كەپىلدىكتەردى كەڭەيتۋ.

ۇلتتىق بانك باسشىسى دانيار اقىشەۆ قازاقستاندا قارجىلىق قىزمەتتەردىڭ وڭىرلەردە، ٴبىرىنشى كەزەكتە، وبلىس ورتالىقتارىنان تىس جانە اۋىلداردا قولجەتىمدىلىگى تۋرالى ماسەلەنىڭ وزەكتى ەكەندىگىن ەسكە سالدى.

«وزگەرىستەردىڭ ماقساتى قاشىقتان ساقتاندىرۋ قىزمەتتەرىن الۋ كەزىندە ٴبىزدىڭ ازاماتتارىمىز ٴۇشىن قولايلى جاعداي جاساۋ. حالىق جانە كاسىپورىندار ساقتاندىرۋ كومپانيالارىنىڭ ينتەرنەت-رەسۋرستارى ارقىلى كەڭسەلەرگە بارماي-اق نەمەسە اگەنتتىڭ ارالاسۋىنسىز كەلىسىمدەر جاساي الادى. ساقتاندىرۋ دەرەكقورىنداعى ٴبىزدىڭ ازاماتتار تۋرالى بارلىق اقپاراتتى بارىنشا قورعاۋ قامتاماسىز ەتىلەدى»، - دەدى ول سەنات وتىرىسىندا.

زاڭ جوباسىنىڭ ەكىنشى باعىتى – تۋروپەراتوردىڭ جاۋاپكەرشىلىگىن ساقتاندىرۋدان شەتەلگە شىعۋشى ٴتۋريستىڭ ٴوزىن ساقتاندىرۋعا ٴوتۋ.

«قازىرگى كەزدە تۋروپەراتوردىڭ جاۋاپكەرشىلىگىن ساقتاندىرۋ كەزىندە ساقتاندىرۋ تەك تۋروپەراتوردىڭ كىناسى دالەلدەنگەن كەزدە عانا جۇمىس ىستەيدى. بۇل وتە سيرەك كەزدەسەتىن جاعداي. تۋريست ادەتتە دەنساۋلىعىنا كەلتىرىلگەن زياندى وتەۋگە بايلانىستى ٴوز ماسەلەسىمەن جالعىز قالادى. زاڭ جوباسى شەتەلگە شىعۋشى تۋريستەردى ساقتاندىرۋ ٴتارتىبىن وزگەرتۋدى قاراستىرادى. تۋروپەراتور جولدامانى ساتقان كەزدە تۋريستكە ساقتاندىرۋ كۋالىگىن بەرۋگە مىندەتتى. ساقتاندىرۋ كۋالىگىندە شەتەلدە تاۋلىك بويى مەديسينالىق كومەك كورسەتەتىن حالىقارالىق كومپانيالاردىڭ تەلەفوندارى كورسەتىلەتىن بولادى. تۋروپەراتور ٴۇشىن ساقتاندىرۋ قۇنى قىمبات بولمايدى. كۇنىنە 320 تەڭگە سوماسىندا جانە 3-تەن 16 ملن تەڭگەگە دەيىنگى شاعىمدار ساقتاندىرىلاتىن بولادى»، -دەدى ۇلتتىق بانك ٴتوراعاسى.

سونداي-اق، بەلگىلى ٴبىر ماماندىقتار بويىنشا مىندەتتى بولىپ تابىلاتىن جۇكتەلگەن ساقتاندىرۋدى ەنگىزۋ كوزدەلگەنىن اتاپ ٴوتتى.

«تىكەلەي زاڭمەن ەمەس ساقتاندىرۋ كومپانياسى مەن ونىڭ كليەنتى اراسىنداعى شارتپەن انىقتالادى. جۇكتەلگەن ساقتاندىرۋدى ەنگىزۋ ساقتاندىرۋ كومپانياسى مەن ونىڭ كليەنتىنە يكەمدى ساقتاندىرۋ شارتتارىن قاراستىرۋعا مۇمكىندىك بەرەدى. ٴتورتىنشى باعىت بويىنشا داۋلاردى سوتقا دەيىنگى رەتتەۋ ينستيتۋتىن دامىتۋ ٴۇشىن ساقتاندىرۋ ومبۋدسمانىنىڭ قىزمەتىن كەڭەيتۋ كوزدەلگەن»، - دەپ باياندادى اقىشەۆ.

زاڭ جوباسى ٴبىرىنشى وقىلىمدا تالقىلانىپ، ەكىنشى وقىلىمعا دايىنداۋ بارىسىندا وعان كەلەسىدەي وزگەرىستەر مەن تولىقتىرۋلار ەنگىزۋ قاجەتتىلىگى تۋىندادى.

ٴبىرىنشى، ۇلتتىق قاۋىپسىزدىك ورگاندارىنا كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ شارتتارىنا قاتىستى ساقتاندىرۋ قۇپياسىن قۇرايتىن مالىمەتتەردى پروكۋروردىڭ سانكسياسىنسىز الۋعا رۇقسات بەرۋ; ەكىنشى، اكتۋارييلەر بىرلەستىگىنىڭ، ساقتاندىرۋ ۇيىمدارىنىڭ، ساقتاندىرۋ ومبۋدسمانىنىڭ قۇقىقتىق جاعدايىن، قىزمەتىن رەتتەۋدى جانە ولارعا قويىلاتىن تالاپتاردى ناقتىلاۋ;

ساقتاندىرۋ تولەمدەرىنە كەپىلدىك بەرۋ قورىنىڭ قىزمەتىنە قاتىستى جەكەلەگەن نورمالاردى ناقتىلاۋ; تاسىمالداۋشىنىڭ جولاۋشىلار الدىنداعى ازاماتتىق-قۇقىقتىق جاۋاپكەرشىلىگىن جانە كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ شارتىن مەرىزىمىنەن بۇرىن توقتاتاتىن كەزدەگى ساقتاندىرۋ سىياقىسىنىڭ ٴبىر بولىگىن ساقتاندىرۋشىنىڭ ۇستاپ قالۋىن رەگلامەنتتەيتىن نورمالاردى دۇرىس جازۋ; اكسيونەرلىك قوعامداردىڭ ەسەپتەردى ۇسىنۋ مەرزىمدەرىن ناقتىلاۋ; زاڭ ٴجوابسىنىڭى ٴماتىنىن قولدانىستاعى زاڭناماعا، سونداي-اق ەنگىزىلگن وزگەرىستەرگە سايكەس كەلتىرۋ.

بارلىق ەسكەرتۋلەر مەن ۇسىنىستار سالىستىرما كەستەگە جيناقتالعان. قر پارلامەنتى سەناتىنىڭ قارجى جانە بيۋدجەت كوميتەتى اتالعان زاڭ جوباسىنا وزگەرىستەر مەن تولىقتىرۋلاردى قر كونستيتۋسياسى 61-بابىنىڭ 5-تارماعىنا سايكەس پارلامەنت ماجىلىسىنە جىبەردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي