BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

سەنات كاسپيي تەڭىزىنىڭ ٴتۇبىن مەجەلەۋ تۋرالى قوسىمشا حاتتامانى راتيفيكاسيالادى

فوتو: ашық дереккөзден

استانا، baq.kz ٴتىلشىسى. بۇگىن قر پارلامەنتى سەناتىنىڭ دەپۋتاتتارى كاسپيي تەڭىزى سولتۇستىك بولىگىنىڭ ٴتۇبىن مەجەلەۋ تۋرالى قوسىمشا حاتتامانى راتيفيكاسيالادى. زاڭ جوباسىمەن قر ەنەرگەتيكا ٴمينيسترىنىڭ مىندەتىن اتقارۋشى ماحامبەت دوسمۇحامبەتوۆ تانىستىردى.

«كوپتەگەن جىل بويى قازاقستان مەن رەسەي دوس، كورشى مەملەكەتتەر بولا وتىرىپ، وتىن ەنەرگەتيكاسى سالاسىنداعى ىنتىماقتاستىق ٴۇشىن ايتارلىقتاي الەۋەتتى دامىتتى. ٴبىز جەر قويناۋىن پايدالانۋ سالاسىندا اسىرەسە كاسپيي تەڭىزى اۋماعىندا جوبالاردى بىرلەسىپ ىسكە اسىرۋدا ٴوزارا ٴىس-قيمىلدىڭ جوعارى دەڭگەيىنە قول جەتكىزدىك. اتاپ ايتقاندا، 1998 جىلعى 6 شىلدەدەگى قر مەن رف اراسىنداعى جەر قويناۋىن پايدالانۋعا ارنالعان ەگەمەندىك قۇقىقتاردى جۇزەگە اسىرۋ ماقساتىندا كاسپيي تەڭىزى سولتۇستىك بولىگىنىڭ ٴتۇبىن مەجەلەۋ تۋرالى كەلىسىم جانە 2002 جىلعى 13 مامىرداعى حاتتاما شەڭبەرىندە ىسكە اسىرىلاتىن قۇرمانعازى، حۆالىنسكيي جانە سەنترالنىي جوبالارى بۇعان دالەل. حۆالىنسكيي جانە سەنترالنىي جوبالارى كاسپيي تەڭىزىنىڭ رەسەيلىك سەكتورىندا ورنالاسقان. ولار رف زاڭناماسىنا سايكەس ىسكە اسىرىلادى. قۇرمانعازى ۋچاسكەسى كاسپيي تەڭىزىنىڭ قازاقستاندىق سەكتورىندا ورنالاسقان. ونىڭ اۋماعى 3،5 مىڭ شارشى شاقىرىم»، - دەدى دوسمۇحامبەتوۆ.

ونىڭ ايتۋىنشا، 2017 جىلعى 9 قاراشادا قر مەن رف مەملەكەت باسشىلارى كاسپيي تەڭىزىنىڭ سولتۇستىك بولىگىن تۇگەل مەجەلەۋ تۋرالى مەملەكەتارالىق كەلىسىمگە قوسىمشا حاتتاماعا قول قويدى. سونداي-اق، جۋىردا اقتاۋدا وتكەن كاسپيي سامميتىندە كاسپيي تەڭىزىنىڭ قۇقىقتىق مارتەبەسى تۋرالى كونۆەنسياعا قول قويىلدى.

جيىندا سەناتورلار تەڭىزدەگى ەكولوگيا ماسەلەسىنە الاڭداۋشىلىق ٴبىلدىردى. ال ەنەرگەتيكا مينيسترلىگىنىڭ وكىلى جوبالاردىڭ ەكولوگياعا زيانى جوق دەدى.

«تەڭىز اۋماعىندا قاشاعان ۇلكەن كەن ورنىنىڭ مۇنايىن يگەرىپ وتىرمىز. وعان قوسىمشا ٴبىرقاتار جوبا ىسكە اسىرىلۋدا. بارلاۋ كەزىندە ناتيجە دۇرىس بولماي، ٴقازىر جالعاسىن تاباتىن تاعى ەكى كەن ورنى بار. ٴقازىر ولار بويىنشا جۇمىستار جۇرگىزىلىپ جاتىر. ەكولوگيانى ساقتاۋ ٴتارتىبى بۇزىلماي، سول جوبالار ىسكە اسىرىلاتىنىن ٴبىز بۇرىننان كورىپ كەلە جاتىرمىز. تەك قانا قازاقستان سەكتورىندا عانا ەمەس، رەسەي سەكتورىندا دا وسىنداي كەن ورىندارى يگەرىلىپ جاتىر. ودان ەشقانداي پروبلەما كورىپ وتىرعان جوقپىز. ەگەر تەحنولوگيا دۇرىس ساقتالسا، ٴتارتىپ بولسا، ەكولوگياعا زيانى تيمەيدى»، - دەدى ماحامبەت دوسمۇحامبەتوۆ.

بۇگىن سەنات وتىرىسىندا دەپۋتاتتار «1998 جىلعى 6 شىلدەدەگى قر مەن رف اراسىنداعى جەر قويناۋىن پايدالانۋعا ارنالعان ەگەمەندىك قۇقىقتاردى جۇزەگە اسىرۋ ماقساتىندا كاسپيي تەڭىزى سولتۇستىك بولىگىنىڭ ٴتۇبىن مەجەلەۋ تۋرالى كەلىسىمگە حاتتاماعا قوسىمشا حاتتامانى راتيفيكاسيالاۋ تۋرالى» قر زاڭ جوباسىن قابىلدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي