BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

سەنات اكىمدەردى توتە سايلايتىن نورمانى الىپ تاستادى

بۇگىن پارلامەنت سەناتىنىڭ وتىرىسىندا قر كەيبىر كونستيتۋسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى» قر كونستيتۋسيالىق زاڭ جوباسى قارالدى، دەپ حابارلايدى baq.kz ٴتىلشىسى.

زاڭ جوباسىن تالقىلاۋ كەزىندە ٴبىرقاتار وزگەرىس ەنگىزۋ قاجەتتىلىگى تۋىندادى.

«ٴبىرىنشى، ٴماجىلىس دەپۋتاتتارىن سايلاۋدا قولدانىلاتىن سايلاۋ جۇيەسىن بارلىق دەڭگەيدەگى ٴماسليحات دەپۋتاتتارىن سايلاۋ تارتىبىنە تاراتۋ ۇسىنىلادى. ەكىنشى، ٴماسليحاتتار دەپۋتاتتارىن سايلاۋدى وڭتايلاندىرۋعا بايلانىستى اۋداندىق سايلاۋ كوميسسيالارىن جويۋ ۇسىنىلادى. ولاردىڭ فۋنكسيالارى مەن وكىلەتتىكتەرى اۋماقتىق سايلاۋ كوميسسيالارىنا بەرىلەدى. ولاردىڭ ەكى مۇشەسى وزدەرىنىڭ وكىلدىكتەرىن تۇراقتى كاسىبي نەگىزدە جۇزەگە اسىرادى. جەكە تۇلعالار تۋرالى مەملەكەتتىك دەرەكتەر بازاسىن ينتەگراسيالاۋ ارقىلى سايلاۋشىلاردىڭ تىزىمدەرىن قۇراستىرۋ ٴتارتىبىن قايتا قاراۋ ۇسىنىلادى. بۇل ەلەكتروندى سايلاۋشىلار ٴتىزىمىن قالىپتاستىرۋعا مۇمكىندىك بەرەدى»، - دەدى بەكەتايەۆ سەنات وتىرىسىندا.

ول تمد-عا قاتىسۋشى مەملەكەتتەردىڭ دەموكراتيالىق سايلاۋ ستاندارتى سايلاۋ قۇقىقتارى مەن بوستاندىقتارى تۋرالى كونۆەنسياسىنا سايكەس كەلتىرۋگە باعىتتالعان تۇزەتۋلەر بارىن اتاپ ٴوتتى.

بۇل زاڭ جوباسى ەكى كودەكسكە جانە ٴۇش زاڭعا تولىقتىرۋلار ەنگىزۋ قاجەتتىلىگىن تۋدىرادى. بيۋدجەت كودەكسىنە ەنگىزىلگەن تۇزەتۋلەر سايلاۋشىلار مەن سايلاۋ كوميسسيالارى مۇشەلەرىن وقىتۋ ٴۇشىن جەرگىلىكتى بيۋدجەت قاراجاتىن جۇمساۋ مۇمكىندىگىن ايقىنداۋعا بايلانىستى. اكىمشىلىك قۇقىقبۇزۋشىلىق تۋرالى كودەكسكە تۇزەتۋلەر ەنگىزۋ وكرۋگتىك سايلاۋ كوميسسيالارىنىڭ تاراتىلۋىنا بايلانىستى، جەرگىلىكتى اتقارۋشى ورگانداردى سايلاۋ پروسەسىنە قاتىسۋشىلاردى وقىتۋدى قامتاماسىز ەتۋگە وكىلەتتىك بەرۋمەن، سونداي-اق ساياسي پارتيالار جارعىسىنىڭ مازمۇنىنا تالاپتار بەلگىلەۋگە جانە اۋىلدىق دەڭگەيدەگى اكىمدەردىڭ بىلىكتىلىك تالاپارىنا بايلانىستى جەرگىلىكتى ٴوزىن-وزى باسقارۋ، ساياسي پارتيالار جانە مەملەكەتتىك قىزمەت تۋرالى زاڭدارعا تۇزەتۋلەر بلوگى ۇسىنىلادى.

«مەملەكەتتىك بيۋدجەتتەن تالاپ ەتىلەتىن قارجىلىق شىعىنداردى رەسپۋبليكالىق بيۋدجەت كوميسسياسى ماقۇلدادى. سايلاۋ تۋرالى زاڭنامانى جەتىلدىرۋ ادام قۇقىقتارىنىڭ ينستيتۋتى مەن تەحنولوگيالىق پروگرەستىڭ دامۋىمەن بايلانىستى تابيعي پروسەسس بولىپ تابىلادى»، - دەدى ادىلەت ٴمينيسترى.

زاڭ جوباسى «قر سايلاۋ تۋرالى» قر كونستيتۋسيالىق زاڭىنا وزگەرىستەر مەن تولىقتىرۋلار ەنگىزۋدى كوزدەيدى.

بۇل پارتيا ٴتىزىمى بويىنشا سايلاناتىن ٴماسليحات دەپۋتاتتارىن پروپورسيونالدى سايلاۋ جۇيەسى، ايماقتىق سايلاۋ كوميسسيالارىن تاراتۋ، كاسىبي نەگىزدە اۋماقتىق سايلاۋ كوميسسياسىنىڭ ەكى مۇشەسىنە وكىلەتتىلىگىن جۇرگىزۋ، سايلاۋ پروسەسىندە سيفرلاندىرۋ ەلەمەنتتەرىن ەنگىزۋ، سونىڭ ىشىندە سايلاۋشىلار ٴتىزىمىن سيفرلاندىرۋ، ەلەكتروندى باق-تا سايلاۋالدى ناسيحات وتكىزۋ ٴتارتىبىن بەلگىلەۋ، حالىقارالىق باقىلاۋشىلاردىڭ اككرەديتتەرىن قايتارۋ ٴتارتىبىن ناقتىلاۋ.

سەناتورلار زاڭ جوباسىن قاراي وتىرىپ، وزدەرى ەنگىزگەن تۇزەتۋلەردى ماجىلىسكە جىبەردى. ولار اۋداندىق ماڭىزداعى قالا، اۋىل، ەلدىمەكەن، اۋىلدىق وكرۋگ اكىمدەرىن توتە سايلاۋ قۇقىعىن ەنگىزەتىن نورمانى الىپ تاستادى.

سونداي-اق، زاڭ جوباسىندا قر ەلتاڭباسىنداعى «قازاقستان» جازۋىن لاتىن الىپبيىندە جازۋ تۋرالى تۇزەتۋلەر ەنگىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي