BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

سابيليانوۆ ەلىمىزدەگى جولداردىڭ نەگە ساپاسىز سالىناتىنىن ايتتى

فوتو: ашық дереккөзден

ماجىلىستەگى ۇكىمەت ساعاتىندا دەپۋتات نۇرتاي سابيليانوۆ ەلىمىزدەگى جولداردىڭ ساپاسىز سالىنۋىنا اسەر ەتەتىن نەگىزگى فاكتورلاردى اتادى، دەپ حابارلايدى baq.kz ٴتىلشىسى.

«تاعى ٴبىر ماسەلە سالىنعان اۆتوموبيل جولدارىنىڭ ساپاسىنا قاتىستى. كولىك ينفراقۇرىلىمىن دامىتۋعا بيۋدجەت قاراجاتىن قوماقتى تۇردە قۇيىلىپ جاتقانىنا قاراماستان، باسەكەگە قابىلەتتىلىكتىڭ جاھاندىق رەيتينگىسىنىڭ «جول ساپاسى» يندەكسى بويىنشا 2017 جىلى قازاقستان 115-ورىن الىپ، الدىڭعى جىلمەن سالىستىرعاندا ٴوز پوزيسياسىن 8 تارماققا ناشارلاتتى»، - دەدى ول.

وسى ورايدا دەپۋتات اتالعان جاھاندىق رەيتينگتە قازاقستاننىڭ نە سەبەپتى تومەنگە تۇسكەنىن ٴتۇسىندىردى.

«تەندەر وتكىزۋ ٴراسىمىنىڭ اشىق ەمەستىگى، مەردىگەرلەردىڭ ادال بولماۋى، دەلدالداردىڭ – قوسالقى مەردىگەرلەردىڭ كوپتىگى، ساپاسىز قۇرىلىس ماتەريالدارىنىڭ قولدانىلۋى، اۆتوموبيل جولدارىنىڭ ساپاسىز سالىنۋىنا سەبەپ بولىپ سانالادى»، - دەدى نۇرتاي سابيليانوۆ.

سونىمەن قاتار ول سوزىنە دالەل كەلتىردى.

«مىسالى، 2016 جىلى «بوعاس – قاراعاندى» رەسپۋبليكالىق ماڭىزى بار جولىنىڭ «تارباعاتاي – اياگوز» ۋچاسكىسىنە ورتاشا جوندەۋ جۇرگىزۋ كەزىندە بىرنەشە مەردىگەر تارتىلعان. ولاردىڭ ٴارقايسىسى اسفالتتى ٴارتۇرلى تاسىلمەن توسەگەن. سالدارىنان جول ساپاسىز سالىنعان جانە ٴقازىردىڭ وزىندە ول بۇزىلىپ جاتىر»، - دەپ اياقتادى ٴسوزىن دەپۋتات.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي