BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

نىعماتۋلين مەن وڭتۇستىك كورەيا پارلامەنتىنىڭ ٴتوراعاسى ىنتىماقتاستىق تۋرالى كەلىسىمگە قول قويدى

ماجىلىستە پالاتا سپيكەرى نۇرلان نىعماتۋلين مەن كورەيا رەسپۋبليكاسىنىڭ ۇلتتىق اسسامبلەياسىنىڭ ٴتوراعاسى چۋنگ سە گيۋن كەزدەستى، دەپ حابارلايدى baq.kz اقپارات اگەنتتىگى.

تاراپتار ەكى ەل اراسىنداعى ساۋدا-ەكونوميكالىق، حالىقارالىق، مادەني-گۋمانيتارلىق، سونىمەن بىرگە، پارلامەنتارالىق ىنتىماقتاستىقتىڭ وزەكتى سۇراقتارىن تالقىلادى.

ٴماجىلىس ٴتوراعاسى كورەيا رەسپۋبليكاسىنىڭ شىعىس ازياداعى ماڭىزدى ستراتەگيالىق ارىپتەسى ەكەنىن ايتتى.

كەزدەسۋدە قازاقستان پرەزيدەنتىنىڭ دامىعان ەل قاتارىنا كىرۋ جولىنداعى ستراتەگيالىق ماڭىزدى باستامالارىن ٴسوز ەتكەن ن. نىعماتۋلين ولاردى زاڭنامالىق تۇرعىدان قامتاماسىز ەتۋ جايىنا ايرىقشا نازار اۋداردى.

ٴماجىلىس سپيكەرىنىڭ پىكىرىنشە، كورەيا رەسپۋبليكاسى سيفرلىق تەحنولوگيا، يننوۆاسيالىق دامۋ سالاسىندا الەمدىك كوشباسشىلاردىڭ ٴبىرى. وسى رەتتە اتالعان ەل پارلامەنتىنىڭ ەكونوميكانى سيفرلاندىرۋ، كولىك جانە لوگيستيكا، دەنساۋلىق پەن ٴبىلىم سالالارىندا يننوۆاسيالىق تەحنولوگيانى ەنگىزۋدى زاڭنامالىق تۇرعىدان قامتاماسىز ەتۋ تاجىريبەلەرى زور قىزىعۋشىلىق تۋدىرادى.

وسى رەتتە مارتەبەلى مەيمان قازاقستاننىڭ ەڭ دامىعان 30 ەلدىڭ قاتارىنا كىرۋ ماقساتىن جاقسى بىلەتىنىن جانە قازاقستان پرەزيدەنتىنىڭ تەڭدەسسىز كوشباسشىلىعىن، ەلىمىزدىڭ جوعارى دامۋ قارقىنىن، باي رەسۋرستارىن ٴسوز ەتە كەلىپ، قازاقستاننىڭ ول ماقساتقا جەتەتىنىنە ەرەكشە سەنىم ٴبىلدىردى. جانە وسى ۇلكەن جولدا كورەيا قازاقستانننىڭ ەڭ جاقىن ارىپتەستەرىنىڭ ٴبىرى بولىپ قالاتىنىن اتاپ ٴوتتى.

سونداي-اق، ەلباسىنىڭ حالىقارالىق دەڭگەيدەگى ساليقالى ساياساتىنا ايرىقشا كوڭىل ٴبولىپ، قازاقستان پرەزيدەنتى يادرولىق قارۋسىزدانۋ باعىتىنداعى باتىل ٴارى ناقتى قادامدارىنىڭ ارقاسىندا ۇلگى بولىپ كەلە جاتقانىنا زور ريزاشىلىعىن ٴبىلدىردى.

كەزدەسۋ بارىسىندا پارلامەنت وكىلدەرى قازاقستان رەسپۋبليكاسى پارلامەنتى ٴماجىلىسى مەن كورەيا رەسپۋبليكاسى ۇلتتىق اسسامبلەياسى اراسىندا ىنتىماقتاستىق تۋرالى كەلىسىمگە قول قويدى.

العاش رەت جاسالىپ وتىرعان بۇل كەلىسىم، ٴبىزدىڭ ەلدەرىمىزدىڭ ستراتەگيالىق ىقپالداستىعىن زاڭدىق تۇرعىدان قولداۋعا مۇمكىندىك بەرۋمەن قاتار، پارلامەنتتەر اراسىنداعى زاڭنامالىق تاجىريبەنى ودان ٴارى ىنتالاندىرۋعا، حالىقارالىق ماسەلەلەر توڭىرەگىندە ورتاق ۇستانىمدى كۇشەيتۋگە زور ىقپال ەتەتىن بولادى.

وسى ورايدا نۇرلان نىعماتۋلين جانە چۋنگ سە گيۋن بەيىندى كوميتەتتەر مەن ىنتىماقتاستىق جونىندەگى توپتار ارقىلى ٴجيى ٴىس-قيمىل الماسىپ، پارلامەنتتەر ارىپتەستىگىن جاڭا دەڭگەيگە كوتەرۋدىڭ ماڭىزدىلىعىنا توقتالدى.

جۇزدەسۋ بارىسىندا ەۋرازيا ەلدەرى پارلامەنتتەرى سپيكەرلەرىنىڭ سەۋل جينالىسى دا نازاردان تىس قالمادى.

تاراپتار، بۇگىندە بۇل فورۋمنىڭ كۇن تارتىبىندەگى ماڭىزدى سۇراقتاردى تالقىلاۋدىڭ قوسىمشا ٴۇنقاتىسۋ الاڭىنا اينالعانىن ايتىپ، 2019 جىلى اتالعان باسقوسۋدىڭ ٴتورتىنشى جينالىسىن ۇيىمداستىرۋ قاجەتتىلىگىنە كوڭىل ٴبولدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي