BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

نىعماتۋلين: مەملەكەتتىك فۋنكسيالاردى باسەكەلەس ورتاعا بەرۋگە تاعى ٴبىر قادام جاسالدى

فوتو: sputniknews.kz

بۇگىن ٴماجىلىس سپيكەرى نۇرلان ٴنىعماتۋليننىڭ توراعالىعىمەن وتكەن جالپى وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك فۋنكسيالاردى باسەكەلەس ورتاعا بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ٴبىرىنشى وقىلىمدا ماقۇلدادى، دەپ حابارلايدى baq.kz اقپارات اگەنتتىگى.

زاڭ جوباسى ازاماتتاردىڭ ٴوزىن-وزى رەتتەۋدى دامىتۋ ارقىلى شەشىمدەر قابىلداۋ پروسەسىنە قاتىسۋ مۇمكىندىكتەرىن كەڭەيتۋگە، مەملەكەتكە ٴتان ەمەس فۋنكسيالاردى باسەكەلەس ورتاعا جانە ٴوزىن-وزى رەتتەيتىن ۇيىمدارعا بەرۋگە باعىتتالعان.

زاڭ جوباسى «ۇلت جوسپارى – 100 ناقتى قادامنىڭ» 97-قادامىن ىسكە اسىرۋ ماقساتىن كوزدەيدى.

- ٴبىز ەلباسىمىزدىڭ ۇلت جوسپارىن ورىنداۋ جولىندا تاعى ٴبىر ماڭىزدى قادام جاسادىق دەۋگە بولادى. پرەزيدەنتىمىز ايتقانداي، ەلىمىزدىڭ دامۋى - ٴبىرقاتار مەملەكەتتىك فۋنكسيالاردى باسەكەلەس ورتاعا بەرۋدى تالاپ ەتەدى. ونىڭ باستى ماقساتى – مەملەكەتتىك ورگانداردىڭ ۋاقىتىن ۇنەمدەپ، جۇمىس ساپاسىن كۇشەيتۋ. وسى ورايدا، بۇگىن ماقۇلدانعان زاڭ جوباسىنىڭ ورنى دا ەرەكشە، ٴرولى دە وتە زور، - دەدى ٴماجىلىس ٴتوراعاسى.

ٴماجىلىس ٴتوراعاسى اتاپ وتكەندەي، ەڭ باستىسى – زاڭ جوباسى مەملەكەتتىك فۋنكسيالاردى باسەكەلەس ورتاعا بەرۋدىڭ ناقتى بەلگىلەنگەن ەرەجەلەرىن بەكىتەدى. ناتيجەسىندە بۇل ماسەلەدە بۇگىنگە دەيىن ورىن الىپ كەلگەن جۇيەسىزدىككە، رەتسىزدىككە جول بەرىلمەيدى.

ايتا كەتەيىك، وسى زاڭ جوباسى ارقىلى 3 كودەكسكە جانە 4 زاڭعا وزگەرىستەر مەن تولىقتىرۋلار ەنگىزىلەدى دەپ كۇتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي