BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

نىعماتۋلين ماروككو كورولدىگىنىڭ ەلشىسىن قابىلدادى

ٴماجىلىس ٴتوراعاسى نۇرلان نىعماتۋلين ماروككو كورولدىگىنىڭ قازاقستانداعى توتەنشە جانە وكىلەتتى ەلشىسى ابدەلجاليل ٴساۋبريدى قابىلدادى، دەپ حابارلايدى baq.kz اقپارات اگەنتتىگى.

تاراپتار ەكى ەل اراسىنداعى ىنتىماقتاستىقتى دامىتۋدىڭ وزەكتى سۇراقتارىن تالقىلادى.

ٴماجىلىس ٴتوراعاسى ماروككو قازاقستاننىڭ سولتۇستىك افريكاداعى ماڭىزدى ارىپتەسى ەكەنىن ايتتى.

وتكەن جىلى ەكى ەل اراسىندا ديپلوماتيالىق قاتىناستىڭ ورناعانىنا 25 جىل تولدى. وسى ۋاقىت ىشىندە ٴبىزدىڭ ەلدەرىمىز اراسىنداعى بايلانىس سىندارلى دامىپ كەلەدى.

ٴماجىلىس سپيكەرىنىڭ پىكىرىنشە، بۇۇ، يىۇ، افريكا وداعى ۇيىمدارى دەڭگەيىندە حالىقارالىق وزەكتى ماسەلەلەر بويىنشا ٴبىزدىڭ ەلدەرىمىزدىڭ ۇستانىمى وتە جاقىن. وسى رەتتە ن. نىعماتۋلين قازاقستان پرەزيدەنتى نۇرسۇلتان نازاربايەۆتىڭ حالىقارالىق قاقتىعىستاردى رەتتەۋدە ەلدەر اراسىنداعى ٴوزارا سەنىم مەن سىندارلى ٴۇنقاتىسۋعا باسا نازار اۋداراتىندىعىنىڭ ماڭىزدىلىعىنا توقتالدى.

ودان ٴارى كەزدەسۋ يەلەرى ساۋدا-ەكونوميكالىق، مادەني-گۋمانيتارلىق ارىپتەستىك جايىن تالقىلادى.

ٴنىعماتۋليننىڭ ايتۋىنشا ٴبىزدىڭ ەلدەرىمىز اراسىندا كولىك-لوگيستيكا سالاسىن پايدالانۋدىڭ الەۋەتى زور. سونداي-اق، ەۋرازيالىق ەكونوميكالىق وداق اياسىندا ٴوزارا ٴىس-قيمىلدى تەرەڭدەتۋدىڭ مۇمكىندىگى مول.

سونىمەن بىرگە، ماشينا جاساۋ، اۋىلشارۋاشىلىعى، «جاسىل ەنەرگەتيكا» سالالارىندا ىنتىماقتاستىقتى كۇشەيتۋ باسىم باعىتتاردىڭ ٴبىرى بولىپ تابىلادى.

ٴوز كەزەگىندە ابدەلجاليل ساۋبري ٴبىزدىڭ ەلدەرىمىز اراسىنداعى ساياسي ٴارى ديپلوماتيالىق قاتىناستىڭ وتە جوعارى دەڭگەيدە ەكەنىن جانە ماروككو ٴوزارا ىقپالداستىقتى ودان ٴارى تەرەڭدەتۋگە ىنتالى ەكەنىن جەتكىزدى.

ٴماجىلىستىڭ ٴباسپاسوز قىزمەتى ٴمالىم ەتكەندەي، تاراپتار پارلامەنتارالىق بايلانىس جايىن ٴسوز ەتكەندە ىنتىماقتاستىق جونىندەگى توپ، سونداي-اق، بەيىندى كوميتەتتەر توڭىرەگىندە ارىپتەستىك قازاقستان مەن ماروككو اراسىنداعى ٴوزارا ٴىس-قيمىلدى جان-جاقتى دامىتۋعا زور ىقپال ەتەتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي