BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

نىعماتۋلين ەستونيانىڭ پرەمەر-مينيسترىمەن كەزدەستى

استانا، baq.kz. بۇگىن پارلامەنت ٴماجىلىسىنىڭ ٴتوراعاسى نۇرلان نىعماتۋلين ەستونيانىڭ پرەمەر-مينيسترى يۋري راتاس باستاعان دەلەگاسيا وكىلدەرىمەن كەزدەستى.

تاراپتار ەكىجاقتى قارىم-قاتىناستى نىعايتۋدىڭ وزەكتى سۇراقتارىن تالقىلادى.

ٴماجىلىس ٴتوراعاسى ەستونيا قازاقستاننىڭ بالتىق ايماعىنداعى ماڭىزدى ارىپتەسى ەكەنىن العا تارتا كەلىپ، وتكەن جىلى ەكى ەل اراسىندا ديپلوماتيالىق قاتىناستىڭ ورناعانىنا 25 جىل تولعانىن اتاپ ٴوتتى.

ٴبىزدىڭ ەلىمىز اتالعان مەملەكەتپەن جان-جاقتى ٴارى سىندارلى ديالوگتى ودان ٴارى دامىتۋعا ىنتالى.

ٴماجىلىس ٴتوراعاسى اسىرەسە، قازاقستان پرەزيدەنتى نۇرسۇلتان نازاربايەۆتىڭ باستاماسىمەن جۇزەگە اسىرىلىپ جاتقان «سيفرلى قازاقستان» باعدارلاماسىنا ايرىقشا توقتالدى.

وسى رەتتە ەستونيانىڭ سيفرلاندىرۋ، اقپاراتتىق-كوممۋنيكاسيالىق تەحنولوگيا سالاسىنداعى جەتىستىكتەرىن ٴسوز ەتكەن نىعماتۋلين وسى باعىتتا جان-جاقتى، سونىڭ ىشىندە، زاڭنامالىق دەڭگەيدە تاجىريبە الماسۋدىڭ ماڭىزدىلىعىنا ەرەكشە كوڭىل ٴبولدى.

ٴوز كەزەگىندە ەستونيا پرەمەر – ٴمينيسترى قازاقستاننىڭ، سونىڭ ىشىندە، استانانىڭ دامۋ قارقىنىنا تاڭدانىسىن جاسىرمادى. سونداي-اق، ٴبىزدىڭ ەلدەرىمىزدىڭ ٴوزارا ٴىس-قيمىلى تابىستى دامىپ كەلە جاتقانىن ايتا كەلىپ، ەكىجاقتى قاتىناستى ودان ٴارى نىعايتۋدىڭ الەۋەتى زور ەكەنىنە توقتالدى.

ودان ٴارى پالاتا سپيكەرى ٴماجىلىستىڭ زاڭ شىعارماشىلىق جۇمىسى جايىندا اڭگىمەلەي كەلىپ، پارلامەنتارالىق بايلانىستى كۇشەيتۋ ماسەلەلەرىنە توقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي