BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

مۇگەدەكتەردىڭ قامقورشىلارىنا ارنايى ستاتۋس بەرۋ كەرەك – دەپۋتات

استانا، baq.kz ٴتىلشىسى. بۇگىن ٴماجىلىستىڭ جالپى وتىرىسىندا دەپۋتاتتار ۇكىمەتتەن مۇگەدەك بالالاردىڭ قامقورشىلارىنا ارنايى ستاتۋس بەرىپ، ولاردى بيۋروكراتيادان بوساتۋدى سۇرادى.

ماجىلىسمەن ماگەررام ماگەرراموۆ ەلىمىزدە بىرنەشە ماسەلە تولىق انىقتالماعانىن ايتتى. ول «مۇگەدەكتەر ارباسىن پايدالاناتىن بالالاردىڭ اتا-انالارى كولىكتەرىن مۇمكىندىگى شەكتەۋلى جاندارعا ارنالعان ارنايى ورىندارعا قويا الا ما؟» دەپ سۇرادى. سونداي-اق، دەپۋتات مۇگەدەك بالالاردىڭ قامقورشىلارىندا زەينەتكە ەرتە شىعۋ بويىنشا جەڭىلدىكتەردىڭ جوقتىعىن ايتتى.

«مۇمكىندىگى شەكتەۋلى بالاسىن قاراپ وتىرعان اسىرەسە جالعىز باستى انالاردىڭ تۇراقتى جۇمىسقا شىعۋ مۇمكىندىگى جوق. وسىعان بايلانىستى زەينەتاقى اۋدارىمدارى دا جاسالمايدى. ال جۇمىس ىستەيتىن اتا-انالار بالانىڭ ەمى مەن وڭالتۋىمەن بايلانىستى كەزەكتەن تىس دەمالىس الا المايدى، مۇگەدەك بالاسىنىڭ كۇتىمىنە بايلانىستى قىسقارتىلعان جۇمىس كۇنىن الۋعا دا قۇقىعى جوق»، - دەدى ماگەرراموۆ پرەمەر-مينيسترگە جولداعان ساۋالىندا.

سونداي-اق، دەپۋتاتتىڭ ايتۋىنشا، اتا-انالار قوعامدىق كولىكپەن جەڭىلدىكپەن جۇرە المايدى. ولاردا تەحنيكۋم مەن جوعارى وقۋ ورىندارىنا جەڭىلدىكپەن ٴتۇسۋ مۇمكىندىگى جوق.

«مۇگەدەك بالانىڭ قامقورشىسىنا الەۋمەتتىك ستاتۋس بەرۋ مۇمكىندىگىن قاراستىرۋدى جانە قامقورشىلىق الۋ ٴتارتىبىن قايتا قاراۋدى سۇرايمىز. بۇعان قوسا، داۋن سيندرومى، اۋتيزم ەرەكشەلىكتەرى بار بالالاردىڭ كامەلەتكە تولعاننان كەيىن ارەكەتكە قابىلەتتىلىگىن انىقتاۋ تۋرالى شەشىمدەرىن قايتا قاراۋدى وتىنەمىز"، - دەدى ماگەررام ماگەرراموۆ.

ونىڭ ايتۋىنشا، مۇگەدەكتىك توبىن، اتاپ ايتساق، داۋن سيندرومىن انىقتاۋ ٴتارتىبى مەن نورماتيۆتەردە ٴبىرقاتار پروبلەما بار.

«كوپ جاعدايدا بالالارعا ولاردىڭ جاعدايىنا سايكەس كەلمەيتىن توپ بەرىلىپ، سونىڭ كەسىرىنەن اتا-انالار ايقىن دۇنيەنى دالەلدەپ جۇرەدى. قامقورشىلىق قۇجاتتارىن راسىمدەۋگە جەتى ايدان توعىز ايعا دەيىن ۋاقىت كەتەدى، ولار وسى ۋاقىت بويى جاردەماقىدان قۇر قالادى. داۋن سيندرومى مەن ٴاۋتيزمى بار كامەلەتكە تولعاندارعا تاعى ٴبىر اي پسيحياتريالىق ەمحانادا جاتۋعا تۋرا كەلەدى»، - دەپ اتاپ ٴوتتى دەپۋتات.

بۇدان بولەك، ماجىلىسمەننىڭ مالىمەتىنشە، قامقورشىلاردىڭ بانك كارتوچكاسىن الۋ مۇمكىندىگى جوق. جاردەماقى بانكتەگى شوتقا اۋدارىلادى، قامقورشى بانككە كەلىپ، جاردەماقى الۋ ٴۇشىن ۇزىن-سونار كەزەكتە تۇرۋعا ٴماجبۇر.

«الايدا اۋرە-سارساڭ مۇنىمەن دە اياقتالمايدى. اي سايىن قامقورشى جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ اتىنا بانكتەگى شوتتان بەلگىلى ٴبىر سومانى شەشىپ الۋعا رۇقسات سۇراپ، ٴوتىنىش جازۋى ٴتيىس. وتىنىشتە اقشانىڭ قايدا جۇمسالاتىنى تولىق جازىلۋى كەرەك»، - دەدى ول.

ٴماجىلىس دەپۋتاتىنىڭ ايتۋىنشا، مۇگەدەك بالالاردى كۇتىپ-باعىپ وتىرعان قامقورشىلارعا مەملەكەت تاراپىنان قولداۋ كورسەتۋ جولدارى تۇبەگەيلى وزگەرتىلۋى قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي