BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

ٴمۇعالىم مارتەبەسى تۋرالى زاڭدى دايىنداۋعا كىرىستىك – بعم

استانا، baq.kz ٴتىلشىسى. ٴبىلىم جانە عىلىم ۆيسە-مينيسترى ەلميرا سۋحانبەرديەۆا ەلباسى جولداۋىندا ايتىلعان پەداگوگ مارتەبەسى تۋرالى زاڭدى ازىرلەۋگە دايىندىق باستالعانىن ٴمالىم ەتتى.

بۇگىن قر پارلامەنتى سەناتى الەۋمەتتىك-مادەني دامۋ جانە عىلىم كوميتەتىندە 2017 جىلدىڭ 22 قىركۇيەگىندە وتكەن «ورتا ٴبىلىم بەرۋ جۇيەسىنىڭ جان-كۇيى، پروبلەمالارى جانە زاڭنامالىق رەتتەۋ پەرسپەكتيۆالارى» تاقىرىبىنا ارنالعان پارلامەنتتىك تىڭداۋ ۇسىنىمدارىن ىسكە اسىرۋ ناتيجەلەرى تۋرالى جانە ەلباسى جولداۋلارىندا قويىلعان مىندەتتەردى ىسكە اسىرىلۋ بارىسى تاقىرىبىنا ارنالعان ۇكىمەت ساعاتى ٴوتىپ جاتىر.

وتىرىستا ەلميرا سۋحانبەرديەۆا پرەزيدەنتتىڭ قازاقستان حالقىنا ارناعان كەزەكتى جولداۋىندا بەرىلگەن تاپسىرمالاردى ورىنداۋعا كىرىسكەنىن حابارلادى.

«ەلباسىنىڭ تاپسىرماسىنا سايكەس «پەداگوگ مارتەبەسى تۋرالى» زاڭ جوباسىن دايىنداۋ باستالدى. جۇمىس توبى قۇرىلدى. بۇگىنگى تاڭدا زاڭنىڭ كونسەپسيا جوباسى ازىرلەندى. ول ازىرلەگەننەن كەيىن مينيسترلىك ونى بارلىق وڭىردەگى پەداگوگيكالىق جانە اتا-انالار قاۋىمداستىعىمەن تالقىلايدى»، - دەدى ۆيسە-مينيستر.

وسى ورايدا بعم وكىلى اتالعان زاڭ جوباسىن دايىنداۋدا دەپۋتاتتاردىڭ دا پىكىرى ەسكەرىلەتىنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي