BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

مينيستر تەڭگەنىڭ قۇنسىزدانعانىنا قاراماستان جول قۇرىلىسى جۇرگىزىلە بەرەتىنىن ايتتى

فوتو: Gagauz.md

ماجىلىستەگى ۇكىمەت ساعاتىنىڭ كۋلۋارىندا قر ينۆەستيسيالار جانە دامۋ ٴمينيسترى جەڭىس قاسىمبەك تەڭگەنىڭ قۇنسىزدانعانىنا قاراماستان ەلىمىزدەگى جول قۇرىلىسى جوسپارداعىداي جۇرگىزىلە بەرەتىنىن مالىمدەدى، دەپ حابارلايدى baq.kz ٴتىلشىسى.

«مەن جول قۇرىلىسىنا پايدالانىلاتىن وتاندىق وندىرۋشىلەر ماتەريالدارىنىڭ ۇلەسى 95% ەكەنىن ايتقامىن. تەڭگە باعامانىڭ وزگەرۋى وسىدان 2-3 جىل بۇرىن جول قۇرىلىسى مەن جول جوندەۋ جۇمىستارىنا اسەرىن تيگىزگەن جوق. قازىردە دە سول كەزدەگىدەي بولادى دەگەن سەنىمدەمىز. بۇگىنگى وتىرىستا كوپ سۇراقتار قويىلدى. باعدارلاما اياسىندا («نۇرلى جول» – اۆتور) باسىمدىق بەرىلگەن جولدار سالىنادى. ٴبىز ولاردىڭ قۇرىلىسىن ٴبىرىنشى كەزەكتە جۇرگىزەمىز»، - دەپ تۇيىندەدى ٴسوزىن مينيستر.

ايتا كەتەيىك، بۇگىن ماجىلىستە «2015-2019 جىلدارعا ارنالعان «نۇرلى جول» مەملەكەتتىك باعدارلاماسىن ىسكە اسىرۋ اياسىندا اۆتوموبيل جولدارىن دامىتۋ تاقىرىبىندا ۇكىمەت ساعاتى ٴوتتى.

ەستەرىڭىزگە سالا كەتەيىك، 7 قىركۇيەكتە كۇندىزگى سەسسيا قورىتىندىسى بويىنشا تەڭگە قۇنسىزدانىپ، ونىڭ دوللارعا قاتىستى باعامى 375،56 جەتكەن بولاتىن.

قازىرگى تاڭدا 1 اقش دوللارىنىڭ قۇنى 381 تەڭگە دەڭگەيىن وسكەن. دوللار 379-381،5 تەڭگە شاماسىندا ساتىلىپ جاتىر.

استانا قالاسىنىڭ ۋاقىتى بويىنشا ساعات 9:12 كەزىندە brent ماركالى مۇنايدىڭ ٴبىر باررەلىنىڭ باعاسى 77،31 تەڭگەنى قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي