BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

مەملەكەتتىك فۋنكسيالار باسەكەلەس ورتاعا بەرiلمەك

فوتو: astanatimes.com

بۇگiن ٴماجiلiستiڭ جالپى وتىرىسىندا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك فۋنكسيالاردى باسەكەلەس ورتاعا بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭ جوباسىن ماقۇلدادى، دەپ حابارلايدى baq.kz تiلشiسi.

«زاڭ جوباسىندا ٴوزىن-وزى رەتتەۋدى دامىتۋ ارقىلى ازاماتتاردىڭ شەشىمدەر قابىلداۋ پروسەسىنە قاتىسۋ مۇمكىندىگىن كەڭەيتۋ، سونداي-اق مەملەكەتكە ٴتان ەمەس فۋنكسيالاردى باسەكەلەس ورتاعا جانە ٴوزىن-وزى رەتتەيتىن ۇيىمدارعا بەرۋ ٴۇشىن قۇقىقتىق نەگىز قالانعان. بۇل قۇجاتتى قالىپتاستىرۋ كەزىندە ٴبىز ەىدۇ ەلدەرىنىڭ ەڭ ۇزدىك پراكتيكاسىن زەردەلەدىك. مىسالى، اقش-تا بيلىكتىڭ فەدەرالدىق ورگاندارىنىڭ فۋنكسيالارىن تۇگەندەۋ تۋرالى زاڭ قولدانىلادى. وعان سايكەس اتقارۋشى بيلىكتىڭ فەدەرالدىق ورگاندارىنا جىل سايىن ٴوزىنىڭ ٴمانى بويىنشا مەملەكەتتىك بولىپ تابىلمايتىن جانە جەكە كومپانيالار جۇزەگە اسىرا الاتىن فۋنكسيالاردى ايقىنداۋ جۇكتەلەدى»، - دەدi زاڭ جوباسىن تانىستىرعان ۇلتتىق ەكونوميكا مينيسترi تيمۋر سۇلەيمەنوۆ.

ۆەدومستۆو باسشىسىنىڭ ايتۋىنشا، زاڭ جوباسىندا مەملەكەتتىك ورگانداردىڭ فۋنكسيالارىن باسەكەلەس ورتاعا بەرۋدىڭ بازالىق تاسىلدەرىن بەكىتۋ جانە دەنساۋلىق ساقتاۋ مينيسترلىگىنىڭ فۋنكسيالارىن ۇكىمەتتىك ەمەس سەكتورعا بەرۋ كوزدەلگەن.

«2016 جىلى جۇرگىزىلگەن ساراپتاما نەگىزگى پروبلەمانى – مەملەكەتتىك ورگانداردىڭ فۋنكسيالارىن باسەكەلەس ورتاعا بەرۋ ولشەمشارتتارىنىڭ جوق ەكەنىن جانە ونىڭ جۇيەسىزدىك سيپاتتا ەكەنىن انىقتادى. وسىعان بايلانىستى، زاڭ جوباسىندا: مەملەكەتتىك ورگانداردىڭ فۋنسيالارىن باسەكەلەس ورتاعا بەرۋدىڭ ماقساتتارى، قاعيداتتارى جانە تاسىلدەرى; فۋنكسيالاردى ىرىكتەۋ مەن بەرۋدىڭ ولشەمشارتتارى، الگوريتمى; فۋنكسيالاردىڭ جۇزەگە اسىرىلۋ ساپاسىنىڭ مونيتورينگى جانە ساپاسىز جۇزەگە اسىرىلعان جاعدايدا ولاردى قايتارۋ تەتىگى; ۇكىمەتتىڭ جانە مەملەكەتتىك ورگانداردىڭ وكىلەتتىكتەرى، «اتامەكەن» ۇلتتىق كاسىپكەرلەر پالاتاسىنىڭ ٴرولى; سونداي-اق فۋنكسيالاردى ورىنداۋشىلاردىڭ قۇقىقتارى مەن مىندەتتەرى; سونىمەن قاتار، ۇكىمەتتىڭ جانىندا ارنايى قۇرىلعان كوميسسيانىڭ فۋنكسيالارى ايقىندالادى»، - دەدi ت. سۇلەيمەنوۆ.

مينيستردiڭ ايتۋىنشا، جەكەلەگەن فۋنكسيالاردى باسەكەلەس ورتاعا بەرۋ قاراستىرىلماعان. مۇنداي فۋنكسيالارعا ۇلتتىق، اقپاراتتىق قاۋىپسىزدىكتى قورعاۋعا باعىتتالعان فۋنكسيالار، قورعانىس، قوعامدىق ٴتارتىپتى قورعاۋ جانە ت.ب. فۋنكسيالار جاتادى. زاڭ جوباسىندا فۋنكسيالاردى باسەكەلەس ورتاعا بەرۋدىڭ 5 ٴتاسىلى ايقىندالعان، ولار تولىق نەمەسە ٴىشىنارا بەرۋدى كوزدەيدى.​ تولىق بەرۋ كەزىندە فۋنسيا تەك فۋنكسيالاردى پايدالانۋشىلاردىڭ ەسەبىنەن جۇزەگە اسىرىلادى نە تولىعىمەن ٴوز-وزىن رەتتەيتىن ۇيىمعا وتەدى. بۇل جاعدايدا فۋنسيا زاڭنامالىق تۇردە مەملەكەتتىك ورگاننىڭ قۇزىرەتىنەن شىعارىلىپ، باسەكەلەس ورتاعا بەرىلەدى. ٴىشىنارا بەرۋگە قازىرگى ۋاقىتتا كەڭىنەن قولدانىلاتىن اۋتسورسينگ، مەملەكەتتىك الەۋمەتتىك تاپسىرىس جانە مەملەكەتتىك تاپسىرما ارقىلى فۋنكسيالاردى ىسكە اسىرۋعا بەرۋ تاسىلدەرى جاتقىزىلعان. اتالعان تاسىلدەر قولدانىستاعى زاڭنامامەن رەتتەلگەندىكتەن زاڭ جوباسىندا مەملەكەتتىك ساتىپ الۋ، مەملەكەتتىك الەۋمەتتىك تاپسىرىس تۋرالى زاڭدارعا جانە قارجى كودەكسىنە سىلتەمە نورمالار كوزدەلگەن.

«بۇدان باسقا، زاڭ جوباسىندا باسەكەلەس ورتاعا دەنساۋلىق ساقتاۋ مينيسترلىگىنىڭ ازاماتتاردىڭ كورسەتىلەتىن مەديسينالىق كومەكتىڭ دەڭگەيى مەن ساپاسىنا قاناعاتتانۋ دارەجەسىن ايقىنداۋ بويىنشا فۋنكسياسى بەرىلەدى. قازىرگى كەزدە فۋنكسيانى دەنساۋلىق ساقتاۋ مينيسترلىگىنىڭ ۆەدومستۆولىق باعىنىستى ۇيىمى جۇزەگە اسىرىپ كەلەدi. وبەكتيۆتىلىكتى قامتاماسىز ەتۋ ماقساتىندا اتالعان فۋنكسيانى مەملەكەتتىك الەۋمەتتىك تاپسىرىس ارقىلى ۇكىمەتتىك ەمەس ۇيىمدارعا بەرۋ ۇسىنىلادى. زاڭ جوباسىندا «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە تۇزەتۋلەر ەنگىزۋ كوزدەلگەن. وسىلايشا، زاڭ جوباسىندا قازاقستان رەسپۋبليكاسىنىڭ 3 كودەكسىنە جانە 4 زاڭىنا وزگەرىستەر مەن تولىقتىرۋلار ەنگىزiلمەك»، - دەدi تيمۋر سۇلەيمەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي