BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

مەديسينا قىزمەتىن دامىتۋدى كوزدەيتىن زاڭ جوباسى ماقۇلداندى

فوتو: ашық дереккөзден

استانا، baq.kz ٴتىلشىسى. ٴماجىلىستىڭ ٴبىرىنشى وقىلىمىندا «قر-سىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ماقۇلداندى.

زاڭ جوباسىن قر دەنساۋلىق ساقتاۋ ٴمينيسترى ەلجان ٴبىرتانوۆ تانىستىردى.

«مەملەكەت باسشىسى مەن ۇكىمەت العا قويعان باسىم مىندەتتەردى ورىنداۋ ماقساتىندا مينيسترلىك اتالعان زاڭ جوباسىن ازىرلەدى. جالپى زاڭ جوباسىمەن 11 زاڭنامالىق اكتىگە، ونىڭ ىشىندە «حالىق دەنساۋلىعى جانە دەنساۋلىق ساقتاۋ تۋرالى» كودەكسكە، «قىلمىستىق جانە قىلمىستىق-پروسەستىك كودەكستەرگە جانە اكىمشىلىك قۇقىق بۇزۋشىلىق تۋرالى» كودەكسكە تۇزەتۋلەر ەنگىزۋ كوزدەلەدى»، - دەدى ول.

وسى ورايدا مينيستر اتالعان قۇجات مەديسينا سالاسىنداعى قانداي باعىتتاردى دامىتۋدى كوزدەيتىنىن ايتتى.

«زاڭ جوباسىنىڭ نەگىزگى باعىتتارىنا: تەگىن مەديسينالىق كومەكتىڭ كەپىلدىك بەرىلگەن كولەمىنىڭ جاڭا مودەلىن جانە مەديسنالىق ساقتاندىرۋ پاكەتىن ەنگىزۋ; مەديسينالىق ۇيىمدارعا كورپوراتيۆتىك باسقارۋ جۇيەسىن جەتىلدىرۋ، دەنساۋلىق ساقتاۋ ينفراقۇرىلىمىن دامىتۋدىڭ ٴبىرىڭعاي پەرسپەكتيۆالىق جوسپارىن ەنگىزۋ; قوعامدىق دەنساۋلىق ساقتاۋ ماسەلەلەرىن جەتىلدىرۋ; مەديسينالىق ٴبىلىم بەرۋ جانە عىلىم جۇيەسىن جەتىلدىرۋ، مەديسينا كادرلارىن دايارلاۋ ساپاسىن ارتتىرۋ جاتادى»، - دەدى ەلجان ٴبىرتانوۆ.

سونداي-اق ۆەدومستۆو باسشىسى زاڭ جوباسى ساپالى مەديسينالىق قىزمەتكەرلەردى دايىنداۋعا مۇمكىندىك بەرەتىنىن اتاپ ٴوتتى.

«مەديسينالىق ٴبىلىم بەرۋ جانە عىلىم جۇيەسىن جەتىلدىرۋ، مەديسينالىق كادرلاردى دايارلاۋ ساپاسىن ارتتىرۋ ماقساتىندا زاڭ جوباسىمەن جوعارى وقۋ ورىندارىندا مەديسينالىق ٴبىلىم بەرۋ جانە عىلىم سالاسىنداعى ستراتەگيالىق ارىپتەستىك ەنگىزىلىپ وتىر. وسى ورايدا دەنساۋلىق ساقتاۋ سالاسىنداعى عىلىمي ۇيىمداردىڭ جانە مەديسينالىق ٴبىلىم بەرۋ ۇيىمدارىنىڭ عىلىمي-پەداگوگيكالىق كادرلاردىڭ، ٴبىلىم الۋشىلاردىڭ ٴبىلىم دەڭگەيى مەن داعدىلارىن باعالاۋ جۇيەسىن ەنگىزۋ كوزدەلەدى»، - دەدى مينيستر.

سونىمەن قاتار ول اتالعان ماقساتقا جەتۋ ٴۇشىن جوعارى وقۋ ورىندارىنىڭ جانىندا ۋنيۆەرسيتەتتىك كلينيكالاردى قۇرۋ جوسپارلانىپ وتىرعانىن جەتكىزدى.

«ينتەگراسيالانعان اكادەميالىق مەديسينا ورتالىقتارىن جانە nazarbayev university ۇقساس ۋنيۆەرسيتەتتىك كليناكالاردى قۇرۋ مەحانيزمى ارقىلى عىلىمي پراكتيكانىڭ جانە ٴبىلىم بەرۋدىڭ جوعارى دەڭگەيىن قامتامسىز ەتۋ كوزدەلەدى»، - دەپ تۇيىندەدى ٴسوزى ٴبىرتانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي