BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ماجىلىستە مەملەكەت قايراتكەرى ورال مۇحامەدجانوۆتى ەسكە الۋ شاراسى ٴوتتى

فوتو: Автор

استانا، baq.kz ٴتىلشىسى. ماجىلىستە بەلگىلى مەملەكەت جانە قوعام قايراتكەرى، ٴىىى-v شاقىرىلىم ٴماجىلىس دەپۋتاتى، ٴىىى-ىv شاقىرىلىم ٴماجىلىس ٴتوراعاسى ورال مۇحامەدجانوۆتى ەسكە الۋعا ارنالعان كونفەرەنسيا ٴوتتى.

ٴىس-شارا ورال مۇحامەدجانوۆتىڭ تۋعانىنا 70 جىل تولۋىنا وراي ۇيىمداستىرىلدى. سونىمەن قوسا، ٴماجىلىس ۇيىندە مۇحامەدجانوۆتىڭ ٴومىرى مەن قىزمەتىنە ارنالعان فوتوكورمە نازارعا ۇسىنىلدى.

ەسكە الۋ شاراسىن اشقان ٴماجىلىس ٴتوراعاسى نۇرلان ٴنىعماتۋليننىڭ ايتۋىنشا، ورال مۇحامەدجانوۆتىڭ ەڭبەك جولىنداعى ۇلكەن بەلەستىڭ ٴبىرى – پارلامەنتتە جۇمىس ىستەگەن جىلدارى.

«ول ماجىلىستە بىرنەشە شاقىرىلىم دەپۋتاتى بولدى. بارشاڭىزعا بەلگىلى، ەكى رەت ٴماجىلىس ٴتوراعاسى بولدى. وسى ۋاقىت ىشىندە پالاتا جۇمىسىن جوعارى دەڭگەيدە ۇيىمداستىرىپ، حالقىمىزعا، ەلىمىزگە قاجەتتى ماڭىزدى زاڭدار قابىلداۋعا زور ىقپال ەتتى. ورال مۇحامەدجانوۆ ۇسىنىستارىن جاساپ، باستاماشى بولعان كوپتەگەن جۇمىستار ٴالى كۇنگە دەيىن ٴوز جالعاسىن تاۋىپ كەلەدى. ونىڭ ارداقتى ەسىمىن بۇرىنعى جانە كەيىنگى دەپۋتاتتارىمىز قاشاندا ۇلكەن قۇرمەتپەن ەسكە الىپ جۇرەتىن بولادى»، - دەدى نىعماتۋلين.

ٴماجىلىس ٴتوراعاسىنىڭ ايتۋىنشا، ورال مۇحامەدجانوۆ سوزگە شەشەن، ەشكىمنەن كومەگىن ايامايتىن، قاراپايىم، ادامگەرشىلىگى جوعارى ادام بولعان.

«جان-جاقتى قابىلەتى زور، ماقساتقا بەرىك، قىزمەتكە ادال بولعان ورال بايعونىس ۇلىنىڭ ەلەۋلى ەڭبەكتەرى قازاقستاننىڭ، سونىڭ ىشىندە ٴماجىلىستىڭ تاريحىندا قالاتىنى ارينە ٴسوزسىز. سوندىقتان، بۇگىنگى ەسكە الۋ كونفەرەنسياسى ورال بايعونىس ۇلى سياقتى جاقسى ادامداردىڭ جۇلدىزىن جوعارى ۇستاۋعا تاربيە بەرەتىن ماڭىزدى جۇمىستاردىڭ ٴبىرى دەپ ويلايمىن»، - دەدى نۇرلان نىعماتۋلين.

ٴىس-شاراعا پارلامەنت دەپۋتاتتارى، مينيسترلەر، قوعام قايراتكەرلەرى، ورال مۇحامەدجانوۆتىڭ وتباسى، تۋعان-تۋىستارى مەن جاقىندارى قاتىستى.

مۇحامەدجانوۆ ورال بايعونىس ۇلى (11.11.1948 – 15.10.2013) – قازاقستاننىڭ مەملەكەتتىك جانە ساياسي قايراتكەرى. ٴىىى-v شاقىرىلىم ٴماجىلىس دەپۋتاتى، ٴىىى-ىv شاقىرىلىم ٴماجىلىس ٴتوراعاسى. «قۇرمەت»، «پاراسات»، «دوستىق» (رف)، «سودرۋجەستۆو» (تمد پاا) وردەندەرىمەن ماراپاتتالعان.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي