BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

ماجىلىستە قازاقستان، تۇرىكمەنستان مەن وزبەكستان شەكارالارىنىڭ ٴتۇيىسۋ نۇكتەسىن ايقىنداۋ تۋرالى زاڭ جوباسى ماقۇلداندى

بۇگىن ٴماجىلىستىڭ جالپى وتىرىسىندا قازاقستان، تۇرىكمەنستان جانە وزبەكستان شەكارالارىنىڭ ٴتۇيىسۋ نۇكتەسىنىڭ اۋدانى تۋرالى شارتتى راتيفيكاسيالاۋ تۋرالى زاڭ جوباسى جونىندە سىرتقى ىستەر ٴمينيسترىنىڭ ٴبىرىنشى ورىنباسارى مۇحتار تىلەۋبەردى بايانداما جاسادى، دەپ حابارلايدى baq.kz ٴتىلشىسى.

«بۇل شارتقا پرەزيدەنت نۇرسۇلتان نازاربايەۆتىڭ ۇسىنىسىمەن ٴۇش ەلدىڭ سىرتقى ساياسي ۆەدومستۆولار دەڭگەيىندە 2017 جىلعى 10 قاراشادا سامارقاند قالاسىندا قول قويدى. شارتتىڭ باستى ماقساتى قازاقستان، تۇرىكمەنستان، وزبەكستان شەكارالارىنىڭ ٴتۇيىسۋ نۇكتەسىن ايقىنداۋ بولىپ تابىلادى. وسى ٴۇش مەملەكەتتىڭ شەكارالارىنىڭ ٴتۇيىسۋ نۇكتەسى ۇستىرتتە ورنالاسقان. شەكارالاردىڭ ٴتۇيىسۋ نۇكتەسى ورنالاسقان جەرى جانە شەكارا سىزىعىنىڭ ٴوتۋى شارتتىڭ اجىراماس بولىگى بولىپ تابىلادى. ٴتۇيىسۋ نۇكتەسىنىڭ ورنالاسقان جەرى جانە ٴتۇيىسۋ نۇكتەسىنىڭ اۋدانىندا شەكارا سىزىعىنىڭ ٴوتۋى سيپاتتاماسىندا، ٴتۇيىسۋ نۇكتەسى اۋدانىنىڭ كارتاسىندا كورسەتىلگەن»، - دەدى تىلەۋبەردى.

ول شارتتىڭ ٴۇشىنشى بابىنا سايكەس راتيفيكاسيالاۋعا جاتاتىنىن جانە راتيفيكاسيالاۋ گراموتالارىن الماسقان كۇننەن باستاپ كۇشىنە ەنەتىنىن اتاپ ٴوتتى.

«قر حالىقارالىق شارتتارى تۋرالى 2015 جىلعى 30 مامىرداعى زاڭىنا سايكەس ول راتيفيكاسيالاۋعا جاتادى. شارت مەرزىمسىز بولىپ تابىلادى. شارتتى راتيفيكاسيالاۋ جانە ونىڭ كۇشىنە ەنۋى قازاقستان، وزبەكستان، تۇرىكمەنستان مەملەكەتتىك شەكارالىق دەليميتاسيالاۋ پروسەسىن اياقتاۋعا، ٴتۇيىسۋ نۇكتەسىندە اۋداندىق، اۋماقتىق داۋلاردىڭ تۋىنداۋىن الدىن الا جويۋعا، ەلىمىزدىڭ ۇلتتىق قاۋىپسىزدىگىن نىعايتۋعا ىقپال ەتەدى»، - دەپ ٴتۇسىندىردى ول.

ٴسىم ٴبىرىنشى ورىنباسارىنىڭ ايتۋىنشا، بۇعان دەيىن شەكارالىق ٴتۇيىسۋ نۇكتەسى بويىنشا 1999 جىلعى 5 مامىردا قازاقستان-قىتاي-رەسەي اراسىندا، 1999 جىلعى 29 تامىزدا قازاقستان-قىتاي-قىرعىزستان اراسىندا، سونداي-اق 2001 جىلعى 15 ماۋسىمدا قازاقستان-قىرعىزستان-وزبەكستان اراسىندا حالىقارالىق شارتتار جاسالعان. وسىلايشا وسى شارت قازاقستاننىڭ مەملەكەتتىك شەكاراسىن دەليميتيزاسيالاۋدى تولىعىمەن اياقتايتىن سوڭعى قۇجات بولماق.

سونداي-اق، ول ٴتۇيىسۋ نۇكتەسىنىڭ كوورديناتتىق جۇيەسىن ٴۇش مەملەكەت بىرگە قابىلدايتىنىن اتاپ ٴوتتى.

«كوورديناتالاردى ٴۇش مەملەكەت قابىلداۋى قاجەت. سوندىقتان ٴبىز وسى شارتقا پايدالىنىپ جاتقان كوورديناتالار جۇيەسىن كەلىستىرىپ وتىرمىز. وزبەكستان تاراپىنان ەنگىزىلگەن ۇلتتىق كوورديناتالار جۇيەسىن پايدالانۋعا بولمايدى، ويتكەنى ول ٴبىزدىڭ مەملەكەتىمىز بەن تۇرىكمەنستاندا قابىلدانبايدى. بۇل شارتتا ٴۇش مەملەكەتتىڭ عانا قابىلدايتىن جۇيەسىن پايدالاندىق»، - دەدى تىلەۋبەردى.

ال اۋىل شارۋاشىلىعى ٴمينيسترىنىڭ ورىنباسارى ارمان ەۆنەەۆتىڭ ايتۋىنشا، اتالعان جوبا ەسەپتەر بويىنشا بەس جىلعا ارنالعان. ال ونى جۇزەگە اسىرۋعا قاجەتتى قارجى سوماسى ەسەپتەلىپ جاتىر.

دەپۋتاتتار داۋىس بەرگەن سوڭ اتالعان زاڭ جوباسى ماقۇلداندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي