USD 335.71 EUR 357.36 RUB 5.23
استانا:

ٴماجىلىس ٴتوراعاسى: نۇرسۇلتان نازاربايەۆ – قازاقستاندىق پارلامەنتاريزم مودەلىنىڭ نەگىزىن قالاۋشى  

فوتو: Бауыржан ЖУАСБАЕВ

ٴماجىلىس ٴتوراعاسى نۇرلان نىعماتۋلين استانادا «تاۋەلسىزدىكتىڭ 25 جىلدىعى: ناتيجەلەر. جەتىستىكتەر. كەلەشەك كوكجيەگى» حالىقارالىق كونفەرەنسياسىندا قۇتتىقتاۋ ٴسوز سويلەپ، ٴبىزدىڭ ەلىمىزدىڭ قالىپتاسۋى مەن دامۋى جولىندا قازاقستان پرەزيدەنتى نۇرسۇلتان نازاربايەۆتىڭ تەڭدەسسىز رولىنە توقتالدى، دەپ حابارلايدى baq.kz.

«ٴبىز 25 جىلدىڭ ىشىندە بارلىق قيىندىقتى جەڭىپ، دامىعان 50 ەلدىڭ قاتارىنا كىردىك. بۇل شىنىندا تاريحي جەڭىس. بۇل تۇڭعىش پرەزيدەنتىمىز – ەلباسى نۇرسۇلتان ٴابىش ۇلى نازاربايەۆتىڭ كورەگەن ساياساتىنىڭ، باتىل قادامدارىنىڭ، تاريحي شەشىمدەرىنىڭ جەڭىسى. سوندىقتان، 25 جىلدىق بيىك بەلەستەر – ەلىمىز ٴۇشىن، حالقىمىز ٴۇشىن جارقىن بولاشاققا جول اشىپ وتىر»،-دەدى نۇرلان نىعماتۋلين.

ٴماجىلىس ٴتوراعاسى اتاپ وتكەندەي، ەلباسىنىڭ باسشىلىعىمەن جەتكەن بۇل مەرەيتوي ەل تاريحىندا ەرەكشە كەزەڭ. قازىرگى ۋاقىتتا الەم الدىندا قازاقستاننىڭ ٴوز بەدەلى، ابىرويى، بيىك مارتەبەسى بار.

ن. ٴنىعماتۋليننىڭ پىكىرىنشە، تاۋەلسىزدىكتىڭ اق تاڭى اتقان شاقتا حالىق ٴوزىنىڭ شىنايى تاڭداۋىن جاسادى. نۇرسۇلتان نازاربايەۆتى ەل پرەزيدەنتى رەتىندە تاڭداي وتىرىپ، تاعدىرلى شەشىم قابىلدادى. سول ۋاقىتتان باستاپ، ەلباسى مەملەكەتىمىزدىڭ قارقىندى دامۋىنىڭ، قازاقستاننىڭ گۇلدەنۋىنىڭ كەپىلىنە اينالدى.

ماڭىزدى حالىقارالىق جيىننىڭ ۇيىمداستىرۋشىسى قازاقستان رەسپۋبليكاسى پارلامەنتى ٴماجىلىسى مەن قر سىرتقى ىستەر مينيسترلىگى.

فورۋم جۇمىسىنا بەلارۋس، بەلگيا، يران، يتاليا، قازاقستان، قىتاي، قىرعىزستان، لاتۆيا، پولشا، رەسەي، اقش، تۇركيا، فينليانديا، رگف جانە شۆەسيا ەلدەرىنىڭ پارلامەنتتىك وكىلدەرى مەن ساراپشىلارى قاتىسۋدا.

شارا ٴۇش سەسسيانى قامتيدى. ولار: «قازاقستانداعى نەگىزگى ساياسي جانە ەكونوميكالىق رەفورمالاردىڭ قورىتىندىلارى»، «قازاقستان الەمدىك ساياساتتا»، «قازاقستان: كەلەشەك كوكجيەگى».

كوممەنتاريي2
kamilla
قاي سايتتىڭ جاڭالىقتارىن اشىپ قالساڭ دا حالىقارالىق كونفەرەنسيا ٴوتتى، باسشىلار كەزدەستى دەپ جاتادى. سونىڭ بارلىعى دامىپ جاتقانىمىزدى كورسەتەدى.
جانىبەك
باسشىسى جوق ەل جەتىم. ەلباسىداي باسشىمىز بولعان بىزگە جاراتقان ٴبىر كومەك قىلعانداي. لايىم باسىمىزداعى باعىمىزدان ايىرماسىن.

ۆاش كوممەنتاريي بۋدەت وپۋبليكوۆان پوسلە مودەراسيي