USD 334.31 EUR 355.17 RUB 5.31
استانا:

ٴماجىلىس راقىمشىلىق جاساۋ تۋرالى زاڭ جوباسىن قابىلدادى

بۇگىن پارلامەنتتىڭ تومەنگى پالاتاسى ٴماجىلىس پلەنارلى وتىرىس كەزىندە «قر تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى» زاڭ جوباسىن قابىلدادى، دەپ حابارلايدى baq.kz.

«مەملەكەت باسشىسى نۇرسۇلتان نازاربايەۆ كونستيتۋسيانىڭ 61-بابىنىڭ 1-تارماعىنا سايكەس ٴوز باستاماسىمەن قر پارلامەنتى ٴماجىلىسىنىڭ قاراۋىنا «قازاقستان رەسپۋبليكاسى تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى» زاڭ جوباسىن ەنگىزگەن بولاتىن. بيىل قازاقستاننىڭ تاۋەلسىزدىك العانىنا 25 جىل تولىپ وتىر. كونستيتۋسيا ادامداردىڭ ٴومىرىن جوعارى باعالايدى، ەركىندىگى مەن قۇقىعىن قورعايدى. بۇل راقىمشىلىق شاراسى زاڭ بۇزعان ازاماتتارعا قاتىستى ىزگىلىك اكتىسى، مەملەكەت تاراپىنان مەيىرىمدىلىك پەن سەنىم ٴبىلدىرۋدىڭ كورىنىسى بولىپ سانالادى»، - دەدى ٴماجىلىستىڭ زاڭناما جانە سوت-قۇقىقتىق رەفورما كوميتەتىنىڭ ٴتوراعاسى نۇرلان ٴابدىروۆ.

ونىڭ ايتۋىنشا، بۇل زاڭ جوباسى، نەگىزىنەن، ازاماتتاردىڭ الەۋمەتتىك وسال ساناتتارىن، كامەلەتكە تولماعانداردى، جۇكتى ايەلدەردى، كامەلەت جاسقا تولماعان بالالارى بار ايەلدەردى، قارت ادامداردى، مۇگەدەكتەردى، سونداي-اق بولماشى جانە اۋىر ەمەس قىلمىس جاساعان ادامداردى قىلمىستىق جازادان بوساتۋدى كوزدەيدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي