BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

ٴماجىلىس دەپۋتاتتارى ايماقتاردا حالىقپەن كەزدەسۋلەر وتكىزۋدە

ٴماجىلىس دەپۋتاتتارى بۇگىنگى تاڭدا وڭىرلەردە حالىقپەن جانە ەڭبەك ۇجىمىمەن كەزدەسۋلەر وتكىزۋدە. العاشقى ساپار قاراعاندى، باتىس قازاقستان، قىزىلوردا وبلىستارىندا، سونداي-اق استانا مەن شىمكەنت قالالارىندا ٴوتتى، دەپ حابارلايدى baq.kz اقپارات اگەنتتىگى.

پارلامەنت دەپۋتاتتارى حالىقتى مەملەكەت باسشىسىنىڭ نەگىزگى باعدارلامالىق قۇجاتتارى مەن باستامالارىن ىسكە اسىرۋ ٴۇشىن قابىلدانعان زاڭنامالىق جاڭالىقتار تۋرالى حاباردار ەتەدى. ساپار بارىسىندا ٴۇشىنشى سەسسيانىڭ زاڭنامالىق قىزمەتىنىڭ ناتيجەلەرى تۋرالى اقپاراتتاندىرادى. بۇگىنگى تاڭدا قارالعان 129 زاڭ جوباسىنان 84 زاڭ جوباسى قابىلداندى.

سونىمەن قاتار، كەزدەسۋدە پرەزيدەنتتىڭ بەس الەۋمەتتىك باستاماسىن ىسكە اسىرۋ تەتىكتەرىنە ەرەكشە نازار اۋدارىلادى.

اتاپ ايتقاندا، ٴماجىلىس دەپۋتاتتارى گۇلنار بيجانوۆا مەن سەرىك ساپيەۆتىڭ قاراعاندى وبلىسى بۇقار جىراۋ اۋدانىنداعى قۋشوقى اۋىلىنداعى «بوتاقارا جىلۋ» ەڭبەك ۇجىمىمەن كەزدەسۋىندە حالىقتى «7-20-25» باعدارلاماسى بويىنشا تۇرعىن ٴۇي الۋدىڭ تەتىكتەرىنە قىزىعۋشىلىق تانىتتى.

كەزدەسۋ بارىسىندا اۋدان ٴۇشىن وزەكتى ماسەلەلەرگە دە نازار اۋدارىلدى. اتاپ ايتقاندا، 60 جىلداردىڭ باسىندا سالىنعان جەرگىلىكتى سۋ جەلىلەرىن قالپىنا كەلتىرۋ مەن جەدەل جاردەم بولىمشەسىنىڭ جابىلۋى سياقتى پروبلەمالار كوتەرىلىپ، ٴوز كەزەگىندە ٴماجىلىس دەپۋتاتتارى بۇل ماسەلەلەردى دەربەس باقىلاۋلارىنا الدى.

حالىق قالاۋلىلارى وڭىرلەردە الەۋمەتتىك جانە وندىرىستىك نىسانداردىڭ ەڭبەك ۇجىمدارىمەن كەزدەسۋدە ٴبىرىنشى كەزەكتە زاڭنامالىق دەڭگەيدە، ەكونوميكانىڭ ٴارتۇرلى سالالارىن دامىتۋ جونىندەگى قاجەتتى قولداۋ شارالارىن تالقىلاۋدا.

ماسەلەن، ٴماجىلىس دەپۋتاتتارى پاۆەل كازانسەۆ، باقىتجان ەرتايەۆ جانە جانات وماربەكوۆا مەن يۋريي تيموششەنكونىڭ استانا قالاسىنداعى «ەۆروكوپتەر كازاحستان ينجينيرينگ» ۇجىمىمەن كەزدەسۋىندە يننوۆاسيالىق الەۋەتتى، سونداي-اق زاۋىت تىكۇشاقتارىن قولداناتىن تۋريزم يندۋسترياسىن دامىتۋ تۋرالى بولدى. دەپۋتاتتاردىڭ پىكىرىنشە، بۇل ٴۇشىن قاجەتتى زاڭنامالىق نورمالارعا نازار اۋدارىپ، الداعى سەسسيادا ٴتيىستى زاڭ جوباسى مəجىلىستەگى جۇمىس توپتارىندا تالقىلاناتىن بولادى.

ٴماجىلىس دەپۋتاتى، قازاقستان حالقى اسسامبلەياسىنىڭ دەپۋتاتتىق توبىنىڭ مۇشەسى ناتاليا جۇمادىلدايەۆانىڭ ايماقتارعا جۇمىس ساپارى بارىسىندا شىمكەنت قالاسىنداعى س.ەرۋبايەۆ اتىنداعى №24 مەكتەپ-ليسەيىنىڭ جانە قالالىق وقۋشىلار سارايىنىڭ جۇمىسىمەن تانىسىپ، پەداگوگ كادرلارمەن كەزدەستى. وندا ەلىمىزدەگى ٴبىلىم بەرۋ سالاسىنداعى رەفورمالار مەن مۇعالىمدەردى الەۋمەتتىك قورعاۋ ماسەلەلەرىنە نازار اۋدارىلدى.

ساپار بارىسىندا ٴماجىلىس دەپۋتاتتارى ەلباسىنىڭ نەگىزگى مىندەتتەرىن جەر-جەرلەردە قالاي ىسكە اسىرىلىپ جاتقانىنا دا نازار اۋدارۋدا.

ورال قالاسىنا مامانداندىرىلعان حالىققا قىزمەت كورسەتۋ ورتالىعىنا بارعان دەپۋتاتتار سنەجاننا يماشەۆا، ەۆگەنيي كوزلوۆ، گلەب ششەگەلسكيي جانە سەرگەي سيمونوۆ باتىس قازاقستان وبلىسىنىڭ سيفرلاندىرۋ ماسەلەلەرىنە نازار اۋداردى.

ال، ٴماجىلىس دەپۋتاتتارى ابزال ەراليەۆ، باقىتبەك سماعۇل جانە گەنناديي شيپوۆسكيح قىزىلوردا وبلىسىنا بارعان ساپارى اياسىندا جاڭاقورعان اۋدانىنداعى skz-u كۇكىرت قىشقىلى زاۋىتىنىڭ قىزمەتكەرلەرىمەن كەزدەستى. مۇندا قورشاعان ورتاعا زيان كەلتىرمەيتىن الدىڭعى قاتارلى ەكولوگيالىق ٴقاۋىپسىز تەحنولوگيا مەن ەنەرگيانى ۇنەمدەۋ ادىستەرى كەڭىنەن قولدانىلۋدا.

زاۋىت جۇمىسىنىڭ ناتيجەلەرىمەن تانىسقان ٴماجىلىس دەپۋتاتتارى كاسىپورىننىڭ ەل ەكونوميكاسىن دامىتۋعا قوسقان ەلەۋلى ۇلەسىن اتاپ ٴوتتى. سونداي-اق، پارلامەنت دەپۋتاتتارى وندىرىلگەن ٴونىمنىڭ حالىق شارۋاشىلىعىندا كەڭىنەن قولدانىلاتىنىنا سەنىم ٴبىلدىردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي