BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

قازاقتىڭ اقباس سيىرى ەلىمىزدىڭ برەندىنە اينالۋى كەرەك – دەپۋتات

فوتو: ашық дереккөзден

بۇگىن ٴماجىلىس ۇيىندە اگرارلىق ماسەلەلەر كوميتەتىنىڭ وتىرىسى ٴوتىپ، ەلىمىزدە اقباس تۇقىمدى ٴىرى قارا مال ٴوسىرۋ تاقىرىبى تالقىلاندى، دەپ حابارلايدى baq.kz ٴتىلشىسى.

قر پارلامەنتى ٴماجىلىسى اگرارلىق ماسەلەلەر كوميتەتىنىڭ حاتشىسى جەكسەنباي دۇيسەبايەۆ قازاقتىڭ اقباس سيىرى 1930 جىلدان باستاپ وسىرىلگەنىن ايتتى. ونىڭ مالىمەتىنشە، 1930-1950 جىل ارالىعىندا قازاقتىڭ اقباس سيىرى كوپتەپ ٴوسىرىلىپ، ول اسىل تۇقىمدى بولىپ بەكىتىلگەن.

«سوندا قاراساڭىز، اسىل تۇقىمدى مالدى شىعارۋ ٴۇشىن 20 جىل ۋاقىت كەتكەن. قانشا تەر توگىلگەنىن، قانشا جۇمىس اتقارىلعانىن وزدەرىڭىز ويلاپ كورىڭىزدەر. سوندىقتان، قازاقتىڭ اقباس سيىرى ٴبىزدىڭ ەلىمىزدە، جەرىمىزدە ەڭ قۇندى مالدىڭ ٴبىرى سانالادى. بۇل مال ٴبىزدىڭ جايىلىمعا، شولەيتىمىزگە، قىسىمىز بەن جازىمىزعا، بارىنە ٴتوزىمدى. ونى ەلىمىزدىڭ كەز كەلگەن وڭىرىندە وسىرۋگە بولادى. وعان جاعداي دا، جايىلىم دا بار. ٴبىر ەرەكشىلىگى اقباس سيىر -اۋرۋعا دا بەرىلمەي، ٴونىمىن دە ەسەلەپ ارتتىرىپ، سول ارقىلى ٴوزىنىڭ ساپالى ەتىمەن تانىلعان مالدىڭ ٴبىرى. بۇل ٴبىزدىڭ قازاعىمىزدىڭ برەندىنە اينالۋى كەرەك. سول ٴۇشىن ٴبىز - ٴماجىلىستىڭ ٴبىر توپ دەپۋتاتتارى، اگرارلىق كوميتەت وسى ماسەلەنى قولعا الىپ جاتىرمىز»، - دەدى ماجىلىسمەن تىلشىلەرگە بەرگەن سۇحباتىندا.

دەپۋتاتتىڭ ايتۋىنشا، 1950 جىلى قازاقتىڭ اقباس سيىرى 388 مىڭ باس بولعان ەكەن. ال، ٴ1970-شى جىلداردىڭ ورتاسىندا، 90-شى جىلداردىڭ باسىندا بۇل اسىل تۇقىمدى مالدىڭ سانى سايكەسىنشە 1 ملن، 1 ملن 300 مىڭعا دەيىن جەتكەن. وكىنىشكە وراي، قازىرگى ۋاقىتتا ولاردىڭ تەك 270 مىڭى عانا قالعان.

«ولاردىڭ كۇرت ازايۋىنىڭ سەبەبى كوپ. وتپەلى كەزەڭ، نارىقتىق ەكونوميكاعا اۋىسۋ، شارۋاشىلىقتاردىڭ جەكەشەلەندىرىلۋى، اسىل تۇقىمعا ٴوز دەڭگەيىنىڭ بەرىلمەۋى جانە تاعى باسقا. ەگەر دە بىزدە سول 1 ملن قازاقتىڭ اقباس سيىرى بولسا، بۇگىنگى تاڭدا ٴبىزدىڭ كوپتەن بەرى ايتىلىپ جۇرگەن ەكسپورتتىق الەۋەتىمىز الدەقايدا ارتار ەدى. ەندى بۇل جاعدايدان ٴبىز كوتەرىلىپ، ٴارى قاراي دامىتىپ، تۇقىمدى جوعالتىپ الماي، اسىلداندىرۋىمىز قاجەت. ول ٴۇشىن اسىل تۇقىمدى زاۋىتتارىمىزدى اشىپ، شارۋاشىلىقتارىمىزدى كوبەيتۋىمىز كەرەك. قىسقاسى، قازاقتىڭ اقباس سيىرىن ەلىمىزدىڭ برەندىنە اينالدىرۋىمىز قاجەت»، - دەپ تۇيىندەدى جەكسەنباي دۇيسەبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي