BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
استانا:

قازاقستانعا كەلگەن 2،5 مىڭنان استام شەتەل ازاماتى قىلمىس قۇربانى بولعان

فوتو: ашық дереккөзден

سوڭعى ٴۇش جىلدا قازاقستاندا 330 مىڭ شەتەل ازاماتى اكىمشىلىك جاۋاپكەرشىلىككە تارتىلسا، 2،5 مىڭنان استام شەتەل ازاماتى قىلمىس قۇربانى بولعان. بۇل تۋرالى ماجىلىستەگى ۇكىمەت ساعاتىندا زاڭنامالىق جانە سوت-قۇقىقتىق رەفورما كوميتەتىنىڭ ٴتوراعاسى نۇرلان ٴابدىروۆ مالىمدەدى، دەپ حابارلايدى baq.kz اقپارات اگەنتتىگى.

«2015 جىلدان بەرى ەلىمىزگە كەلەتىن شەتەل ازاماتتارىنىڭ سانى جىل سايىن 20 پايىزعا ارتىپ وتىردى. تەك وتكەن جىلى 5،5 ميلليوننان استام شەتەل ازاماتى كەلدى، ولاردىڭ باسىم بولىگى تمد ەلدەرىنەن كەلگەن. وسى رەتتە، ىشكى ىستەر ورگاندارىندا تەك 2،5 ميلليوننان استام ادام تىركەلگەنىن ايتا كەتۋ كەرەك، ياعني جارتىسىنان ازى. بۇل وتە ماڭىزدى تاقىرىپ، سەبەبى ميگرانتتار تاراپىنانان قۇقىقبۇزۋشىلىق كوپ تىركەلەدى. ٴىىم مالىمەتى بويىنشا، سوڭعى ٴۇش جىلدا اكىمشىلىك جاۋاپكەرشىلىككە 330 مىڭ مىڭ شەتەلدىك تارتىلدى، ال ەلدەن كوشى-قون زاڭناماسىن بۇزعانى ٴۇشىن 36 مىڭ ازامات الاستاتىلدى. سونىمەن، شەتەلدىك ازاماتتارعا قاتىستى 3506 قىلمىستىق ٴىس قوزعالدى، ولاردىڭ باسىم بولىگى ۇرلىق جانە ەسىرتكى قىلمىستارىمەن بايلانىستى. ال، 2،5 مىڭنان استام شەتەلدىك وزدەرى قىلمىس قۇربانى بولعان. كوشى-قون قىزمەتىنىڭ وسالدىلىعى وسىدان كورىنىپ-اق تۇر»، - دەپ باسا ن.ٴابدىروۆ.

ٴابدىروۆ تولىقتىرىپ كەتكەندەي، قازاقستاندا زاڭسىز كوشى-قونمەن كۇرەسەتىن ورگانداردىڭ تيىمدىلىگىن ارتتىرۋ كەرەك.

«ٴىىم ۇقك شەكارا قىزمەتىمەن بىرلەسىپ وتكىزۋ پۋنكتتارىندا بيومەتريالىق باقىلاۋدى ەنگىزۋى كەرەك. وسىلايشا زاڭسىز كوشى-قون ارنالارىنىڭ جۇمىسىنا توسقاۋىل قويىلادى جانە دە تۇلعانى انىقتاۋ بارىسىندا پاسپورتتىق-ۆيزالىق، وزگەدە قۇجاتتاردىڭ قورعالۋىن قامتاماسىز ەتكەن ٴجون»، - دەيدى دەپۋتات.

بۇدان باسقا، ماجىلىستە ەلىمىزدىڭ حالىقارالىق مىندەتتەمەسىن ەسەپكە الا وتىرىپ زاڭسىز ميگرانتتاردى دەپورتاسيالاۋدىڭ ٴتيىمدى ٴادىسىن جاساقتاۋ كەرەك دەپ ەسەپتەيدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي