BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

قازاقستان سەناتى كانادا پارلامەنتىمەن ىنتىماقتاستىقتى ورىستەتۋگە ٴازىر

استانا، baq.kz. پارلامەنت سەناتىنىڭ ٴتوراعاسى قاسىم-جومارت توقايەۆ كانادانىڭ گەنەرال-گۋبەرناتورى جيۋلي پايەتتپەن كەزدەستى.

ٴتوراعا ج. پايەتتىڭ قازاقستانعا ساپارى ەكىجاقتى ىنتىماقتاستىققا ەلەۋلى تۇردە سەرپىن بەرەتىن ماڭىزى زور وقيعا ەكەنىن اتاپ ٴوتتى. ق.توقايەۆ ٴبىزدىڭ ەلدەرىمىزدىڭ كوپتەگەن ورتاق سيپاتتارى بار ەكەنىن، ونىڭ ٴوزى ساۋدا-ەكونوميكالىق، مادەني-گۋمانيتارلىق، ەنەرگەتيكا، اۋىل شارۋاشىلىعى، تەحنولوگيالار، ٴبىلىم بەرۋ جانە اەروعارىش سالالارىنداعى ىنتىماقتاستىق ٴۇشىن مۇمكىندىكتەر اشاتىنىن ايتتى.

ج. پايەتت بورتىندا كانادالىق استروناۆتى بار عارىش كەمەسى ۇشقان بايقوڭىر عارىش ايلاعىنا بارعان ساپارىنان العان اسەرىمەن ٴبولىستى جانە كانادا جاعىنىڭ قازعارىش مەكەمەسىمەن ىنتىماقتاستىق تۋرالى مەموراندۋمعا قول قويۋ نيەتى بار ەكەنىن حابارلادى.

پارلامەنت جوعارعى پالاتاسىنىڭ ٴتوراعاسى قازاقستاننىڭ ساياسي جۇيەسىندەگى سەناتتىڭ ٴرولى جانە مەملەكەت باسشىسى ن.نازاربايەۆتىڭ باستاماسىمەن جۇزەگە اسقان ساياسي جانە الەۋمەتتىك-ەكونوميكالىق جاڭعىرۋ باعدارلامالارىن ىسكە اسىرۋداعى دەپۋتاتتاردىڭ جۇمىسى تۋرالى مەيماندى حاباردار ەتتى.

جۇزدەسۋشىلەر قازاقستان مەن كانادا اراسىنداعى پارلامەنتارالىق ٴۇنقاتىسۋدىڭ كەلەشەگى تۋرالى پىكىر الماستى. ق.توقايەۆ ەكى ەلدىڭ زاڭ شىعارۋ ورگاندارىنىڭ بايلانىستارىن دامىتۋعا سەناتتىڭ مۇددەلى ەكەنىن جانە ەقىۇ پارلامەنتتىك اسسامبلەياسى مەن پارلامەنتارالىق وداقتا كانادا پارلامەنتشىلەرمەن ٴوزارا ناتيجەلى ٴىس-قيمىلدى اتاپ ٴوتتى. سەنات باسشىسى ٴوزىنىڭ كانادالىق ارىپتەسىنە استاناعا رەسيي ساپارمەن كەلۋگە شاقىرۋىن جولدادى.

ج. پايەتت ٴوز كەزەگىندە قازاقستانمەن ەكىجاقتى كۇن تارتىبىندەگى اۋقىمدى ماسەلەلەر بويىنشا، سونداي-اق كوپتاراپتى ىنتىماقتاستىق اياسىنداعى بايلانىستاردى دامىتۋعا كانادانىڭ مۇددەلى ەكەنىن ناقتىلادى. اتاپ ايتقاندا، بۇۇ قاۋىپسىزدىك كەڭەسىنە تۇراقتى ەمەس مۇشە بولىپ سايلانۋ جونىندەگى وتتاۆا ناۋقانى تۇرعىسىندا گەنەرال-گۋبەرناتور وسى حالىقارالىق ٴىرى ۇيىمداعى جوعارى ورگانعا قاتىسۋىن اياقتاپ جاتقان قازاقستاننىڭ تاجىريبەسىنە ىقىلاس ٴبىلدىردى.

ق. توقايەۆ استانانىڭ بۇۇ قاۋىپسىزدىك كەڭەسىندەگى باسىمدىقتارى، يادرولىق قارۋدى تاراتپاۋ جانە جاھاندىق قاۋىپسىزدىك جونىندەگى پرەزيدەنت ن. نازاربايەۆتىڭ باستامالارى تۋرالى كانادالىق دەلەگاسيانى حاباردار ەتتى. سەنات ٴتوراعاسى ادامزات ومىرىندەگى كوكەيكەستى ماسەلەلەردى شەشۋ ٴۇشىن كونفەسسيالار مەن ساياسي كوشباسشىلاردى ٴبىر ۇستەل باسىندا بىرىكتىرگەن دۇنيە جۇزىندەگى وكىلدى الاڭ بولىپ تابىلاتىن الەمدىك جانە ٴداستۇرلى دىندەر ليدەرلەرىنىڭ vi سەزىنىڭ قورىتىندىلارىمەن ٴبولىستى. ق. توقايەۆ فورۋم جۇمىسىنا ٴار جىلداردا بۇۇ باس حاتشىسى، مەملەكەتتەر باسشىلارى، دۇنيە جۇزىنە تانىمال ساياساتكەرلەر قاتىسقانىن، ونىڭ ىشىندە كانادانىڭ بۇرىنعى پرەمەر-مينيسترى جان كرەتەن دا بولعانىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي