BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

قازاقستان مەن كورەيانىڭ پارلامەنتارالىق ىنتىماقتاستىعى دامي تۇسەدى

2018 جىلعى 13 ناۋرىزدا قازاقستان رەسپۋبليكاسى پارلامەنتى سەناتى ٴتوراعاسىنىڭ ورىنباسارى بەكتاس بەكنازاروۆ كورەيا رەسپۋبليكاسى ۇلتتىق اسسامبلەياسىنىڭ ٴتوراعاسى چون سە گيۋنمەن كەزدەستى، دەپ حابارلايدى baq.kz اقپارات اگەنتتىگى.

مەيمانمەن كەزدەسۋدە ب.بەكنازاروۆ كورەيا رەسپۋبليكاسى قازاقستاننىڭ شىعىس ازياداعى باستى ستراتەگيالىق ارىپتەسى ەكەنىن اتاپ ٴوتتى.

«ٴبىز سىزدەردىڭ ەلدەرىڭىزبەن بارلىق سالادا جانە بارلىق دەڭگەيدە ٴۇنقاتىسۋدى دامىتۋعا مۇددەلىمىز»، - دەدى ول.

سەنات ٴتوراعاسىنىڭ ورىنباسارى كورەيانى قىسقى وليمپيادا ويىندارىن وتكىزۋىمەن قۇتتىقتاي كەلىپ، جارىستاردا كورەيالىق كوماندانىڭ شەبەر ونەر كورسەتكەنىن اتاپ ٴوتتى.

تاراپتار پارلامەنتارالىق ىنتىماقتاستىقتى نىعايتۋعا ۋاعدالاستى. قازاقستان پارلامەنتىنىڭ قوس پالاتاسىندا دا كورەيامەن ىنتىماقتاستىق جونىندەگى توپتار، ال ۇلتتىق اسسامبلەيادا قازاقستانمەن دوستىق توبى جۇمىس ىستەپ كەلەدى. چون سە گيۋن قازاقستاندىق پارلامەنتشىلەردى كورەياعا ساپارمەن كەلۋگە شاقىردى.

ۇلتتىق اسسامبلەيانىڭ ٴتوراعاسى «قازاقستان-2050» ستراتەگياسىندا بەلگىلەنگەن ماقساتتاردى قولدايتىنىن جەتكىزىپ، قازاقستانعا جەر اۋدارىلعان ەتنيكالىق كورەيلەرگە كورسەتىلگەن كومەك ٴۇشىن قازاق حالقىنا العىس ايتتى.

ب.بەكنازاروۆ ەكىجاقتى قاتىناستاردى نىعايتۋدىڭ كەلەشەگىن تالقىلاي كەلىپ، قازاقستان كورەي تۇبەگىندەگى جاعدايدى ٴۇنقاتىسۋ جانە كەلىسسوزدەر ارقىلى شەشۋدى دايەكتى تۇردە جاقتايتىنىن اتاپ ٴوتتى.

سەنات ٴتوراعاسىنىڭ ورىنباسارى «ەكسپو-2017» حالىقارالىق مامانداندىرىلعان كورمەسىنە بەلسەندى تۇردە قاتىسقانى ٴۇشىن كورەياعا العىس ايتتى. ول كورەي بيزنەسىنىڭ ٴبىزدىڭ ەلىمىزدە عىلىمي تۇرعىدا قامتىلعان، جوعارى تەحنولوگيالىق ٴوندىرىستى دامىتۋ جونىندەگى جوبالاردى ىسكە اسىرۋعا بەلسەندى قاتىسۋىنا قازاقستان مۇددەلى ەكەنىن اتاپ ٴوتتى.

كەزدەسۋگە ٴماجىلىس ٴتوراعاسىنىڭ ورىنباسارى ۆلاديمير بوجكو، سەناتورلار گەورگيي كيم، ەدىل مامىتبەكوۆ جانە نۇرجان نۇرسيپاتوۆ قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي