BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قاراعاندى وبلىسىنىڭ تۇرعىندارى سەناتورعا جەرگىلىكتى جەردەگى ماسەلەلەر تۋرالى ايتتى

سەنات دەپۋتاتى رىسقالي ابدىكەروۆ قاراعاندى ​​وبلىسىنداعى وساكاروۆ جانە نۇرا اۋداندارىندا جۇمىس ساپارىمەن بولدى. بۇل تۋرالى قر پارلامەنتى سەناتىنىڭ ٴباسپاسوز قىزمەتى ٴمالىم ەتتى، دەپ حابارلايدى baq.kz اقپارات اگەنتتىگى.

سەناتور وساكاروۆ اۋىلىندا الەۋمەتتىك نىسانداردى ارالادى جانە اۋدان تۇرعىندارىمەن كەزدەستى. ر.ابدىكەروۆ «نۇرلى جەر» باعدارلاماسىنىڭ اياسىندا سالىنىپ جاتقان جاڭا تۇرعىن ٴۇي كەشەنىنىڭ قۇرىلىس الاڭىندا بولدى. بيىلعى قاراشا ايىندا 18 پاتەرلى ەكى قاباتتى ٴتورت تۇرعىن ٴۇيدى پايدالانۋعا بەرۋ جوسپارلانىپ وتىر. دەپۋتات جاڭا «نۇراي» بالالار باقشاسىندا دا بولدى.

وساكاروۆ اۋدانىنىڭ تۇرعىندارىمەن كەزدەسۋ بارىسىندا سەناتور زاڭناماداعى وزگەرىستەر تۋرالى اڭگىمەلەدى. اتاپ ايتقاندا، ىشكى ىستەر ورگاندارى سالاسىنا قاتىستى زاڭدارعا وراي الداعى وزگەرىستەر تۋرالى ٴسوز بولدى. رەسپۋبليكالىق ماڭىزى بار «قاراعاندى-پاۆلودار» اۆتوموبيل جولى مەن وبلىس ىشىندەگى جولداردى جوندەۋ تۋرالى ماسەلە كوتەرىلدى. اۋدان اكىمى نۇركەن كوبجانوۆ 2019 جىلى وبلىستىق ماڭىزى بار «وساكاروۆ-مولودەجنىي» اۆتوموبيل جولىن جوندەۋ جۇمىستارى باستالاتىنى تۋرالى حاباردار ەتتى.

ر.ابدىكەروۆ نۇرا اۋىلىندا اۋدان اكتيۆىمەن كەزدەسۋ وتكىزدى. پارلامەنت دەپۋتاتى ەلباسىنىڭ «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىن ىسكە اسىرۋ جونىندەگى الداعى مىندەتتەر تۋرالى اڭگىمەلەدى.

اۋدان ورتالىعىندا ازاماتتاردى قابىلداۋ ۇيىمداستىرىلىپ، جەرگىلىكتى تۇرعىندار وزدەرىنىڭ پروبلەمالارىن ايتتى جانە ۇسىنىستارىمەن ٴبولىستى. اتاپ ايتقاندا، نۇرا اۋىلىنداعى سۋ قۇبىرلارىن جوندەۋ جۇمىستارىنىڭ ۇزاققا سوزىلۋىنا جانە اۆتوموبيل جولدارىنىڭ كۇردەلى جاعدايىنا بايلانىستى اۋىل تۇرعىندارى الاڭداۋشىلىق ٴبىلدىردى. سونداي-اق، اۋدانداعى سپورتتىق-ساۋىقتىرۋ ورتالىعىنىڭ قۇرىلىسىن سالۋ تۋرالى ماسەلە دە كوتەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي