BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

«قانشا ەمشى بار؟» دەپۋتات ٴداستۇرلى ەمەس مەديسينانى باقىلاۋعا الۋعا شاقىردى

فوتو: ашық дереккөзден

استانا، baq.kz ٴتىلشىسى. ٴماجىلىس دەپۋتاتى احمەد مۋرادوۆ ٴداستۇرلى ەمەس مەديسينا قىزمەتىن باقىلاۋعا الۋعا شاقىردى.

«ٴداستۇرلى ەمەس مەديسينا ماسەلەسىن كوتەرگىم كەلەدى. ول – قىتاي، يسلام، قاسيەتتى سۋ، شيپالى بالشىق. مەن اتالعان ادىسپەن «ەمدەلگەن» ادامدارمەن كەزدەستىم. بۇل سالادا ەشقانداي باقىلاۋ جوق. مۇندا اقشا اينالىمى قانداي دەڭگەيدە ەكەنىن بىلەسىزدەر مە؟ ٴبىراق (ازاماتتار – اۆتور) قوماقتى اقشا تولەپ وتىر. ناتيجەسى دە كوڭىلدەن شىقپايدى. ەشنارسە ناتيجەسىن بەرمەگەن سوڭ، ازاماتتار كەپىلدەندىرىلگەن مەديسينالىق قىزمەتتىڭ كومەگىنە جۇگىنەدى. مۇمكىن، بىزگە جاعدايدى وزگەرتۋ كەرەك شىعار؟»، - دەدى دەپۋتات ٴماجىلىس وتىرىسىندا.

سونىمەن قاتار احمەد مۋرادوۆ ەلىمىزدە قانشا ەمشى بار ەكەنىن، ولاردىڭ قانشا ادامدى ەمدەپ جازعانىن ەشكىم بىلمەيتىنىن اشىق ايتتى.

«مۇمكىن بۇل كوممەرسيالىق ۇيىمداردى باقىلاپ وتىرعان ورگاندارعا بەرىلگەن ەرەكشە قۇزىرەت پە؟ بىزدە قانشا ەمشى بار؟ ولاردىڭ كورسەتكىشتەرى قانداي؟ ولار تۋرالى ستاتيستيكا قايدا كەلىپ جاتىر؟ سايتتاردا ولار بارلىق اۋرۋدى ەمدەي الادى دەپ كورسەتىلگەن جانە قىزمەت كورسەتۋ باعاسى دا وتە قىمبات. الايدا ( ەمشى – اۆتور) قازاقستان دا عانا ەمەس، الەمدە بار»، - دەدى ول.

وسى ورايدا احمەد مۋرادوۆ دەنساۋلىق ساقتاۋ مينيسترلىگى جانە اتالعان سالاعا جاۋاپتى ورگاندارعا بۇل ماسەلەگە نازار اۋدارۋعا شاقىردى.

«مۇندا ازاماتتاردان «بارلىعى جاقسى بولادى» دەپ دۋا وقۋ ارقىلى اقشا الىپ وتىر. وكىنىشكە قاراي، ناتيجە جوق. رەسمي مەديسينامەن سوتتاسۋعا بولادى، ٴبىراق بۇلارمەن ( ٴداستۇرلى ەمەس مەديسينا وكىلدەرىمەن – اۆتور) ولاي ىستەي المايسىڭ. مۇنى زەرتتەۋ كەرەك»، - دەدى دەپۋتات.

سونىمەن قاتار اتالعان ماسەلەگە قاتىستى ٴماجىلىس ٴتوراعاسى نۇرلان نىعماتۋلين دە ٴوز پىكىرىن ٴبىلدىردى.

«مەنىڭ ويىمشا، مۇندا ادامنىڭ ىشكى مادەنيەتىن دە ەسەپكە الۋ كەرەك. ازامات xxi عاسىردا اتالعان جارناماداعى ايلا-امالداردىڭ داۋرەنى وتكەنىن ٴتۇسىنۋى قاجەت. كەزىندە ولار (ەمشىلەر – اۆتور) ٴبۇتىن ٴبىر ستاديوندى جينادى. تەلەۆيزور الدىندا حالىقتىڭ جارتى بولىگى بانكىنى زاريادتادى عوي. مۇنىڭ بارلىعى ٴوتتى. ازامات بارلىعى تۇرمىس داستۇرىنە بايلانىستى ەكەنىن ٴتۇسۋىنۋ شارت»، - دەدى ٴتوراعا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي