BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ەلىمىزدىڭ مىڭداعان ازاماتىنا بوتەن مۇلىك ٴۇشىن ايىپپۇل سالىنعان – دەپۋتات

استانا، baq.kz ٴتىلشىسى. ەلىمىزدىڭ مىڭداعان ازاماتىنا مۇلىك سالىعىن كەشىكتىرىپ تولەگەنى ٴۇشىن ايىپپۇل سالىنعان. ال بۇنداي مۇلىك ولاردا ەشقاشان بولماعان. قازاقستاندىقتار وسىنداي سالىقتارى جايلى سوت ورىنداۋشىلارىنان ٴبىلىپ وتىرعان.

دەپۋتات ەلىمىزدىڭ قارجى ٴمينيسترى ٴاليحان سمايىلوۆقا دەپۋتاتتىق ساۋال جولداپ، سالىق ۆەدومستۆولارىنداعى بىلىقتىڭ قۇربانىنا اينالعان قازاقستاندىقتاردىڭ جاعدايىن جەدەل تۇردە شەشۋدى سۇرادى.

«قازاقستاننىڭ مىڭداعان ازاماتىنا مۇلىك سالىعىن كەشىكتىرىپ تولەۋىنە بايلانىستى ايىپپۇل سالىنعان. ال ولاردا بۇل مۇلىك ەشقاشان بولماعان. بۇعان الماتىلىق باۋىرجان سۇلەيمەنوۆتىڭ جاعدايىن مىسالعا كەلتىرۋگە بولادى. جول ەرەجەسىن بۇزعانى ٴۇشىن ايىپپۇل تولەمەۋىنە بايلانىستى ونىڭ بانكتەگى شوتىن بۇعاتتاپ تاستاعان. ٴبىراق، ونىڭ اۆتوكولىگى بولماعان. كەيىن ايىپپۇلدىڭ باسقا ادامعا، شىمكەنت تۇرعىنىنا ارنالعانى انىقتالدى. جەكە سوت ورىنداۋشىنىڭ قاۋلىسىنا ونىڭ مالىمەتتەرىنىڭ ورنىنا باسقا اقپارات ەنگىزىلگەن. باۋىرجان سۇلەيمەنوۆتىڭ ٴجسن-ى بار قاۋلى ونىمەن تەگى ٴبىر 2018 جىلى 1 قاڭتاردا تۋعان ازاماتتىڭ اتىنا جازىلعان»، - دەدى حاحازوۆ.

دەپۋتات استانا تۇرعىنى اسەل سامەنوۆامەن بولعان جاعدايدى دا مىسالعا كەلتىردى. ول وزىندە 223 اۆتوكولىكتىڭ بار ەكەنىن انىقتاعان. سوت ونىڭ بارلىق شوتتارى مەن كارتالارىن بۇعاتتاپ، وعان وزىندە جوق كولىكتەر ٴۇشىن سالىق تولەۋدى مىندەتتەگەن. ۇزاق داۋ-دامايدان كەيىن دە ايەلدە ٴقازىر 10 اۆتوكولىك قالىپ وتىر.

ماجىلىسمەننىڭ ايتۋىنشا، سالىق زاڭناماسىنا ساي، سالىق تولەمەگەن جەكە تۇلعاعا الدىن الا ەسكەرتۋ حات جىبەرىلەدى، تولەمەسە، سايكەس بۇيرىق شىعارىلۋى ٴتيىس.

«ال تاجىريبە جۇزىندە بولسا، ادامدار سالىق بەرەشەگى بار ەكەنىن سوت ورىنداۋشىلارىنان بىلەدى. بۇعان قوسا، ازاماتتار ولارعا كورسەتكەن قىزمەتى ٴۇشىن بەرەشەكتىڭ 3-25 پايىزىنا دەيىن تولەۋگە ٴتيىس»، - دەدى شاكير حاحازوۆ.

ٴماجىلىس دەپۋتاتى سالىق ورگاندارىندا ٴاردايىم ۇزىن-سونار كەزەك قالىپتاساتىنىن دا اتاپ ٴوتتى.

«ادامدار ول جەردە ساعاتتاپ تۇرادى. اقپاراتتىق جۇيەگە قوماقتى قارجى بولىنسە دە، حالىقتىڭ پروبلەماسى شەشىلمەي تۇر. سيرفلاندىرۋ زامانىندا بۇنداي جاعدايعا جول بەرمەۋ كەرەك»، - دەدى ماجىلىسمەن.

ول قارجى ٴمينيسترى ٴاليحان سمايىلوۆقا سالىق بازاسىندا قاتەنىڭ كوپتىگىن جانە سالىق ورگاندارى لاۋازىمدى تۇلعالارىنىڭ جاۋاپكەركەشىلىككە تارتىلمايتىنىن ايتىپ، وسى سالاداعى ماسەلەلەردى شەشۋدى سۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي