BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

دەپۋتاتتار جاڭادان اشىلعان it ورتالىعىنىڭ جۇمىسىمەن تانىستى

ٴماجىلىستىڭ حالىقارالىق ىستەر، قورعانىس جانە قاۋىپسىزدىك كوميەتىنىڭ ٴتوراعاسى مۇحتار ەرمان مەن دەپۋتات سەرگەي زۆولسكييدىڭ سولتۇستىك قازاقستان وبلىسىنداعى جۇمىس ساپارى اياسىندا پەتروپاۆل قالاسىنداعى وقۋشىلار سارايىنىڭ قۇرىلىس جۇمىسىمەن تانىستى، دەپ حابارلايدى baq.kz اقپارات اگەنتتىگى.

جاڭا وقۋشىلار سارايى 1800 بالاعا ەسەپتەلگەن، ونىڭ سالىنۋ مەرزىمى وسى جىلدىڭ قىركۇيەك ايىنا جوسپارلانعان. نىساننىڭ باستى ماقساتى – بالالاردىڭ جوبالاۋ-زەرتتەۋ قىزمەتىن جانە عىلىمي-تەحنيكالىق شىعارماشىلىعىن دامىتۋ بولىپ تابىلادى. وقۋشىلار سارايىنىڭ بازاسىندا it ورتالىعى جۇمىس ىستەيتىن بولادى.

"وقۋشىلار سارايىنىڭ بازاسىندا بولاشاق it ورتالىعىنىڭ تۇجىرىمداماسىندا 3 نەگىزگى مىندەت انىقتالدى. ٴبىرىنشىسى - بالالاردى زاماناۋي اقپاراتتىق تەحنولوگيالار الەمىنە، ٴىت كاسىپكەرلىككە جانە تاجىريبەلى ٴىت ماماندارمەن كوممۋنيكاسياعا كوشىرۋ. ەكىنشىدەن، «پروگرەسسيۆتى» اتا-انا مەن دارىندى بالالاردىڭ دوستاستىعى قالىپتاسادى. سونىمەن ٴبىز اتا-انالارعا زاماناۋي تەحنولوگيالاردى ساۋاتتى پايدالانا الاتىن بالالاردى تاربيەلەۋگە كومەكتەسەتىن بولامىز»، - دەدى ورتالىق ديرەكتورى دينا ٴابىلماجىنوۆا.

ورتالىقتا بالالاردى ٴتيىمدى وقىتۋ ٴۇشىن زەرتحانالار جۇمىس ىستەيتىن بولادى. ولار ونەركاسىپتىك ينتەرنەت-زاتتار زەرتحاناسى، روبوتوتەحنيكا جانە مەحاترونيكا مەن درون جيناۋ جانە ەلەكترونيكا مەن ەلەكتروتەحنيكا كابينەتتەرى، سونداي-اق، sdr راديو زەرتحاناسى، 3d-پروتوتيپ كابينەتى، ۆيرتۋالدى ناقتىلىق، باعدارلامالاۋ كابينەتتەرى بولادى.

بۇدان باسقا، ساراي بازاسىندا يننوۆاسيالىق كوۆوركينگ-ايماعى بولادى. وندا سويلەسۋ بولمەلەرى، سمارت وفيستەر، كومپيۋتەرلەندىرىلگەن ايماقتار قامتىلادى. سوڭداي-اق، سارايدا كوركەمدىك-ەستەتيكالىق باعىتتاعى شىعارماشىلىق ايماعى قاراستىرىلعان. وندا بالالار حورەوگرافيا، تەاتر جانە ۆوكالدىق داعدىلاردى ۇيرەنەدى.

"وقۋشىلار سارايى مەن جوعارى تەحنولوگيالىق بازاسى بار بىرەگەي it ورتالىعى بالالار مەن جاستاردىڭ ينتەللەكتۋالدى دامۋىنىڭ وشاعى بولىپ تابىلادى. مۇندا عىلىمي جانە شىعارماشىلىق قىزمەت ٴۇشىن ەڭ جاقسى جاعدايلار جاسالادى. مەملەكەت باسشىسى بۇل تۋرالى ٴوزىنىڭ «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىندا ايتقان بولاتىن"، - دەدى ٴماجىلىس دەپۋتاتى مۇحتار ەرمان.

سونداي-اق، دەپۋتات بۇگىنگى تاڭدا «نۇر وتان» پارتياسىنىڭ جاستارعا باعىتتالعان جاڭا جوبالارى بار ەكەنىنە، ول ەلىمىزدەگى كوپتەگەن تالانتتى جاستاردىڭ ٴوز الەۋەتىن جان-جاقتى ىسكە اسىرۋعا مۇمكىندىك بەرەتىنىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي