BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

دەنساۋلىق ساقتاۋ مينيسترلىگى بيۋدجەت قاراجاتىنىڭ يگەرىلمەۋى بويىنشا كوش باسىندا تۇر – سەناتور

قر پارلامەنت سەناتىنىڭ دەپۋتاتى دينار نۇكەتايەۆا دەنساۋلىق ساقتاۋ مينيسترلىگىنىڭ الەۋمەتتىك بلوك مينيسترلىكتەرى اراسىندا بيۋدجەت قاراجاتىنىڭ يگەرىلمەۋى بويىنشا ٴبىرىنشى ورىندا تۇرعانىن ايتتى، دەپ حابارلايدى baq.kz ٴتىلشىسى.

«بۇل سوما 4 ملرد 146 ملن تەڭگەدەن اسادى. الايدا مينيسترلىك ستراتەگيالىق جوسپاردىڭ ناقتى ماقساتتارىنا قوعامدىق دەنساۋلىق ساقتاۋ، مەديسينالىق كومەكتىڭ قولجەتىمدىلىگىن جاقسارتۋ بويىنشا مىندەتتەردى تولىق كولەمدە ىسكە اسىرا المادى. دەنساۋلىق ساقتاۋ ۇيىمدارىن مەديسينالىق تەحنيكامەن، قۇرال-جابدىقتارمەن جابدىقتاۋ قاجەتتى دەڭگەيگە جەتكەن جوق. اۋىل مەديسيناسىنىڭ ماسەلەسى تومەن دەڭگەيدە شەشىلۋدە: ينفراقۇرىلىم مەن ماتەريالدىق بازاسى ٴالسىز. مەديسينا قىزمەتكەرلەرىنىڭ جەتىسپەۋى، كادرلىق تۇراقتاماۋى، دارى-دارمەكپەن تولىق جانە ۋاقىتىلى قامتاماسىز ەتىلمەۋى جانە ت.ب ماسەلەلەر»، - دەدى سەناتور نۇكەتايەۆا.

ول دەنساۋلىق ساقتاۋ ٴمينيسترى ەلجان ٴبىرتانوۆتان نەلىكتەن اتالعان ۆەدومستۆونىڭ بيۋدجەت قاراجاتىن يگەرمەۋ بويىنشا كوشباسشىلار قاتارىنا تۇسكەنىن سۇرادى.

«2017 جىلدىڭ قورىتىندىسى بويىنشا مينيسترلىكتە 4،1 ملرد تەڭگە يگەرىلمەدى. جالپى بيۋدجەتتىڭ ورىندالۋى 98،4 ملرد بولسا دا 2-3 ەڭ ۇلكەن جوبا بويىنشا: 4،1 ميللاردتان 3،2 ملرد بۇل دۇنيەجۇزىلىك بانك جوباسى نەگىزىندە ەنگىزىلىپ جاتقان ينفراقۇرىلىم جوباسى، ول بۇكىل اقپاراتتىق جۇيەلەردى ينتەگراسيالاۋ پلاتفورماسى. بۇل جوبا بويىنشا ٴبىز حالىقارالىق كونكۋرس وتكىزىپ، ericsson nikola tesla كومپانيامەن 2015 جىلى كەلىسىمشارتقا قول قويعانبىز. ٴبىراق ۋاقىتىلى ورىندالماعان سوڭ بىلتىرعى جىلدىڭ ورتاسىنا دەيىن شەشىم قابىلداپ ٴارى قاراي جىلجىتتىق. قازىرگى كۇندە جۇمىستار اياقتالۋدا»، - دەدى مينيستر.

ٴبىرتانوۆ جىل سايىن شەتەلگە ناۋقاستاردى جىبەرۋ باعدارلاماسى بويىنشا بيۋدجەتتىڭ يگەرىلمەۋى بولاتىنىن اتاپ ٴوتتى.

«30 ناۋقاستى ەمدەۋ اياقتالماعان سوڭ 623 ملن تەڭگە شەتەلدە ەمدەۋ باعدارلاماسى بويىنشا يگەرىلمەدى. سەبەبى ناۋقاستاردى شەتەلگە جىل اياعىندا جىبەرگەندە شەتەلدىك كلينيكالارعا تولەم ەمدەۋ بىتكەننەن كەيىن عانا جىبەرىلەدى. 287 ملن اقشا رەسپۋبليكالىق سانيتارلىق اۆياسيا بويىنشا ۇنەمدەۋ بولدى دەپ ايتامىز. سەبەبى وسىنداي قىزمەتتەر كورسەتپەگەن سوڭ وسى سوما يگەرىلمەدى»، - دەدى ٴبىرتانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي