BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

داريعا نازاربايەۆا: تەگىن دارىلەردى ساتقان ٴدارىحانالاردىڭ جۇمىسىن توقتاتۋ كەرەك

فوتو: ашық дереккөзден

استانا، baq.kz ٴتىلشىسى. سەناتور داريعا نازاربايەۆا قر دەنساۋلىق ساقتاۋ ٴمينيسترى ەلجان ٴبىرتانوۆقا جولداعان دەپۋتاتتىق ساۋالىندا دارى-دارمەك ماسەلەسىن كوتەردى.

«بۇقارالىق اقپارات قۇرالدارىندا قازاقستاندىق ٴدارىحانالار وزىنە تاۋەلدى ەتەتىن دارىلەردى ەركىن ساتادى دەگەن ماسەلە بىرنەشە رەت قوزعالعان بولاتىن. ولار ەسىرتكى سياقتى اسەر ەتەدى. سونداي پرەپاراتتاردىڭ ٴبىرى - ترامادول. ادەتتە، بۇل ٴدارىنى 14-18 جاستاعى جاستار ساتىپ الادى. ناركولوگ-دارىگەرلەردىڭ پىكىرىنشە، ترامودول مورفين دەگەن ەسىرتكىگە ۇقساس. بۇل پرەپاراتتى ۇلكەن كولەمدە قابىلداۋ ادامدى ماسايتادى. كەيىننەن ترامادول تاۋەلدىلىككە اكەلىپ، اعزانى قيناپ، ميداعى وزگەرىستەرگە اكەلەدى، باۋىردى بۇزادى. بۇل دارىلىك زات رەسەپت بويىنشا ساتىلاتىندار قاتارىنا قوسىلعانىمەن، تاجىريبە جۇزىندە ٴدارىحانالار ولاردى ەركىن ساتا بەرەدى»، - دەدى نازاربايەۆا.

سەناتور ەلجان ٴبىرتانوۆتىڭ 2018 جىلعى 2 قازاندا ۇكىمەت وتىرىسىندا ايتقان ٴسوزىن ەسكە سالدى.

«ٴسىز ناۋقاستارعا تەگىن بەرىلۋى ٴتيىس دارى-دارمەكتىڭ 40% ٴدارىحانالاردا ساتىلاتىنىن جانە دارىلەردى رەسەپتسىز ساتۋ ۇلكەن پروبلەماعا اينالعانىن ايتقان بولاتىنسىز. ٴدارىحانا قىزمەتكەرلەرى پرەپاراتتاردى وزدەرى بەلگىلەپ، ساتادى. ولاردىڭ قاتارىندا اسەرى كۇشتى دارىلەر دە بار. سونداي-اق، ٴدارىحانالار شاعىن جانە ورتا بيزنەس سۋبەكتىلەرى بولعاندىقتان بيلىك ولاردى باقىلاي المايتىنىن دا مويىنداعان ەدىڭىز»، - دەدى داريعا نازاربايەۆا.

دەپۋتات ٴوز ساۋالىندا ٴبىرتانوۆتان مينيسترلىك تەگىن بەرىلۋى ٴتيىس پرەپاراتتاردىڭ ٴدارىحانالارعا ٴتۇسۋىنىڭ الدىن الۋ مەن دارى-دارمەكتىڭ رەسەپتسىز ساتىلۋ پروبلەماسىن شەشۋ ٴۇشىن قانداي شارالار قابىلداپ جاتقانان سۇرادى.

سەناتوردىڭ ايتۋىنشا، ٴدارىحانالاردى تەكسەرىستەر جاساۋعا تىيىم سالىنعان شاعىن جانە ورتا بيزنەس سۋبەكتىلەرى تىزىمىنەن الىپ تاستاۋ ماسەلەسىن قاراستىرۋ كەرەك. سونداي-اق، تەگىن دارىلەردى زاڭسىز ساتىپ، پرەپاراتتاردى رەسەپتسىز وتكىزگەن ٴدارىحانا يەلەرى ٴۇشىن اكىمشىلىك جاۋاپكەرشىلىكتى جۇمىسىن توقتاتىپ، ليسەنزياسىن قايتارىپ الۋعا دەيىن كۇشەيتۋ ماسالەسىن قاراۋ قاجەت.

بۇعان دەيىن قر دەنساۋلىق ساقتاۋ ٴمينيسترى ەلجان ٴبىرتانوۆ دارى-دارمەكتى رەسەپتسىز ساتۋعا تىيىم سالىناتىنىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي