BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

داريعا نازاربايەۆا كەدەندەگى كولەڭكەلى بيزنەس پەن جەمقورلىق ماسەلەسىن كوتەردى

استانا، baq.kz ٴتىلشىسى. بۇگىن قر پارلامەنتى سەناتىنىڭ دەپۋتاتى داريعا نازاربايەۆا جوعارعى پالاتا وتىرىسىندا كەدەن ورگاندارىنداعى سىبايلاس جەمقورلىق ماسەلەسىن كوتەردى.

سەناتور قر پرەمەر-مينيسترىنىڭ ورىنباسارى ەربولات دوسايەۆقا دەپۋتاتتىق ساۋال جولدادى.

«بۇقارالىق اقپارات قۇرالدارىندا «قازاقستاننىڭ كەدەن سالاسىنداعى سىيبايلىس جەمقورلىق» تاقىرىبىندا transparency kazakhstan قوعامدىق قورى جۇرگىزگەن زەرتتەۋ ناتيجەلەرى جاريالاندى. 2013-2017 جىلدارداعى كەزەڭدە قازاقستاننىڭ ەاەو-عا كىرمەيتىن 10 ەلمەن تاۋار اينالىمىنىڭ ستاتيستيكالىق دەرەكتەرى مەن قازاقستاننىڭ ازيا، اقش، ەۋروپا ەلدەرىمەن سىرتقى ساۋدا ستاتيستيكالىق مالىمەتتەرىن سالىستىرۋ ۇلكەن سايكەسسىزدىكتى كورسەتتى. زەرتتەۋ قورىتىندىسىندا قازاقستانعا جەتكىزىلەتىن تاۋارلاردىڭ تەك 10 % - 45%-نا كەدەندىك باج سالىعى سالىنادى دەلىنگەن. بۇل مەملەكەتتىك بيۋدجەتتىڭ شىعىنىنا اكەلەدى. زەرتتەۋ ناتيجەسىندە دەرەكتەردىڭ 50% استام سايكەسسىزدىگى قازاقستاننىڭ كەدەن ورگاندارىندا اقشا بوپسالاۋ، پارا بەرۋ سەكىلدى سىبايلاس جەمقورلىق بەلگىلەرى بار ەكەنىن بىلدىرەدى دەلىنگەن. ماسەلەن، قحر-مەن تاۋار اينالىمىندا ستاتيستيكالىق مالىمەتتەر 11 تاۋار توبى بويىنشا 50%-دان استامعا ازايتىلعان. قىتايدان اكەلىنەتىن تاۋارلاردىڭ 60%-دان 90%-عا دەيىن كونتراباندالىق سانالادى. ولار «كيىم-كەشەك»، «جيھاز»، «توسەك جابدىقتارى»، «ويىنشىقتار»، «جەمىس-جيدەك پەن كوكونىس» توپتارىنداعى تاۋارلار»، - دەدى نازاربايەۆا.

سەناتوردىڭ ايتۋىنشا، قازاقستاننىڭ كەدەن ورگاندارى اقش، وڭتۇستىك كورەيا، جاپونيا، پاكىستان، ۇلىبريتانيا مەن باسقا دا ەلدەرمەن تاۋار اينالىمى بويىنشا ستاتيستيكالىق مالىمەتتەردى دۇرىس كورسەتپەيدى. بۇل ەلىمىزگە جالعان تاۋارلاردىڭ جەتكىزىلەتىنىنىڭ دالەلى.

«كەدەندىك اكىمشىلىكپەن بايلانىستى وسىنداي جاعداي كولەڭكەلى بيزنەس پەن سىبايلاس جەمقورلىقتىڭ قالىپتاسۋىنا اكەلەدى جانە ۇلت دەنساۋلىعى مەن قاۋىپسىزدىگىنە تىكەلەي ٴقاۋىپ توندىرەدى»، - دەدى داريعا نازاربايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي