BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

داريعا نازاربايەۆا ٴبىلىم باسقارمالارىن جابۋدى ۇسىندى

استانا، baq.kz. قر پارلامەنتى سەناتىنىڭ دەپۋتاتى داريعا نازاربايەۆا بۇكىل قازاقستان بويىنشا ٴبىلىم باسقارمالارىن جابۋ كەرەكتىگىن ايتتى.

سەناتوردىڭ ايتۋىنشا، بۇل ۇيىمدار ەندى قاجەت بولماي قالادى. سەبەبى ٴقازىر قازاقستاندىق مەكتەپتەر جان باسىنا شاققانداعى قارجىلاندىرۋعا كوشىپ جاتىر. بۇل ٴار مەكتەپكە ٴوز قورىن قۇرۋعا مۇمكىندىك بەرەدى. اتالعان قوردا دەمەۋشىلەر مەن دونورلاردىڭ بيۋدجەتتەن تىس قارجىلارى جيناقتالادى.

«بۇل جەردەگى ماسەلە تەك مەكتەپتىڭ ٴوز بەتىنشە ومىرگە دايىندىعى بولىپ تۇر. بۇنداي جۇيەدە وبلىستىق، اۋداندىق جانە قالالىق ٴبىلىم باسقارمالارى كەرەك بولماي قالادى. بۇل ماڭىزدى ماسەلە، سەبەبى مەكتەپ قارجىلاندىرىلادى، ال اقشا وسى ۇيىمداردا ۇزاق ۋاقىتقا قالىپ قويادى. اتالعان ۇيىمدار قالاعانىن ىستەيدى، ياعني قارجىنى بۇگىن نە ەرتەڭ بەرە الادى نەمەسە مەكتەپتەردەن ۇنەمدەپ، وقۋلىقتار نەمەسە جوندەۋ جۇمىستارىن تولىق قارجىلاندىرمايدى. وسىلايشا ولار «ەشتەڭە ەتپەيدى، اتا-انالارعا ايتىپ، اقشا جيناپ الاسىڭدار» دەيدى. ول جەردە زاڭ بۇزۋشىلىقتار كوپ، سوندىقتان بۇل ۇيىمداردىڭ قانشالىقتى قاجەت بولۋ-بولماۋى سۇراق بولىپ تۇر. مەن ولاردىڭ جابىلعانىن قولدايمىن. بۇل رەتتە جاقسى حالىقارالىق تاجىريبەنىڭ دە بار ەكەنىن ايتقىم كەلەدى»، - دەدى داريعا نازاربايەۆا پارلامەنت كۋلۋارىندا بەرگەن سۇحباتىندا.

سەناتوردىڭ ايتۋىنشا، بۇل شارا ٴبىلىم جانە عىلىم مينيسترلىگىنە ستاندارتتار مەن ەرەجەلەر ازىرلەۋ بارىسىندا بۇكىل ٴبىلىم پروسەسىن تىكەلەي باقىلاۋعا مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي