BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

بيۋدجەت تۇسىمدەرى ارتىعىمەن ورىندالدى – قارجى مينيسترلىگى

فوتو: azh.kz

قارجى ٴمينيسترى باقىت سۇلتانوۆ پارلامەنت سەناتىنىڭ وتىرىسىندا 2017 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرىن باياندادى، دەپ حابارلايدى baq.kz ٴتىلشىسى.

2017 جىلدىڭ قورىتىندىسى بويىنشا ەكونوميكانىڭ ٴوسۋ قارقىنى 4%-كە جەتتى. وعان، بىرىنشىدەن، مۇناي، مەتالل باعالارىنىڭ جوعارى كونيۋنكتۋراسى، يمپورت كولەمىنىڭ ٴوسۋى سياقتى سىرتقى ەكونوميكالىق فاكتورلار سەبەپ بولدى.

ەكىنشىدەن، ەل ەكونوميكاسىنىڭ دامۋىنا جاعداي جاساۋعا باعىتتالعان سالىق جانە بيۋدجەت ساياساتى ٴوز اسەرىن تيگىزدى.

«2017 جىلى بيۋدجەتتىڭ تۇسىمدەرى 9 ترلن 799 ملرد تەڭگەنى قۇراپ، 101،1%-كە ارتىعىمەن ورىندالدى. سالىقتار 2016 جىلمەن سالىستىرعاندا 13%-كە ٴوستى، ياعني بيۋدجەتكە 4 ترلن 848 ملرد تەڭگە ٴتۇستى. شىعىستار جوعارى دەڭگەيدە 99،8%-كە يگەرىلىپ، 11 ترلن 156 ملرد تەڭگەگە اتقارىلدى. ەكونوميكانىڭ جەدەلدەتىلگەن تەحنولوگيالىق جاڭعىرتىلۋىن جانە ماكروەكونوميكالىق تۇراقتىلىقتى قولداۋ شارالارىن ىسكە اسىرۋعا بايلانىستى ولاردىڭ 2016 جىلمەن سالىستىرعاندا ٴوسۋ قارقىنى 31،2%ٴ-تى قۇرادى»، - دەدى سۇلتانوۆ.

ونىڭ ايتۋىنشا، الەۋمەتتىك سالاعا 4 ترلن تەڭگەگە جۋىق قاراجات بولىنگەن. بۇل جالپى بيۋدجەت شىعىستارىنىڭ 33،7%ٴ-ىن قۇراعان. ال، بانكتەردى ساۋىقتىرۋعا باعىتتالعان ٴبىر جولعى قاراجاتتى ەسەپكە الماعاندا الەۋمەتتىك شىعىستاردىڭ ۇلەسى الدىڭعى جىلمەن سالىستىرعاندا 39%-تەن 41،4%-كە دەيىن وسكەن.

«بيۋدجەت تاپشىلىعى 1 ترلن 357 ملرد تەڭگەنى قۇرادى. بۇل جوسپاردان 129 ملرد تەڭگەگە تومەن بولىپ جىو-گە شاققاندا 2،6% دەڭگەيىندە قالىپتاستى»، - دەدى مينيستر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي