BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

بيۋدجەت كىرىسى ٴالى دە بولسا شيكىزات سەكتورىنا تاۋەلدى – سۇلتانوۆ

فوتو: ult.kz

قارجى ٴمينيسترى باقىت سۇلتانوۆ پارلامەنت سەناتىنىڭ وتىرىسىندا قر ۇكىمەتىنىڭ جانە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2017 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبىن قاراۋ كەزىندە كوتەرگەن نەگىزگى ماسەلەلەر تۋرالى ايتىپ ٴوتتى، دەپ حابارلايدى baq.kz ٴتىلشىسى.

«ۇكىمەت ەسەبىن تالقىلاۋ كەزىندە بيۋدجەت كىرىسى ٴالى دە بولسا شيكىزات سەكتورىنا تاۋەلدىلىگى، سالىقتاردىڭ بازاسىن كەڭەيتۋ، سالىق تەكسەرۋلەرىنىڭ تيىمدىلىگى جانە ولاردى اكىمشىلەندىرۋدى جەتىلدىرۋ سياقتى جۇيەلى ماسەلەلەر كوتەرىلدى. بيزنەس جۇرگىزۋ ٴۇشىن جاسالعان قولايلى جاعدايدىڭ ارقاسىندا 2017 جىلى 72 مىڭعا جۋىق سالىق تولەۋشى ەكونوميكالىق اينالىمعا تارتىلدى. ال، شاعىن جانە ورتا بيزنەس سانى 6،4 %-كە، ياعني 12 117 زاڭدى تۇلعاعا ٴوستى»، - دەدى سۇلتانوۆ.

ول وتكەن جىلى ۇكىمەتتە «سالىقتاردىڭ ٴتۇسىمىن ارتتىرۋ» جوسپارى قابىلدانعانىن اتاپ ٴوتتى. ونى ىسكە اسىرۋدىڭ ناتيجەسىندە وتكەن جىلى ٴجىو شاققانداعى سالىقتىق تۇسىمدەردىڭ تومەندەۋ ترەندى كۇرت وزگەردى. ەگەر دە بۇل كورسەتكىش 2016 جىلى 15،2%-كە دەيىن تومەندەسە، ەسەپتى جىلى ول جوسپارداعى 15،8% ورنىنا 16،8%-تەن اسىپ ٴتۇستى.

«كولەڭكەلى ەكونوميكامەن كۇرەس شەڭبەرىندە جاناما سالىقتاردى اكىمشىلەندىرۋدى جاقسارتۋدا ٴبىراز جۇمىس اتقارىلۋدا. ماسەلەن، كەدەن سالاسىندا يمپورت وپەراسيالارىنىڭ ۋاقىتىن قىسقارتۋ ٴۇشىن «استانا-1» اقپاراتتىق جۇيەسى ىسكە قوسىلدى. تاۋار اينالىمىن جانە قوسىمشا قۇننىڭ ٴوسۋىن قاداعالاۋ ٴۇشىن پيلوتتىق رەجيمدە تاۋارلاردى تاڭبالاۋ جوباسى ىسكە اسىرىلۋدا. وسى جىلدىڭ تامىز ايىندا blockchain تەحنولوگياسىن قولدانا وتىرىپ، وسى سالىقتىڭ ورىندالۋىنىڭ ايقىندىعىن قامتاماسىز ەتەتىن جوبانىڭ تۇساۋكەسەرىن وتكىزگەلى وتىرمىز. جوبانىڭ ٴمانى – سالىق تولەۋشىلەردىڭ قارجىلىق ترانزاكسيالارىن ونلاين رەجيمىندە قاداعالاپ، ولارعا سالىقتى ۋاقىتىندا قايتارۋ»، - دەدى مينيستر سەنات وتىرىسىندا.

ونىڭ ايتۋىنشا، كۆازيمەملەكەتتىك سۋبەكتىلەردى ٴتيىمدى باسقارۋ اياسىندا ەكەنىن ايتتى تەرىس ناتيجە كورسەتكەن كومپانيالار سانى ازايعان. ولاردىڭ سانى 2014 جىلى 57-دەن 2016 جىلى 35-كە دەيىن ازايدى. سونداي-اق ول كومپانيالاردىڭ تەرىس ناتيجەدە جۇمىس اتقارۋىنىڭ نەگىزگى سەبەپتەرىن اتاپ ٴوتتى.

«بىرىنشىدەن، ٴبىرقاتار كومپانيالاردىڭ نەگىزگى قىزمەتتەرى قالىپتاسۋ كەزىڭىنەن وتۋدە، ياعني ينۆەستيسيالىق جوبالاردى جۇزەگە اسىرۋدا، الايدا وندىرىستىك قۋاتتىلىققا ٴالى شىقپاعان. ەكىنشىدەن، ٴبىراز كاسىپورىندار كiرiس ٴتۇسiرۋ نەگiزگi ماقساتى بولىپ تابىلمايتىن كوممەرسيالىق ەمەس ۇيىمدارعا جاتسا، كەيبىرى تومەندەتىلگەن تاريفتەرمەن قىزمەت كورسەتۋدە. ٴتيىستى مەملەكەتتىك ورگاندارمەن بىرلەسىپ وسى كومپانيالاردىڭ دامۋ باعدارلامالارىنداعى كورسەتكىشتەرىن تالداۋ ارقىلى شىعىندارىنىڭ سەبەپتەرىن انىقتاۋ جۇمىسى جۇرگىزىلۋدە. بۇل جۇمىس ۇكىمەت تاراپىنان باقىلاۋدا»، - دەدى قارجى ٴمينيسترى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي