BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

بيىل ەلىمىزدە تاركىلەنگەن جالعان بانكنوت سوماسى 18 ملن تەڭگەگە جۋىقتاعان - سەناتور

استانا، baq.kz ٴتىلشىسى. بۇگىن سەنات وتىرىسىندا دەپۋتات ۆلاديمير ۆولكوۆ جالعان ۆاليۋتا ماسەلەسىن كوتەردى. سەناتور قر پرەمەر-مينيسترى باقىتجان ساعىنتايەۆقا وسىعان قاتىستى ساۋال جولدادى.

ۆلاديمير ۆولكوۆ قازاقستاندىق ۆاليۋتانىڭ قورعانىسى جوعارى جانە ول قولدانىلاتىن تەحنولوگيالارى جاعىنان يننوۆاسيالىق بانكنوت سانالاتىنىن ايتتى.

«ٴقازىر قازاقستاندا ٴبىر ميلليون بانكنوتقا 3 جالعان اقشادان كەلەدى. رەسەيدە بۇل كورسەتكىش – 15، ەۋرووداق ەلدەرىندە وسى اراقاتىناس ەكى ەسە كوپ: ميلليون بانكنوتقا 30 جالعان اقشا. دەگەنمەن، قر قارجى مينيسترلىگى مەملەكەتتىك كىرىستەر كوميتەتىنىڭ مالىمەتىنشە، بيىل قازاقستاندا 7،9 ملن تەڭگە سوماسىنا 1451 جالعان بانكنوت جانە 10 ملن تەڭگەدەن استام سوماعا شەتەلدىك ۆاليۋتا تاركىلەنگەن. جالعان اقشا بىرلىگىنىڭ كوپ بولىگى الماتى قالاسىندا (776 نەمەسە 53،4%)، قىزىلوردا وبلىسىندا (190 نەمەەس 13%)، استانا قالاسىندا (134 نەمەسە 9%) جانە قاراعاندى وبلىسىندا (109 نەمەسە 7،5%) انىقتالعان»، - دەدى ۆولكوۆ.

دەپۋتات ٴجيى جاسالاتىن ۇلتتىق ۆاليۋتانى دا اتادى. ولار 10 000 تەڭگە - 531 دانا نەمەسە 36،5%، 2 000 تەڭگە - 527 دانا نەمەسە 36،3%، 1 000 تەڭگە - 89 دانا نەمەسە 6%، 5 000 تەڭگە - 72 دانا نەمەسە 4،9%، 20 000 تەڭگە - 53 دانا نەمەسە 3،6%.

سەناتوردىڭ ايتۋىنشا، قازىرگى زاماناۋي تەحنولوگيالار دامىعان كەزەڭدە كريمينالدىق توپتار جالعان اقشا جاساۋدى كاسىبي دەڭگەيگە جەتكىزىپ، جولعا قويىپ العان. سوندىقتان ٴتۇپنۇسقانى جالعان ۆاليۋتادان ايىرۋ بارعان سايىن قيىنداپ بارادى. ازاماتتاردىڭ كوبىندە ەشقانداي كۇدىك تە تۋىندامايدى. جالعان اقشا نەگىزىنەن ولاردىڭ جاساندى ەكەنىن انىقتايتىن قۇرىلعى جوق جەرلەر - دۇكەن، بازار جانە قوعامدىق ورىنداردا اينالىمدا جۇرەدى.

«وسىعان وراي، حالىقارالىق تاجىريبە مەن جاڭا تەحنولوگيالاردىڭ دامۋىن ەسكەرە وتىرىپ، اتالعان قۇقىق بۇزۋشىلىق تۇرىمەن كۇرەس شارالارىن كەڭەيتۋ قاجەت دەپ ەسەپتەيمىز»، - دەدى ۆلاديمير ۆولكوۆ.

اتاپ وتسەك، بيىلعى 15 قازاندا قازاقستاننىڭ ۇلتتىق ۆاليۋتاسى – تەڭگەگە 25 تولعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي