BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

بيىل 4 مىڭعا جۋىق اسكەري وتباسى باسپانالى بولادى

فوتو: akcent-media.tv

استانا، baq.kz ٴتىلشىسى. بۇگىن سەناتتا اسكەريلەردى باسپانامەن قامتۋ ماسەلەسى تالقىلاندى. قر قورعانىس ٴمينيسترىنىڭ ورىنباسارى تالعات جانجۇمەنوۆ بيىل قانشا اسكەري قىزمەتكەردىڭ باسپانالى بولاتىنىن ايتتى.

«ٴتيىستى زاڭ جۇزەگە اسا باستاعان العاشقى كەزەڭدەردە «تۇرعىن ٴۇي قۇرىلىس جيناق بانكى» اق-تىڭ بەلسەندى كومەگىمەن، قارۋلى كۇشتەردىڭ 37 مىڭنان استام اسكەري قىزمەتكەرى جەكە ارنايى شوتتارىن اشتى. ٴقازىر شوتتارعا 30 ملرد تەڭگەدەن استام قارجى اۋدارىلعان. بيىلعى جىلى ەلىمىزدە تقجب ارقىلى شامامەن 2 335 اسكەري وتباسى جەڭىلدىگى بار يپوتەكا ارقىلى باسپانالى بولادى. ولار ٴۇيدى «5-5-25» باعدارلاماسى بويىنشا بۇگىنگى كۇنگى ەڭ تومەنگى پايىزدىق ستاۆكالاردىڭ بىرىمەن الادى»، - دەدى جانجۇمەنوۆ.

ۆيسە-مينيستردىڭ ايتۋىنشا، سونىمەن قوسا، 950 اسكەري قىزمەتكەر اقشالاي وتەماقى تولەمدەرىن الادى. جانە قىزمەتتىك باسپانا قورىن جەكەشەلەندىرۋ ارقىلى 482 اسكەري قىزمەتكەردى تۇرعىن ۇيمەن قامتاماسىز ەتۋ كوزدەلىپ وتىر. وسىلايشا، 2018 جىلى 4 مىڭعا جۋىق اسكەري وتباسى باسپانامەن قامتىلادى دەپ جوسپارلانۋدا.

«ٴوز كەزەگىندە، 2019 جىلى تەك اقشالاي وتەماقى تولەمدەرىمەن 695 وتباسىن قامتاماسىز ەتۋ كوزدەلگەن. سونىڭ ىشىندە قىزمەتىنەن كەتكەن كەزدە قىزمەتتىك باسپانا بەرىلمەگەن، قىزمەتتىك تۇرعىن ٴۇيىن جەكەشەلىندىرۋ قۇقىعىن پايدالانباعان جانە 2013 جىلعى 1 قاڭتاردان 2018 جىلعى 1 قاڭتار ارالىعىندا اسكەري قىزمەتتەن بوساتىلعان 76 اسكەري زەينەتكەر بار»، - دەدى تالعات جانجۇمەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي