BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

بعم ٴۇش اۋىسىمدى مەكتەپتەر ماسەلەسىن قالاي شەشەدى؟

استانا، baq.kz ٴتىلشىسى. قر پارلامەنتى سەناتىنداعى ۇكىمەت ساعاتىندا ٴبىلىم جانە عىلىم ٴمينيسترىنىڭ ورىنباسارى ەلميرا سۋحانبەرديەۆا ەلىمىزدەگى اپاتتى جانە ٴۇش اۋىسىمدى مەكتەپتەردىڭ ماسەلەسى قالاي شەشىلەتىنىن ٴمالىم ەتتى.

ۆيسە-مينيستر ٴبىلىم سالاسىنداعى وزەكتى پروبلەمالاردىڭ ٴبىرى – اپاتتى جانە ٴۇش اۋىسىمدى مەكتەپتەر ەكەنىن مويىندادى.

«اپاتتى مەكتەپتەردىڭ قاتارىندا پايدالانۋ مەرزىمى اياقتالىپ كەلە جاتقان ٴبىلىم وردالارى قوسىلۋدا. ەلىمىزدەگى 82% مەكتەپ 1991 جىلعا دەيىن، ال 34% مەكتەپ 1971 جىلعا دەيىن تۇرعىزىلعان. ٴۇش اۋىسىمدى مەكتەپتەردىڭ پروبلەماسى ەكونوميكالىق، دەموگرافيالىق جانە ميگراسيالىق پروسەستەرگە بايلانىستى بولىپ وتىر»، - دەدى ول.

وسى ورايدا ەلميرا سۋحانبەرديەۆا اتالعان ماسەلەنى شەشۋ ٴۇشىن ەلىمىزدە جىل سايىن 100-دەن استام مەكتەپ سالىناتىن جەتكىزدى.

«بيىل 53 ملرد تەڭگەگە 108 مەكتەپ سالىنىپ جاتىر. 3 جىلدىق بيۋدجەتتە 97 ملرد تەڭگەگە 73 جاڭا مەكتەپتىڭ قۇرىلىسى قولداۋ تاپتى. ونىڭ ىشىندە 50 ملرد تەڭگەگە 34 مەكتەپ بار. ٴۇش اۋىسىمدى مەكتەپ ماسەلەسىن شەشۋ ٴۇشىن 33 مەكتەپ سالىنۋدا. تاعى 30 مەكتەپ الداعى 3 جىلدا سالىنادى. ونىڭ 19-ى بولىنگەن 50 ملرد تەڭگەگە سالىنادى. ولاردىڭ قۇرىلىسى رەسپۋبليكالىق بيۋدجەت ەسەبىنەن قارجىلاندىرىلادى 41 مەكتەپتى جەرگىلىكتى ورگاندار تۇرعىزادى. ال 9 مەكتەپتى جەكە-مەنشىك ينۆەستورلاردىڭ كومەگىمەن سالامىز دەپ جوسپارلادىق»، - دەدى ٴمينيستردىڭ ورىنباسارى.

سۋحانبەرديەۆانىڭ ايتۋىنشا، اپاتتى مەكتەپتەردىڭ ورنىنا 13 وبەكتى سالىنادى.

«ونىڭ التاۋى جاقىن جىلدارى، قالعان بەسەۋى رەسپۋبليكالىق بيۋدجەتتەن بولىنەتىن 50 ملرد تەڭگەگە سالىنادى. 12 مەكتەپتى جەرىگىلىكتى ورگاندار تۇرعىزادى. وسىلايشا، اتالعان ماسەلە تولىعىمەن شەشىلەدى»، - دەپ تۇيىندەدى ٴسوزىن ۆيسە-مينيستر.

ايتا كەتەيىك، وسىعان دەيىن قر ٴبىلىم جانە عىلىم مينيسترلىگى ٴمۇعالىم مارتەبەسى تۋرالى زاڭدى دايىنداۋعا كىرىسكەنىن، بيىل قانشا ۇستازدىڭ جالاقىسى وسكەنىن جانە 5 مىڭعا جۋىق ۇستازدىڭ ٴتورت ٴپاندى اعىلشىن تىلىندە وقىتىپ جۇرگەنىن جازعانبىز. سونداي-اق 2019 جىلدان باستاپ ينفورماتيكا ٴپانى 1-سىنىپتان وقىتىلاتىنىن، مەكتەپتەردە جاڭا كۋرس ەنگىزىلەتىنىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي