BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

بانكتەر قارىز الۋشىنىڭ جاعدايىن تۇسىنۋگە تىرىسپايدى – دەپۋتات

فوتو: Спутник

ەلىمىزدەگى ەشبىر بانك قارىز الۋشىنىڭ باسىنا تۇسكەن پروبلەمالارىنا تۇسىنىستىكپەن قاراۋعا تىرىسپايدى. بۇل جونىندە ەلىمىزدەگى قىمبات كرەديتتەر ماسەلەسىن كوتەرگەن قر nurotantrends ديالوگ الاڭىندا پارلامەنتى ٴماجىلىسىنىڭ دەپۋتاتى يرينا سميرنوۆا مالىمدەدى، دەپ حابارلايدى baq.kz ٴتىلشىسى.

«بۇگىندە قارىز الۋشى بانكتەن ەشقانداي قولداۋ كورىپ وتىرعان جوق. ول بانكپەن بەتپە-بەت كەلىپ وتىر. ەشبىر بانك قارىز الۋشىنىڭ باسىنا تۇسكەن پروبلەمالارىنا تۇسىنىستىكپەن قاراۋعا تىرىسپايدى. بانك تەك ونىڭ دۇنيە-مۇلكىن تارتىپ الۋدان باسقا جول ىزدەپ وتىرعان جوق. مىسالى، ازامات تەحنيكالىق قىزمەت كورسەتۋ ورنىن اشقىسى كەلىپ، نەسيە الدى دەلىك. الايدا، ول تقو جۇمىسى العا باسپاي، تۇرالاپ قالدى دا، ول العان نەسيەسىن ۋاقىتىلى وتەي الماي قالدى. سوندا بانك قارىز الۋشى نەسيەنىڭ اي سايىنعى كولەمىن بەلگىلەنگەن مولشەردەن ازايتۋعا تىرىسۋدىڭ ورنىنا، ونىڭ بيزنەسىن تارتىپ الادى. ال قارىز الۋشى ودان ٴارى جۇمىس جاساعىسى كەلەدى، نەسيەنى تولەۋگە دە نيەتتى»، - دەدى دەپۋتات.

سونىمەن قاتار، سميرنوۆا بانكتەر تاراپىنان جالاقىدان قارىز سومانى ۇستاپ قالۋ جۇيەسىن دە سىنعا الدى.

«ٴىسىڭ وڭعا باسپاعان مۇنداي ازاماتتاردى جالاقى الۋ قۇقىعىنان دا ايىرادى. كۇنى كەشەگە دەيىن بانك ونىڭ جالاقىسىن پروسەنت كولەمىندە تاركىلەپ وتىردى. ٴقازىر بۇل مولشەر پروسەنتتى قۇراپ وتىر. ال ەگەر ونىڭ باسىندا ەكى نەسيە بولسا شە؟ ٴبىر بانك، 50%، ەكىنشىسى قالعان 50% الىپ وتىرادى. ال ونىڭ وتباسى، بالالارى بار ەمەس پە؟ولار جالاقى المايدى، بيزنەسىنەن ايىرىلادى، مەملەكەتتىك باعدارلامالارعا قاتىسۋ مۇمكىندىگىنسىز قالادى، پاتەرلەرىنەن قۋادى، ولار ۇنەمى دەپرەسسيادا جۇرەدى. كەيبىرى سوناۋ 2004 جىلدان بەرى وسىنداي كۇيدە ٴجۇر. ولاردىڭ سانى ميللونداعان ادامعا جەتتى دەپ ويلايمىن. ولار - ماسىل ەمەس، ولار الاياق ەمەس، بار بولعانى ٴوز بيزنەسىن قۇرۋعا ۇمتىلعان ازاماتتار»، - دەگەن دەپۋتات قازىرگى ۋاقىتتا قارالىپ جاتقان بانكروتقا ۇشىراۋ تۋرالى زاڭعا دا كوڭىلى تولمايتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي