BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

اتاۋلى الەۋمەتتىك كومەكتىڭ جۇزەگە اسۋ بارىسى تالقىلاندى

استانا، baq.kz ٴتىلشىسى. قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا ەلىمىزدە اتاۋلى الەۋمەتتىك كومەك قالاي كورسەتىلىپ جاتقانىن ايتىپ بەردى.

«2015 جىلعى قازاندا حالىقتى الەۋمەتتىك قورعاۋ ماسەلەلەرى بويىنشا زاڭ قابىلداندى، وعان سايكەس 2018 جىلعى 1 قاڭتاردا كۇنكورىسى تومەن وتباسىلارعا ارنالعان اتاۋلى الەۋمەتتىك كومەك كورسەتۋدىڭ جاڭا ٴتارتىبى ەنگىزىلدى. جاڭا ٴتارتىپ بويىنشا كومەك وتباسىلاردىڭ ەڭبەككە قابىلەتتى مۇشەلەرى مەملەكەت ۇسىناتىن جۇمىسپەن قامتۋعا جاردەمدەسۋدىڭ بەلسەندى شارالارىنا مىندەتتى تۇردە قاتىسقان كەزدە كورسەتىلەدى»، - دەدى ٴابىلقاسىموۆا ماجىلىستە ٴوتىپ جاتقان «اتاۋلى الەۋمەتتىك كومەكتى ىسكە اسىرۋ بارىسى تۋرالى» ۇكىمەت ساعاتىندا.

ٴمينيستردىڭ ايتۋىنشا، جاڭا فورماتتاعى اتاۋلى الەۋمەتتىك كومەكتە: بىرىنشىدەن، كوپ بالالى وتباسى ستاتۋسىن العاش رەت 2018 جىلعى 1 قاڭتاردان باستاپ العان كوپ بالالى وتباسىلار ٴۇشىن ارناۋلى مەملەكەتتىك جاردەماقىنى، سونداي-اق كۇنكورىسى تومەن وتباسىلاردىڭ 18 جاسقا دەيىنگى بالالارىنا بەرىلەتىن مەملەكەتتىك جاردەماقىنى 2018 جىلدان باستاپ الىپ تاستاۋ; ەكىنشىدەن، اتالعان جاردەماقى 2018 جىلعى 1 قاڭتارعا دەيىن تاعايىندالعان كوپ بالالى وتباسىلار ٴۇشىن ارناۋلى مەملەكەتتىك جاردەماقىنى ساقتاپ قالۋ; ۇشىنشىدەن، اتاۋلى الەۋمەتتىك كومەك كورسەتۋ ٴۇشىن كريتەرييدى، ياعني كەدەيلىك شەگىن ەڭ تومەن كۇنكورىس دەڭگەيىنىڭ 40%-نان 50%-عا دەيىن ۇلعايتۋ كوزدەلگەن.

«جاڭا فورماتتاعى اتاۋلى الەۋمەتتىك كومەك 2 تۇردە: شارتسىز جانە شارتتى اقشالاي كومەك تۇرىندە بەرىلەدى. شارتسىز اقشالاي كومەك ەڭبەككە قابىلەتسىز ازاماتتارى بار وتباسىلارعا بەرىلەدى جانە ولارعا جاردەماقى الۋ ٴۇشىن مىندەتتى تۇردە جۇمىسپەن قامتۋ شارالارىنا قاتىسۋ تالاپ ەتىلمەيدى. ال شارتتى اقشالاي كومەك وتباسىندا كەمىندە ەڭبەككە قابىلەتتى ٴبىر مۇشەسى بار وتباسىلارعا ارنالعان جانە وسىنداي وتباسى الەۋمەتتىك كەلىسىمشارت جاساپ، ونىڭ شارتتارىن ەرىكتى تۇردە ورىنداعان كەزدە كورسەتىلەدى»، - دەدى ٴمادينا ٴابىلقاسىموۆا.

ٴمينيستردىڭ مالىمەتىنشە، الەۋمەتتىك كەلىسىمشارت 6 اي مەرزىمگە جاسالادى، ونى قوسىمشا تاعى 6 ايعا ۇزارتۋ مۇمكىندىگى بەرىلەدى. الەۋمەتتىك كەلىسىمشارت بويىنشا مىندەتتەمەلەردى ورىنداماعان جاعدايدا، 7 جاسقا دەيىنگى بالانى باعۋمەن اينالىساتىن ٴبىر وتباسى مۇشەسىن جانە ستۋدەنتتەردى قوسپاعاندا، وتباسىنىڭ كامەلەتكە تولعان بارلىق مۇشەلەرىنە العاش رەت باس تارتقان كەزدە اقشالاي كومەك 50% ازايادى نەمەسە قايتا باس تارتقان كەزدە تولىعىمەن توقتاتىلادى.

«جاڭا فورماتتاعى اتاۋلى الەۋمەتتىك كومەك شەڭبەرىندە كۇنكورىسى تومەن ازاماتتاردى كەشەندى قولداۋ ٴپرينسيپى ەنگىزىلەدى: بىرىنشىدەن، بۇل اقشالاي تولەم; ەكىنشىدەن، جۇمىسپەن قامتۋعا جاردەمدەسۋ شارالارى، ياعني وقۋعا، جاستار پراكتيكاسىنا، الەۋمەتتىك جۇمىس ورىندارىنا جىبەرۋ، ميكروكرەديت بەرۋ; ۇشىنشىدەن، الەۋمەتتىك قىزمەتتەردىڭ كەپىلدىك بەرىلگەن كولەمى. سونىمەن قاتار، جاڭا فورماتتا اتاۋلى الەۋمەتتىك كومەك كورسەتۋ شەڭبەرىندە «ٴبىر تەرەزە» ٴپرينسيپى ەنگىزىلدى – ازامات نەمەسە وتباسى ٴبىر قۇجاتتار پاكەتىمەن ٴبىر ۇيىمعا: قالالاردا – حالىقتى جۇمىسپەن قامتۋ ورتالىعىنا، اۋىلداردا – اۋىلدىق وكرۋگتەردىڭ اكىمدەرىنە جۇگىنەدى»، - دەدى ٴمادينا ٴابىلقاسىموۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي