BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ٴايتىموۆا: نارىقتا جوعارى ساپالى ٴبىلىم بەرە الاتىن وقۋ ورىندارى عانا قالۋى ٴتيىس

استانا، baq.kz. پارلامەنت سەناتىنىڭ الەۋمەتتىك-مادەني دامۋ جانە عىلىمي كوميتەتى «نازاربايەۆ ۋنيۆەرسيتەتىنىڭ مارتەبەسى تۋرالى»، «نازاربايەۆ زياتكەرلىك مەكتەپتەرى» مەن «نازاربايەۆ قورى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جوعارى وقۋ ورىندارىنىڭ اكادەميالىق جانە باسقارۋ دەربەستىگىن كەڭەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدارىن ورىنداۋ ماسەلەلەرى بويىنشا كوشپەلى وتىرىس وتكىزدى.

پرەزيدەنت ن.نازاربايەۆتىڭ «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جانە «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» جولداۋلارىن ورىنداۋ اياسىندا وسى قۇجاتتاردى ىسكە اسىرۋ بارىسى قارالدى.

كوميتەت ٴتوراعاسى ٴبىرعانىم ٴايتىموۆا وتىرىستى اشا كەلىپ، پرەزيدەنت ٴوزىنىڭ قاڭتار ايىنداعى جولداۋىندا ٴبىلىم بەرۋ ىسىندە بارلىق جاستاعى ازاماتتاردى قامتيتىن ٴوزىمىزدىڭ وزىق جۇيەمىزدى قۇرۋ قاجەتتىگىن جانە ٴبىلىم بەرۋ باعدارلامالارىنىڭ نەگىزگى باسىمدىعى - وزگەرىستەرگە ۇنەمى بەيىم بولۋ جانە جاڭا ٴبىلىمدى مەڭگەرۋ قابىلەتىن دامىتۋ كەرەكتىگىن ايتقانىن اتاپ ٴوتتى.

سەناتوردىڭ ايتۋىنشا، ٴبىلىم بەرۋ باعدارلامالارىن ازىرلەۋ جانە جوعارى وقۋ ورىندارىنىڭ اكادەميالىق دەربەستىگىنىڭ قۇقىقتىق قامتاماسىز ەتۋ بويىنشا جوعارى وقۋ ورىندارىنىڭ قۇقىقتارىن كەڭەيتۋدى قاراستىراتىن زاڭ قابىلداندى.

ب.ٴايتىموۆا ەلباسى 2018 جىلعى 5 قازانداعى جولداۋىندا جوعارى وقۋ ورىندارىندا مامانداردى دايىنداۋعا قويىلاتىن تالاپتاردى ارتتىرۋعا ەرەكشە نازار اۋدارعانىن جانە ٴبىرقاتار مىندەتتەردى العا قويعانىن ەسكە سالدى.

«جوعارى وقۋ ورنىنىڭ تابىستىلىعىن باعالاۋدىڭ باستى كريتەرييى رەتىندە – وقۋ بىتىرگەن ستۋدەنتتەردىڭ جۇمىسپەن قامتىلۋى، جالاقىسى جوعارى جۇمىسقا ورنالاسۋى بولماق. جوعارى وقۋ ورىندارىن ىرىلەندىرۋ ساياساتىن جۇرگىزۋ قاجەت. نارىقتا جوعارى ساپالى ٴبىلىم بەرۋدى قامتاماسىز ەتەتىن وقۋ ورىندارى عانا قالۋى ٴتيىس. نازاربايەۆ ۋنيۆەرسيتەتىنىڭ تاجىريبەسىنە سۇيەنىپ، ۇزدىك شەتەلدىك توپ-مەنەدجەرلەردى جۇمىسقا تارتۋ ارقىلى الەمنىڭ جەتەكشى ۋنيۆەرسيتەتتەرىمەن ارىپتەستىك ورناتۋ ماڭىزدى» - دەدى ول.

شاراعا قاتىسۋشىلاردىڭ الدىندا نازاربايەۆ ۋنيۆەرسيتەتىنىڭ پرەزيدەنتى شيگەو كاتسۋ، نازاربايەۆ زياتكەرلىك مەكتەپتەرى باسقارماسىنىڭ ٴتوراعاسى كۇلاش شامشيدينوۆا، ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ پەن استانا مەديسينا ۋنيۆەرسيتەتىنىڭ رەكتورى ٴماجيت شايداروۆ ٴسوز سويلەدى.

ٴبىلىم جانە عىلىم ٴمينيسترىنىڭ ورىنباسارى اسحات ايماعامبەتوۆ "قازاقستان رەسپۋبليكاسىنىڭ كەيبىر زاڭنامالىق اكتىلەرىنە جوعارى وقۋ ورىندارىنىڭ اكادەميالىق جانە باسقارۋ دەربەستىگىن كەڭەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىن ىسكە اسىرۋ بارىسى تۋرالى حاباردار ەتتى.

كوشپەلى وتىرىس اياسىندا سەناتورلار نازاربايەۆ ۋنيۆەرسيتەتىنىڭ مەديسينا مەكتەبىندە جانە عىلىمي-زەرتحانا كەشەنىندە بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي