BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

«7-20-25» باعدارلاماسى بويىنشا بانكتەر 200 ملرد تەڭگە الادى

فوتو: ашық дереккөзден

قر ۇلتتىق بانكى ٴتوراعاسىنىڭ ورىنباسارى الپىسباي احمەتوۆ «7-20-25» باعدارلاماسىنا قاتىساتىن بانكتەرگە 200 ملرد تەڭگە بولىنەتىنىن، سونداي-اق بۇل سوما 1 ترلن تەڭگەگە جەتەتىنىن ايتتى، دەپ حابارلايدى baq.kz ٴتىلشىسى.

بايانداماشى قازىرگى ۋاقىتتا ۇلتتىق بانك پەن ۇكىمەت الدىندا ەكونوميكانى ۇزاق مەرزىمدى كرەديتتەۋ مەن قامتاماسىز ەتۋ جونىندەگى ماڭىزدى مىندەت تۇرعانىن اتاپ ٴوتتى.

«مەملەكەت باسشىسى قاۋىپسىزدىك كەڭەسىنىڭ وتىرىسىندا ٴتيىستى تاپسىرما بەردى. ۇلتتىق بانك بۇل مىندەتتى مىنا باعىتتار بويىنشا شەشەدى. وتكەن جىلى بانك سەكتورىنىڭ قارجىلىق ورنىقتىلىعىن ارتتىرۋ باعدارلاماسى ىسكە اسىرىلدى. التى بانك قالىپقا كەلتىرىلدى. ناتيجەسىندە بانكتەر كرەديتتىك بەلسەندىلىك ەتۋگە قاجەتتى مەنشىك كاپيتالىن ۇلعايتتى. بانكتەر جانە ولاردىڭ اكسيونەرلەرى وزدەرىنە ٴتيىستى مىندەتتەمەلەرىن قابىلدادى. قالىپقا كەلتىرۋ باعدارلاماسىنا قاتىسۋشى بانكتەر بەرەتىن كرەديتتەر سوماسى 1،2 ترلن تەڭگەدەن اسادى دەپ باعالاپ وتىرمىز»، - دەدى ۇلتتىق بانك ٴتوراعاسىنىڭ ورىنباسارى.

ول بانكتەردى قورلاندىرۋ مەرزىمدەرىن ۇزارتاتىن قۇرالداردى ەنگىزۋ بولجانىپ وتىرعانىن ايتتى.

«زاڭنامالىق دەڭگەيدە جيناق دەپوزيتتەرىن ەنگىزۋ بانكتەرگە نەعۇرلىم ۇزاق جانە بولجامدى قورلاندىرۋعا يە بولۋعا مۇمكىندىك بەرەدى. نارىق ويىنشىلارىنىڭ قاتىسۋىمەن تەڭ نەگىزدە زەينەتاقى قورىنىڭ قاراجاتىن بانكتەردىڭ وبليگاسيالارىنا ينۆەستيسيالاۋ بويىنشا ىسكە قوسىلاتىن باعدارلاما شەڭبەرىندە بانكتەرگە بەس جىلعا 400 ملرد تەڭگە بەرۋ جوسپارلانىپ وتىر. جاقىن ارادا بانكتەر «7-20-25» باعدارلاماسى شەڭبەرىندە 200 ملرد تەڭگە الادى. بولاشاقتا بۇل سوما 1 ترلن تەڭگەگە جەتەدى. بۇل بانكتەردىڭ يپوتەكالىق پورتفەلىنىڭ اعىمداعى كولەمىن ەكى ترلن تەڭگەگە دەيىن ەكى ەسە وسىرۋگە مۇمكىندىك بەرەدى»، - دەدى احمەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي