BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

5 مىڭ ۇستاز ٴتورت ٴپاندى اعىلشىنشا ۇيرەتىپ جاتىر – بعم

استانا، baq.kz ٴتىلشىسى. ٴبىلىم جانە عىلىم ٴمينيسترىنىڭ ورىنباسارى ەلميرا سۋحانبەرديەۆا 8 مىڭنان استام ٴپان ٴمۇعالىمى اعىلشىن ٴتىلىن ۇيرەنىپ جاتقانىن ٴمالىم ەتتى.

سەناتتىڭ الەۋمەتتىك-مادەني دامۋ جانە عىلىم كوميتەتىندە ٴوتىپ جاتقان ۇكىمەت ساعاتىندا ەلميرا سۋحانبەرديەۆا بيىل 110 مىڭنان استام پەداگوگ رەسپۋبليكالىق بيۋدجەت ەسەبىنەن بىلىكتىلىكتى ارتتىرۋ كۋرستارىنان ٴوتىپ جاتقانىن اتاپ ٴوتتى. ٴمينيستردىڭ ورىنباسارىنىڭ ايتۋىنشا، 5 مىڭعا جۋىق ٴتورت ٴپاندى اعىلشىنشا ۇيرەتىپ ٴجۇر ەكەن.

«ونىڭ ىشىندە 8 مىڭنان استام ٴپان ٴمۇعالىمى جەكە پاندەردى اعىلشىن تىلىندە وقىتۋ ٴۇشىن تىلدىك كۋرستاردا ٴبىلىم الۋدا. ولاردىڭ 5 مىڭعا جۋىعى وسى وقۋ جىلىنان باستاپ ساباق بەرۋگە كىرىستى. ۇستاز ورتالىعى بارلىق وڭىرلەردە اعىلشىن تىلىندە ساباق بەرە باستايتىن 4،5 مىڭنان استام مۇعالىمگە قولداۋ كورسەتۋدە. وتكەن وقۋ جىلىندا 510 مەكتەپ كەيبىر پاندەردى اعىلشىن تىلىندە پيلوتتىق جوبا رەتىندە وقىتسا، وسى وقۋ جىلىندا 2200-دەن استام مەكتەپتە اعىلشىن ٴتىلى ەلەمەنتتەرى قولدانىلۋدا»، - دەدى ول.

ايتا كەتەيىك، ەلىمىزدەگى جوعارى سىنىپتاردا (10-11 سىنىپ) حيميا، فيزيكا، بيولوگيا، ينفورماتيكا پاندەرى اعىلشىنشا وتەدى.

وسىعان دەيىن قر ٴبىلىم جانە عىلىم مينيسترلىگى ٴمۇعالىم مارتەبەسى تۋرالى زاڭدى دايىنداۋعا كىرىسكەنىن، بيىل قانشا ۇستازدىڭ جالاقىسى كوتەرىلگەنىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي