USD 335.71 EUR 357.36 RUB 5.23
استانا:

تازا ەمدىك شوپتەردەن جاسالعان وتاندىق كوسمەتيكا

بۇگىن ەلورداداعى كورمە ورتالىعىندا «beauty expo astana 2016» حالىقارالىق مامانداندىرىلعان كورمەسى باستالدى.

كورمەگە قاتىسۋشى سۇلۋلىق الەمىنىڭ كاسىبي شەبەرلەرى ٴتۇرلى ونىمدەرىمەن قاتار قىزمەت كورسەتۋ سالاسىنىڭ ٴتۇرلى ادىستەرىن ۇسىنۋمەن ەرەكشەلەندى. ٴتىپتى كەيبىر كوسمەتولوگيالىق ورتالىقتار تۇتىنۋشىلارعا اقىسىز نەگىزدە بەت كۇتىمىنە بايلانىستى قىزمەت تۇرلەرىن كورسەتسە، كاسىبي شاشاتارازدار شاش ۇلگىسىن جاساۋ ارقىلى شەبەرلىك سىنىپتارىن وتكىزدى.

كورمە زالىن ارالاۋ باراسىندا سورەلەرگە جايعاسقان قازاقستاندىق «ايساۋلە» تابيعي كوسمەتيكا ونىمدەرى نازار اۋدارتپاي قويمادى. وتاندىق ٴونىمنىڭ ەرەكشەلىگى – وڭتۇستىك قازاقستان وبلىسىندا وسەتىن تابيعي تازا ەمدىك شوپتەردەن جاسالۋىندا.

«ايساۋلە» تابيعي كوسمەتيكا ونىمدەرىنىڭ اۆتورى ساۋلە مۋسينا، حيميا عىلىمدارىنىڭ كانديداتى:

جاسىم قىرىققا كەلگەندە بارلىق ايەل زاتىن تولعاندىراتىن سۇراق مەنى دە مازالاي باستادى. عىلىمي جۇمىسپەن اينالىسا ٴجۇرىپ، وسى ماسەلەنى زەرتتەي باستادىم. ٴبىزدىڭ وڭتۇستىك قازاقستان وبلىسى دارىلىك قاسيەتكە باي، ەمدىك شوپتەرگە وتە باي. ٴار ٴشوپتىڭ پايداسى، ەمدىك قاسيەتى تۋرالى مالىمەتتەردى زەرتتەپ، جيىستىرا باستادىم. ٴداندى داقىلداردى دا زەرتتەپ، بەتكە ارنالعان فورمۋلا ازىرلەدىم. 2009 جىلدىڭ قاڭتار ايىنان 2011 جىلعا دەيىن ەكسپەريمەنت جاسادىم. دايىن بولعان فورمۋلانى كوسمەتولوگيالىق زالدان ورىن الىپ، ايەلدەردى شاقىرىپ، ٴونىمدى تاجىريبە جۇزىندە سىنادىق. تەرىنىڭ ٴتۇرلى تيپتەرىنە جاعىپ كورۋ ارقىلى ناتيجەسىن بىلدىك. 2011 جىلدىڭ ٴساۋىر ايىندا فورمۋلا تولىق دايىن بولدى. 2012 جىلى پاتەنتتەدىم. 2013 جىلى ماۋسىم ايىندا تەرىنىڭ بارلىق تۇرلەرىنە جاعۋعا جارامدى دەگەن يننوۆاسيالىق پاتەنتتىڭ يەسى اتاندىم. الدىمەن كاسىپكەرلەر پالاتاسىنا بارىپ، وتاندىق ٴونىم وندىرۋگە نيەتتى ەكەنىمدى ايتىپ، اقىل-كەڭەس سۇرادىم. ولار ماعان باعىت كورسەتىپ، «دامۋ» باعدارلاماسىنا جول سىلتەدى.

پاتەنت يەسى وسىلايشا كاسىپكەرلەر اراسىندا ۇيىمداستىرىلعان بايقاۋعا قاتىسىپ، 3 ملن گرانت جەڭىپ الىپتى. سول قاراجاتتى شاعىن كاسىبىن دوڭگەلەتىپ، قىز-كەلىنشەكتەرگە ارنالعان تابيعي كوسمەتيكا تۇرلەرىن وركەندەتۋگە جۇمساۋدا.

ساۋلە حانىمنىڭ ايتۋىنشا، ٴقازىر وندىرىستىك سەح تولىقتاي ارنايى قۇرال-جابدىقپەن جابدىقتالعان. سەحتا 16 ٴتۇرلى ٴونىم وندىرىلەدى. ٴبارى دە بەت تەرىسىنىڭ كۇتىمىنە ارنالعان ونىمدەر.

«ايساۋلە» برەندىنىڭ ەرەكشەلىگى – بيولوگيالىق بەلسەندى قوسپالاردان ايرىقشا ۇيلەسىممەن جاسالعان جاسالعاندىعىندا، كونسەرۆانتسىز، ەكولوگيالىق جاعىنان تازا، 100 پايىز نارلەندىرەتىن، ىلعالدانىراتىن قاسيەتىندە.

كورمە 21 قازانعا دەيىن جالعاسادى.

el.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي