BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

كىلتسىز وتالاتىن كولىكتىڭ ادام ومىرىنە ٴقاۋپى: نەنى ٴبىلۋ كەرەك

new york times باسىلىمىنىڭ اقپاراتىنا سايكەس، جيىرماعا جۋىق ادام ٴوز كولىكتەرىندە ۋلانىپ، كوز جۇمعان. تاعى ونداعان ادام اۋىر جاراقات الىپ، اۋرۋحاناعا جەتكىزىلگەن، دەپ حابارلايدى baq.kz اقپارات اگەنتتىگى.

كىلتسىز، تەك باتىرمانى باسۋ ارقىلى وتالاتىن كولىكتەر ٴقازىر سانگە اينالدى. ال كولىكتىڭ كىلتى تەك ەسىكتى اشىپ-جابۋ قىزمەتىن عانا اتقاراتىن برەلوك تۇرىندە عانا بولادى. عالىمدار ەندى وپ-وڭاي قوسىلاتىن بۇل باتىرمانى كولىكتەن شىعاردا باسىپ ٴوشىرۋدى جۇرگىزۋشىلەر ۇمىتىپ كەتەدى دەپ دابىل قاعۋدا.

اسىرەسە، بۇل دىبىسسىز گيبريدتى اۆتوكولىكتەرگە قاتىستى شىققان ماسەلە. كولىك توقتاعان كەزدە قوزعالتقىشى ىستەن شىعۋى مۇمكىن، ال اۆتوكولىك باتارەيالارى قۋاتتالعان سوڭ، ول اۆتوماتتى تۇردە كەيىننەن ىسكە قوسىلادى. سوندىقتان كوپتەگەن گيبريدتى كولىكتەردىڭ دىبىسى شىقپاي، جۇرگىزۋشىلەر الدانىپ قالىپ جاتادى.

ٴقازىر ساتىلىمدا جۇرگەن كوپتەگەن اۆتوكولىكتەرگە keyless – كىلتسىز باسقارۋ جۇيەسى ورناتىلۋدا. بۇل ىڭعايلىلىق ميلليونداعان اۆتوكولىكتەر جۇيەسىندە بار.

وسى ەرەكشەلىك بويىنشا، جۇرگىزۋشى كولىگىن كىلتسىز-اق قولىنىڭ باس بارماعىمەن باتىرمانى باسىپ، اشىپ-جابا دا الادى.

كولىك وندىرۋشىلەرى بۇل ماسەلەنى شەشۋ ٴۇشىن تەمىر تۇلپارلارعا ەندى دىبىستىق ەسكەرتۋ سيگنالدارىن ەنگىزۋدى ٴجون ساناپ وتىر. مامان دجەيك فيشەردىڭ ايتۋىنشا، بۇل سيگنالدار وشىرىلمەگەن كولىگىن تاستاپ بارا جاتقان جۇرگىزۋشىگە ەسكەرتۋ رەتىندە ىسكە قوسىلادى. وسى فۋنكسيانى كەز كەلگەن كولىككە قوسۋعا بولادى دەدى مامان.

general motors كولىك شىعارۋشى كومپانياسى وسى فۋنكسيانى كولىكتەرىنە ەنگىزىپ تە ۇلگەردى. ال وزگە كومپانيالار جۇرگىزۋشى كولىكتەن شىققاننان كەيىن اۆتوماتتى تۇردە تەمىر تۇلپار وشەتىن فۋنكسيانى ويلاپ تابۋعا كىرىسكەن.

ماقالا اۆتورلارى، وسى تاقىرىپتى زەرتتەۋشىلەر ٴاربىر كولىك يەسىنە كومىرتەگى گازىن انىقتايتىن دەتەكتورلاردى ورناتۋدى ۇسىندى. «بۇل قۇرالدار ولاردىڭ گاراجدارىنا ورناتىلۋى ٴتيىس، سوندا كىسى ٴولىمى ازايادى دەگەن سەنىم مول» دەيدى اۆتورلار.

اعىلشىن تىلىنەن اۋدارعان

التىناي قۋانىشبەك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي