BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

كەڭسە قىزمەتكەرلەرى ٴۇشىن جاتتىعۋ جاساۋدىڭ پايداسى

فوتو: Arriva.ru

استانا، baq.kz ٴتىلشىسى. تاڭەرتەڭنەن كەشكە دەيىن كومپيۋتەر الدىندا وتىراتىن، كوپ قوزعالمايتىن، سپورتپەن اينالىسۋعا ۋاقىت تاپپايتىن كەڭسە قىزمەتكەرى بولساڭىز، كەلەسى مالىمەتتەرگە قۇلاق ٴتۇرىپ ٴدال قازىرگى ساتتەن جاتتىعۋ جاساۋدى باستاڭىز. جۇمىس ۇستەلىندە ۇزاق ۋاقىت وتىرۋ تەمەكى شەگۋ سەكىلدى زيان ەكەنىن بىلەسىز بە؟ كۇنىمىزدى كومپيۋتەر الدىندا وتكىزۋ ديابەت، جۇرەك-تامىر جۇيەسى اۋرۋلارىنا، ٴتىپتى ەرتە ولىمگە اكەلۋى مۇمكىن.

مەن دە كەڭسە قىزمەتكەرىمىن. ون شاقتى اداممەن بىرگە كومپيۋتەردەن باس الماي جۇمىس ىستەپ جۇرگەنىمە 1 جىلدان استى. مۇنداي جۇمىسشىلاردى «كەڭسە پلانكتوندارى» دەپ اتايدى. پلانكتون – سۋدىڭ بەتكى قاباتىندا ونىڭ اعىسىمەن قالقىپ جۇرەتىن ۇساق ورگانيزمدەر.

كەڭسە پلانكتوندارىن بىلاي دەپ سۋرەتتەيدى: 20-مەن 40 جاس ارالىعىنداعى جوعارى ٴبىلىمدى، باسپاناسى جوق، پاتەر جالدايتىن نە اتا-اناسىنىڭ ۇيىندە تۇراتىن، قاراماعىندا باعىنشىتى قىزمەتكەرى جوق، فيزيكالىق ەڭبەكپەن اينالىسپايتىن جۇمىسشىلار.

سوڭعى كەزدە ارقام اۋىرىپ، ورىندىعىم قيسايىپ، كومپيۋتەرمەن جۇمىس ىستەگەن كەزدە جايسىز سەزىنەتىندى شىعاردىم. وزىمشە «فلاي يوگاعا» ، فيتنەسكە بارامىن دەگەنىمدە موينىم جار بەرمەدى. اقپاراتتى كوبىنەسە ينتەرنەتتەن الاتىن «پلانكتون» رەتىندە كەڭسەدە وتىرىپ فيزيكالىق جۇمىستى جاقسارتۋ تۋرالى ىزدەدىم.

1-جاتتىعۋ. ارقاڭىزدى تىك ۇستاپ، باسىڭىزدى وڭ يىعىڭىز بەن سول يىعىڭىزعا قاراي قوزعالتىڭىز. بىرنەشە رەت قايتالاپ شىعىڭىز. سودان كەيىن باسىڭىزدا العا-ارتقا قوزعالتىڭىز.

2-جاتتىعۋ. جاۋىرىنىڭىز بەن بەلىڭىزدى قابىرعاعا تىكتەپ تۇرىڭىز. ومىرتقاڭىزدى جاقسىلاپ تىكتەپ الىڭىز دا، كەڭسەنى اينالىپ ٴجۇرىپ شىعىڭىز. دالىزگە شىعىپ كىشىگىرىم سەرۋەن قۇرساڭىز بولادى. ەسكەرتۋ: ٴبىزدىڭ كەڭسەمىزدەگىدەي قيسىق قابىرعا بولسا، بۇل جاتتىعۋدى جاساۋعا بولمايدى.

3-جاتتىعۋ. ارقاڭىزدى تىكتەپ، قولىڭىزدى ٴتۇسىرىپ، يىعىڭىزدى العا-ارتقا اينالدىرىڭىز.

4-جاتتىعۋ. قولىڭىزدى ٴتۇسىرىپ، يىعىڭىزدى كەزەك-كەزەك جوعارى كوتەرىڭىز. بۇل جاتتىعۋدى جاساعانىمدا قاتىپ قالعان سۇيەكتەرىمنەن «قىرت-قىرت» ەتكەن دىبىسى ەستىلدى.

5-جاتتىعۋ. قولىڭىزدى بەلىڭىزگە قويىپ، وڭ جاعىڭىزعا جانە سول جاعىڭىزعا كەزەك-كەزەك ەڭكەيىڭىز.

6-جاتتىعۋ. قولىڭىزدى بەلىڭىزگە قويىپ، بوكسەڭىزدى ساعات تىلىمەن اينالدىرىڭىز. سودان كەيىن كەرىسىنشە باعىتتا اينالدىرىڭىز.

7-جاتتىعۋ. باسپالداقپەن كوتەرىلىپ، باسپالداقپەن ٴتۇسىڭىز. بۇل دا جاتتىعۋ!

8-جاتتىعۋ. كۇنى بويى اياعىڭىز كوپ قوزعالمايدى. ٴبىر ورىندا تۇرا بەرەتىن تابانىڭىز ٴۇشىن ماسساج جاساۋ قاجەت. ول ٴۇشىن اياق كيىمىڭىزدى شەشىپ، كىشكەنە دوپتىڭ، نە بوتەلكەنىڭ ۇستىنە اياعىڭىزدى قويىپ، العا-ارتقا اينالدىرىڭىز. بۇل جاتتىعۋ بۇلشىقەت ٴتىنىن جايلاندىرىپ، قان اينالىمىن جاقسارتادى.

9-جاتتىعۋ. الاقاندارىڭىزدى ايقاستىرا ەكى قولىڭىزدى كوتەرىپ، وڭعا-سولعا كەرىلىڭىز. سودان كەيىن ارقاڭىزدى دوڭگەلەك ەتىپ قولدارىڭىزدى العا سوقىڭىز.

10-جاتتىعۋ. قولىڭىزدى بەلىڭىزگە قويىپ باسىڭىزدى ارتقا شالقايتىڭىز. سودان كەيىن ورىندىعىڭىزدى ارتقا قاراي قوزعالتىپ، اياعىڭىزدى العا سوزىڭىز. ارقاڭىزدى تىكتەپ، قولىڭىزدى العا سوزىپ، ەڭكەيىڭىز.

تۇسكى اس ۋاقىتىندا سىرتتا سەرۋەندەپ قايتىڭىز. جوعارىداعى جاتتىعۋلاردى جاساۋدى ەستەن شىعارماڭىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي