BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

اقپاراتتىڭ راس-وتىرىگىن قالاي انىقتاۋعا بولادى؟

استانا، baq.kz. «ارسەلور ميتالل تەمىرتاۋ» دۋمان سماقوۆقا قاراعاندى شاحتالارىنداعى ەرەۋىلدەردى جوققا شىعارعانى ٴۇشىن اقشا تولەدى مە؟ ٴسىز تۇسىرگەن فوتوسۋرەتتى قايدا قولدانۋعا بولادى؟ زيانكەستەردىڭ «قۇربانى» بولماۋدىڭ قانداي جولدارى بار؟ ەلوردالىق جاستارمەن بولعان كەزدەسۋدە وسى جانە وزگە دە سۇراقتارعا جاۋاپ بەرىلدى.

3-4 قاراشادا استاناداعى iq كوۆوركينگىندە وتاندىق ٴىت جانە مەديا سالاسىنىڭ بىلىكتى ماماندارىنىڭ قاتىسۋىمەن ترەنينگتەر ٴوتتى. ترەنينگتەر فاكتچەكينگ، اقپاراتتىق قاۋىپسىزدىك، اقپارات تۋرالى زاڭ، مەدياەتيكا جانە الەۋمەتتىك جەلىدەگى جەكە برەند قالىپتاستىرۋ باعىتتارىن قامتىدى.

العاش بولىپ پوليگراف ٴتىلشى، facktchek.kz سايتىنىڭ باس رەداكتورى دۋمان سماقوۆ ٴسوز الدى. ول ورتا ازيادا فاكتچەكينگ سالاسىن تۇڭعىش يگەرگەندەردىڭ ٴبىرى ەكەنىن ەسكە سالا وتىرىپ، جاستاردى اينالاداعى بارلىق اقپاراتقا سەنە بەرمەۋگە شاقىردى.

«زاماناۋي تەحنولوگيالاردىڭ كومەگىمەن كەز-كەلگەن ادامنىڭ بەينەسى وعان قارسى قولدانىلۋى مۇمكىن. سول سەبەپتى ينتەرنەت كەڭىستىگىنە، اسىرەسە الەۋمەتتىك جەلىگە سۋرەت سالماستان بۇرىن، دۇرىستاپ ويلانعان ابزال»، – دەيدى دۋمان سماقوۆ.

سونىمەن قاتار، ٴقازىر كەز-كەلگەن اقپاراتتىڭ بۇرمالانۋ ٴقاۋپى بار. وسىنداي جاعداي ميانماداعى بالانىڭ سۋرەتىمەن بايلانىستى بولعانى ەسىمىزدە. جۋرناليستىك تەرگەۋ كەزىندە بۇل وقيعانىڭ باسقا ەلدە جانە ٴدىني ەرەكشەلىگىنە قاتىسى جوق ەكەنى انىقتالدى. اقپاراتتى جاريالاۋدان بۇرىن ونى ٴار ٴتۇرلى قوسىمشالار مەن باعدارلامالاردىڭ كومەگىمەن تەكسەرىپ العان دۇرىس.

«وكىنىشكە وراي، اقپاراتتىڭ راس-وتىرىگىن انىقتاۋ اۋديوماتەريالدارعا قاراعاندا، فوتو جانە ۆيدەوماتەريالدارعا تىكەلەي قاتىستى. سوڭعىلارىنىڭ اۆتورى مەن وزگەرتۋلەرىن انىقتاۋ قيىن ەمەس»، – دەيدى ول.

دۋمان سماقوۆ ٴوز سوزىندە ناقتى مىسالداردى دا كەلتىرىپ ٴوتتى.

«ارسەلور ميتالل تەمىرتاۋ» شاحتالارىنداعى ەرەۋىل كەزىندە تۇسىرگەن سۋرەتتى ۆەريفيكاسيادان وتكىزگەن كەزدە، كەنشىلەردىڭ كيىمىندە فيرمالىق بەلگىنىڭ جوقتىعى انىقتالدى. اتالمىش سۋرەتتىڭ ساراپتاماسىنا سايكەس، ونىڭ باسقا ەرەۋىل كەزىندە جاسالعانى بەلگىلى بولدى»، – دەپ ٴسوزىن جالعاستىرعان دۋمان سماقوۆ ترەنينگ قاتىسۋشىلارىن كەزدەيسوق اقپاراتقا سەنبەۋگە، الدىمەن ونىڭ راس-وتىرىگىنە كوز جەتكىزۋگە شاقىرادى.

قانداي اقپاراتتى تاراتپاعان ٴجون؟ بۇل جايىندا مەديا زاڭگەر گۇلميرا ٴبىرجانوۆا جاقسى ويلار ايتتى.

«ادامداردىڭ كوبى الەۋمەتتىك جەلىدەگى پوستقا ٴلۇپىل باسىپ، ونى ٴبولىسۋ قانداي ناتيجەگە الىپ كەلەتىنى تۋرالى ويلانا بەرمەيدى. الايدا قۇقىق قورعاۋ ورگاندارىنىڭ قىزمەتكەرلەرىنە ٴسىزدىڭ قالدىرعان قاراپايىم پىكىرىڭىزدە ەكسترەميستىك ارەكەتكە، جاپپاي تارتىپسىزدىككە، سونىمەن قاتار ۇلتارالىق نە وزگە الاۋىزدىق تۋدىرۋعا باعىتتالعان ۇندەۋلەر بار دەپ تانىلسا، اكىمشىلىك جازا تاعايىندالادى. قىلمىستىق جاۋاپكەرشىلىك تە قاراستىرىلعان»، – دەدى گۇلميرا ٴبىرجانوۆا.

ول ترەنينگ بارىسىندا ٴوزىمىزدى قوعامدىق جەرلەردە رۇقساتسىز فوتو نە ۆيدەوعا تۇسىرگەن جاعدايدا، ۇرەيلەنۋدىڭ قاجەتى جوق ەكەنىن جانە بۇعان زاڭ جۇزىندە رۇقسات ەتىلگەنىن ٴتۇسىندىرىپ ٴوتتى.

الەمدەگى ادامداردىڭ 97%-ى فيشينگقا توتەپ بەرە المايتىنىن ٴبىلدىڭىز بە؟ بۇل تۋرالى «ىت-تىرلىك» سايتى مەن «تيمۋر اكادەميا» اكادەمياسىنىڭ نەگىزىن قالاۋشى تيمۋر بەكتۇردان بىلدىك.

«ەڭ ٴبىرىنشى فيشينگتىڭ نە ەكەنىن ٴتۇسىنىپ الايىق. وزدەرىڭىز تۇسىنگەندەي، «بالىق اۋلاۋ» دەپ اۋدارىلادى، ياعني جەكە دەرەكتەرىمىزدى اۋلاۋ. وسىلايشا، كوپشىلىگىمىز بەلگىلى سايتتاردىڭ قاتە ينتەرفەيستەرىندە جەكە دەرەكتەردى تولتىرىپ، تۇرمىستىق تەحنيكا دۇكەندەرىنىڭ جالعان «ويناتۋلارى» مەن بانك «وتەماقىلارىنا» ۇشىرايمىز»، – دەدى تيمۋر بەكتۇر.

ول ٴوز ترەنينگىندە ٴار ماقساتقا الۋان ٴتۇرلى ەلەكتروندى پوشتا قولدانۋدى، الەۋمەتتىك جەلىدە اركەلكى پارول قويۋدى ۇسىنىپ، ەكىفاكتورلى تەڭنۇسقالاندىرۋدى ەلەمەۋگە بولمايتىنىن ايتتى.

جاستار اراسىندا تانىمال the steppe سايتىنىڭ نەگىزىن قالاۋشى زاۋرە روزمات قىسقا، ٴارى نۇسقا سويلەدى. جاس كاسىپكەر كونتەنت تازالىعىن ساقتاۋدى، ياعني فەيسبۋكتە وتىراتىندارعا ەرەسەكتەردىڭ تىلىمەن جازساڭىزدار، ينستاگرامدا ماقالا مازمۇنىن جاستارعا قاراي باعىتتاۋدى ۇسىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي