BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

ياگۋديننىڭ دەنيس تەنگە ارنالعان حابارى جەلىگە جاريالاندى

فوتو: CA-News

وليمپيادا چەمپونى الەكسەي ياگۋدين «تاەت لەد» اتتى اۆتورلىق باعدارلاماسىنىڭ ارنايى شىعارىلىمىن قازاقستاندىق مانەرلەپ سىرعاناۋشى دەنيس تەنگە ارنادى، دەپ حابارلايدى baq.kz ٴتىلشىسى.

ماتچ-تۆ ارناسىنان كورسەتىلگەن «تاەت لەد» باعدارلاماسىنىڭ ارنايى شىعارىلىمىندا ياگۋدين دەنيس تەننىڭ باپكەرلەرىمەن، دوستارىمەن جانە ارىپتەستەرىمەن اڭگىمەلەسەدى. ولاردىڭ اراسىندا مانەرلەپ سىرعاناۋشىلار ماكيسم مارينين، تاتيانا توتميانينا، ماكسيم ترانكوۆ، تاتيانا ۆولوسوجار، يليا اۆەربۋح جانە دەنيستىڭ دوستارى اكتەر سانجار ٴمادي، رەجيسسەر جانە سسەناريست يگور ساي، دەنيستىڭ العاشقى باپكەرى ەلەنا ۆودورەزوۆا مەن ودان كەيىنگى جاتتىقتىرۋشىسى تاتيانا تاراسوۆا بار. دوستارى مەن ارىپتەستەرى دەنيس تۋرالى جاقسى ەستەلىكتەر ايتىپ، ونىڭ سان قىرلى تۇلعا ەكەنىن ەسكە الدى.

باعدارلاما الماتىدا، ماسكەۋدە جانە دەنيس تەن وليمپيادانىڭ قولا مەدالىن العان جەر سوچيدە ٴتۇسىرىلدى.

ەسكە سالا كەتسەك، 2018 جىلدىڭ 19 شىلدەسىندە قازاقستاندىق سپورتشىنى الماتىدا پىشاقتاپ كەتتى. وقيعا ورنىندا 3 ليتر قان جوعالتقان سوڭ جەدەل جاردەم قىزمەتىمەن اۋرۋحانانىڭ جان ساقتاۋ بولىمىنە جەتكىزىلدى. الايدا دارىگەرلەر 25 جاستاعى دەنيس تەننىڭ ٴومىرىن قۇتاقارا المادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي