BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

«شابىت» فەستيۆالىندە 238 ٴبيشى سايىسقا تۇسۋدە

استانا، baq.kz. «شابىت» فەستيۆالى اياسىندا «حورەوگرافيا» نوميناسياسى بويىنشا قاتىسۋشىلار «جاستار» تەاترىنىڭ ساحناسىندا ونەر كورسەتۋدە. قازاقستاننىڭ وڭىرلەرىنەن، سونداي-اق وزبەكستان مەن قىرعىزستان مەملەكەتتەرىنەن كەلگەن 26 ۇجىم مەن سوليستەر، جالپى 238 ٴبيشى ەلوردادا حالىق بيلەرىن ورىنداۋ بويىنشا باقتارىن سىناۋدا. بۇل تۋرالى استانا قالاسىنىڭ مادەنيەت جانە سپورت باسقارماسىنىڭ ٴباسپاسوز قىزمەتى مالىمدەدى.

اتالعان نوميناسيا بويىنشا قازىلار القاسىن قر ەڭبەك سىڭىرگەن قايراتكەرى، «ناز» مەملەكەتتىك بي تەاترىنىڭ كوركەمدىك جەتەكشىسى جانە باس بالەتمەيستەرى قاديشا اعىمبايەۆا، شەشەنستان رەسپۋبليكاسىنىڭ حالىق ٴارتيسى، الەمگە تانىمال «ۆايناح» ٴانسامبلىنىڭ كوركەمدىك جەتەكشىسى ادنان ماجيدوۆ، رەسەي فەدەراسياسىنىڭ ەڭبەك سىڭىرگەن ٴارتيسى نۇرلان كامەتوۆ، «شالقىما» حالىق ٴبيى ٴانسامبلىنىڭ كوركەمدىك جەتەكشىسى، مادەنيەت قايراتكەرى ابدۋراسۋل ەسەكەەۆ، سونداي-اق قازاق ۇلتتىق ونەر ۋنيۆەرسيتەتىنىڭ پروفەسسورى ايگۇل كۇلبەكوۆا بار.

«قازىلار القاسىنىڭ مۇشەلەرىنىڭ بارلىعى دا بۇرىن ٴبيشى بولعان. ٴارقايسىسىنىڭ حورەوگرافيادا مول تاجىريبەسى بار. ٴبىز ەكىنشى تۋرعا 12 ۇجىم مەن سوليستەردى تاڭدادىق. قاتىسۋشىلاردىڭ دايىندىق دەڭگەيلەرى ٴارتۇرلى. وتە مىقتى بيشىلەر دە بار، ال كەيبىرى بايقاعا سالعىرت قاراعان، دايىندىقتارى ناشار. ٴبىز دە، قاراپايىم كورەرمەن دە ٴبيدى جاي تاماشالاپ قانا قويماي، ونى باعالاۋ ٴۇشىن ادەمى بولعانىن قالايمىز. نومەردىڭ كوستيۋمدەرى دە، مۋزىكاسى دا، حورەوگرافياسى دا، بي بارلىق جاعىنان ۇيلەسىپ تۇرسا، ول نازاردان تىس قالمايدى»، - دەيدى قاديشا اعىمبايەۆا.

حورەوگراف سىرعا لاتىپوۆا «شابىت» فەستيۆالىنە «شاتىق» حالىق ٴبيى انسامبلىمەن بىرگە قىرعىزستاننان كەلگەن ەكەن. قىرعىزستاننىڭ ەڭبەك سىڭىرگەن مادەنيەت قايراتكەرىنىڭ شاكىرتتەرى فەستيۆالدە بۇرىن دا باعىن سىناعان. ٴار جىلدارى ونىڭ تاربيەلەنۋشىلەرى «شابىت» لاۋرەاتتارى اتانسا، بۇگىندە حورەوگرافيا ونەرىنىڭ شەبەرلەرى جانە ەڭبەك سىڭىرگەن پەداگوگتار بولىپ تابىلادى.

«ٴبىر جىلدارى «شابىتتا» باعىن سىناپ، جۇلدەلى ورىندار العان شاكىرتتەرىم، بۇگىندە مادەنيەت جانە ٴبىلىم وزاتتارى. «شابىت» ولاردى ونەر جولىنا جەتەلەدى، ولاردىڭ كاسىپقوي رەتىندە قالىپتاسۋىنا سەرپىن بەردى. رەسپۋبليكادا جاستارعا ارنالعان وسىنداي بايقاۋلار مەن فەستيۆالدەردىڭ وتكىزىلەتىنى جاقسى. سەبەبى، بۇل جاستار شىعارماشىلىقتاعى مايتالمانداردى الماستىرادى، ٴبىز ولاردى دايىندايمىز، جاڭا ەسىمدەردى اشامىز، ۇرپاقتار ساباقتاستىعى بار. بيىل 16-17 جاستاعى 17 ٴبيشى كەلدىك. ٴاربىر كومپوزيسيانى ورىنداعان كەزدە مەنىڭ شاكىرتتەرىم وزدەرىنىڭ دەربەستىگىن، ەرەكشەلىگىن كورسەتۋگە تىرىستى. ٴبىز ويىمىزدى ىسكە اسىردىق دەپ ويلايمىن»، - دەدى قىرعىزستاندىق ٴانسامبلدىڭ جەتەكشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي